Wp/cop/Ⲓⲱⲁⲛⲛⲏⲥ ⲡⲓⲔⲟⲗⲟⲃⲟⲥ

Ϯϩⲓⲕⲱⲛ ⲛ̀ⲧⲉⲒⲱⲁⲛⲛⲏⲥ ⲡⲓⲔⲟⲗⲟⲃⲟⲥ ϧⲉⲛϨⲟⲥⲓⲟⲥ Ⲗⲟⲩⲕⲁⲥ ϧⲉⲛϯⲈⲗⲗⲁⲥ.

Ⲓⲱⲁⲛⲛⲏⲥ ⲡⲓⲔⲟⲗⲟⲃⲟⲥ ⲛⲉⲟⲩϧⲉⲗⲗⲟ ⲛ̀ⲧⲉⲛⲓϣⲁϥⲉⲩ ⲛ̀ⲣⲉⲙⲛ̀ⲭⲏⲙⲓ ⲡⲉ ⲛ̀ⲧⲉϯⲉⲕⲕⲗⲏⲥⲓⲁ̀ ⲛ̀ⲭⲣⲓⲥⲧⲓⲁ̀ⲛⲟⲥ ⲛ̀ⲁⲣⲭⲉⲟⲥ.

Ⲡⲓⲃⲓⲟⲥ

Ⲁⲩⲙⲁⲥϥ ϧⲉⲛϯⲃⲁⲕⲓ ⲡⲓⲰ̀ⲡⲓ ϧⲉⲛⲬⲏⲙⲓ ⲉ̀ϩⲁⲛⲓⲟϯ ⲛ̀ⲭⲣⲓⲥⲧⲓⲁⲛⲟⲥ ⲛ̀ϩⲏⲕⲓ. Ϧⲉⲛⲧⲉϥⲙⲁϩ18 ⲛ̀ⲣⲟⲙⲡⲓ ⲛ̀ⲑⲟϥ ⲛⲉⲙⲡⲉϥⲥⲟⲛ ⲉϥⲉⲣⲛⲓϣϯ ⲁⲩϣⲉ ⲉ̀ⲡϣⲁϥⲉ ⲛ̀Ϣⲓϩⲏⲧ ⲡⲓⲙⲁ ⲉ̀ⲧⲁϥⲉⲣⲙⲁⲑⲏⲧⲏⲥ ⲙ̀Ⲡⲁⲙⲃⲱ ⲟⲩⲟϩ ⲁϥⲉⲣϣⲫⲏⲣ ⲙ̀Ⲡⲓϣⲱⲓ. Ⲁϥⲱⲛϧ ϧⲉⲛⲟⲩⲃⲓⲟⲥ ⲛ̀ⲁⲥⲕⲏⲧⲏⲥ ⲟⲩⲟϩ ⲁϥϯⲥⲃⲱ ⲛ̀ϩⲁⲛⲙⲏϣ ⲙ̀ⲙⲟⲛⲁⲭⲟⲥ ⲉ̀ⲡⲉϥϫⲓⲛⲙⲟϣⲓ ⲉ̀ⲧⲉ ⲛ̀ϧⲏⲧⲟⲩ ⲡⲉ Ⲁⲣⲥⲉⲛⲓⲟⲥ ⲡⲓⲚⲓϣϯ.

Ⲙⲉⲛⲉⲛⲥⲁ ⲡⲓϫⲓⲛⲟⲩⲱⲧⲉⲃ ⲛ̀ⲧⲉⲠⲁⲙⲃⲱ ⲁⲩⲑⲁϩⲥ ⲛ̀Ⲓⲱⲁⲛⲛⲏⲥ ⲛ̀ⲟⲩⲡⲣⲉⲥⲃⲩⲧⲉⲣⲟⲥ ϩⲓⲧⲉⲛⲡⲁⲡⲁ Ⲑⲉⲟ̀ⲫⲓⲗⲟⲥ ⲟⲩⲟϩ ⲁϥⲉⲣϩⲏⲅⲟⲩⲙⲉⲛⲟⲥ ⲙ̀ⲡⲓⲙⲟⲛⲁⲥⲧⲏⲣⲓⲟⲛ ⲉ̀ⲧⲁϥϩⲓⲥⲉⲛϯ ⲙ̀ⲙⲟϥ ϧⲁⲧⲉⲛⲡⲓϢϣⲏⲛ ⲛ̀ⲧⲉϯⲙⲉⲧⲣⲉϥⲥⲱⲧⲉⲙ. Ⲉⲧⲁⲩⲓ̀ ⲛ̀ϫⲉⲛⲓⲙⲁⲍⲓⲝ ⲉ̀Ϣⲓϩⲏⲧ ϧⲉⲛ395 ⲁ̀Ⲓⲱⲁⲛⲛⲏⲥ ⲫⲱⲧ ⲉ̀ⲃⲟⲗ ϧⲉⲛⲠⲧⲱⲟⲩ ⲙ̀ⲡϩⲙⲟⲩ ⲟⲩⲟϩ ⲁϥϣⲉ ⲉ̀ϩⲉⲙⲥⲓ ϩⲓϫⲉⲛⲡⲧⲱⲟⲩ ⲛ̀ⲧⲉⲡⲓⲔⲗⲩⲥⲙⲁ ϧⲁⲧⲉⲛϯⲃⲁⲕⲓ ⲡⲓⲔⲗⲩⲥⲙⲁ ⲛ̀ⲧⲉϯⲛⲟⲩ ⲡⲓⲙⲁ ⲉ̀ⲧⲁϥⲙⲧⲟⲛ ⲙ̀ⲙⲟϥ ⲛ̀ϧⲏⲧϥ.

Ϧⲉⲛ515 ⲁⲩⲟⲩⲱ̀ⲧⲉⲃ ⲛ̀ⲛⲓⲗⲉⲯⲁⲛⲟⲛ ⲛ̀ⲧⲉⲒⲱⲁⲛⲛⲏⲥ ⲡⲓⲕⲟⲗⲟⲃⲟⲥ ⲉ̀Ⲡⲧⲱⲟⲩ ⲙ̀ⲡϩⲙⲟⲩ. Ⲥⲉⲉⲣϣⲁⲓ ⲙ̀ⲡⲉϥⲉⲣⲫⲙⲉⲩⲓ ϧⲉⲛⲡⲓⲥⲟⲩ17 ⲙ̀ⲡⲓⲁ̀ⲃⲟⲧ Ⲟⲕⲧⲱⲃⲣⲓⲟⲥ ϧⲉⲛϯⲉⲕⲕⲗⲏⲥⲓⲁ̀ ⲛ̀ⲕⲁⲑⲟⲗⲓⲕⲟⲛ ⲛ̀ⲣⲱⲙⲉⲟⲥ ⲟⲩⲟϩ ϧⲉⲛⲡⲓⲥⲟⲩ20 ⲙ̀Ⲡⲁⲱⲡⲓ ϧⲉⲛϯⲉⲕⲕⲗⲏⲥⲓⲁ̀ ⲛ̀ⲟⲣⲑⲟⲇⲟⲝⲟⲥ ⲛ̀ⲣⲉⲙⲛ̀ⲭⲏⲙⲓ ⲟⲩⲟϩ ϧⲉⲛⲡⲓⲥⲟⲩ9 ⲙ̀ⲡⲓⲁ̀ⲃⲟⲧ Ⲛⲟⲉⲙⲃⲣⲓⲟⲥ ϧⲉⲛϯⲉⲕⲕⲗⲏⲥⲓⲁ̀ ⲛ̀ⲟⲣⲑⲟⲇⲟⲝⲟⲥ ⲛ̀ⲧⲉⲠⲉⲓⲉⲃⲧ. Ϯⲉⲕⲕⲗⲏⲥⲓⲁ̀ ⲛ̀ⲟⲣⲑⲟⲇⲟⲝⲟⲥ ⲛ̀ⲣⲉⲙⲛ̀ⲭⲏⲙⲓ ⲥⲉⲣⲟⲙⲟⲗⲟⲅⲓⲛ ⲙ̀ⲡⲓⲙⲟⲛⲁⲥⲧⲏⲣⲓⲟⲛ ⲛ̀ⲧⲉⲡⲓⲁ̀ⲅⲓⲟⲥ Ⲓⲱⲁⲛⲛⲏⲥ ⲡⲓⲔⲟⲗⲟⲃⲟⲥ ϧⲉⲛϢⲓϩⲏⲧ ϯⲛⲟⲩ.

Ⲓⲱⲁⲛⲛⲏⲥ ⲛⲁϥⲱⲛϧ ⲉ̀ⲃⲟⲗ ϩⲓⲧⲉⲛⲟⲩϫⲟⲕ ⲛⲉⲙϩⲁⲛⲟⲩⲟϯ ⲙ̀ⲙⲁⲩⲁⲧⲟⲩ ⲙ̀ⲡⲉϥⲃⲓⲟⲥ ⲧⲏⲣϥ ⲟⲩⲟϩ ⲛⲁϥⲟⲩⲱⲙ ⲛ̀ⲟⲩⲥⲟⲡ ⲛ̀ⲟⲩⲱⲧ ϧⲉⲛⲡⲓⲉ̀ϩⲟⲟⲩ.