Wp/cop/Ⲓⲁⲕⲱⲃ ⲡϣⲏ Ⲓⲱϩⲁⲛⲛⲏⲥ
Ⲛⲉⲓⲁⲕⲱⲃ ⲡϣⲏ Ⲓⲱϩⲁⲛⲛⲏⲥ (1745, ⲡⲓⲘⲁ ⲛ̀ⲗⲁⲩ, ⲡⲓⲑⲱϣ Ⲑⲙⲟⲛⲏ – 1801, Ⲙⲁⲣⲥⲓⲗⲓⲁ̀, Ⲫⲣⲁⲅⲅⲓⲁ̀) ϣⲁⲛⲒⲁⲕⲱⲃ ⲡⲓⲢⲉⲙⲛ̀ⲙⲁⲣⲏⲥ ϣⲁⲛⲒⲁⲕⲱⲃ ⲡⲓⲤⲧⲣⲁⲧⲏⲗⲁⲧⲏⲥ ⲟⲩⲥⲁϧ ⲛⲉⲙⲟⲩⲥⲧⲣⲁⲧⲏⲗⲁⲧⲏⲥ ⲡⲉ ⲉⲧⲁϥⲉⲙⲗⲁϧ ⲛ̀ⲛⲓⲕⲟⲩⲝ ⲛⲉⲙⲛⲓⲧⲟⲩⲣⲕⲟⲥ ⲉ̀ⲧⲁ ⲡⲓⲙⲟϣⲓ ⲙ̀ⲫⲣⲁⲅⲅⲟⲥ ⲉ̀Ⲭⲏⲙⲓ (1798 – 1801).
Ⲡⲉϥⲃⲓⲟⲥ
[edit | edit source]Ⲁⲩⲙⲁⲥϥ ϧⲉⲛ1745 ϧⲉⲛⲡⲓⲘⲁ ⲛ̀ⲗⲁⲩ ϧⲉⲛⲪⲙⲁⲣⲏⲥ. Ⲁϥⲉⲣⲃⲱⲕ ⲛ̀Ⲥⲟⲩⲗⲁⲓⲙⲁⲛ Ⲫⲏⲕ ⲡⲓⲡⲁⲅⲁⲣⲭⲟⲥ ⲙ̀ⲡⲓⲑⲱϣ Ⲥⲓⲱⲟⲩⲧ ⲙ̀ⲫⲣⲏϯ ⲛ̀ⲟⲩϣⲁⲗⲓⲟⲩ. Ⲁϥϭⲓⲥⲃⲱ ⲙ̀ⲡⲓⲉⲃϩⲑⲟ ⲛⲉⲙϩⲁⲛⲕⲉⲙⲉⲧⲥⲁϩ ⲙ̀ⲙⲉⲧⲙⲁⲧⲟⲓ ⲙ̀ⲙⲁⲩ.
Ϧⲉⲛ1786 ⲛⲓϣⲉⲛϩⲟⲑⲙⲉⲛ ⲁⲩⲉⲣϩⲏⲧⲥ ⲛ̀ϭⲣⲟ ⲉ̀ϫⲉⲛⲬⲏⲙⲓ. Ⲛⲓⲕⲟⲩⲝ Ⲙⲟⲣⲁⲇ Ⲫⲏⲕ ⲛⲉⲙⲀ̀ⲃⲣⲁϩⲁⲙ Ⲫⲏⲕ ⲁⲩⲫⲱⲧ ⲉⲪⲙⲁⲣⲏⲥ ⲁⲗⲗⲁ ⲡⲓⲥⲧⲣⲁⲧⲏⲗⲁⲧⲏⲥ ⲛ̀ⲧⲟⲩⲣⲕⲟⲥ Ϩⲁⲥⲁⲛ ⲁϥⲉⲣϩⲓⲫⲁϩⲟⲩ ⲙ̀ⲙⲱⲟⲩ ⲟⲩⲟϩ ⲁϥⲙⲁϣϥ ⲉϩⲣⲉⲛⲡⲓϯⲙⲓ Ⲯⲟⲓ. Ⲛⲉⲓⲁⲕⲱⲃ ⲡϣⲏ Ϩⲉⲛⲁ ⲡⲉ ϧⲉⲛⲛⲓⲁⲗⲁⲥⲱϯ ⲛ̀ⲕⲟⲩⲝ.
Ⲁⲗⲗⲁ ϧⲉⲛ1798 Ⲛⲁⲡⲟⲗⲉⲱⲛ ⲁϥϣⲉ ⲛⲁϥ ⲉ̀ϧⲟⲩⲛⲬⲏⲙⲓ ⲟⲩⲟϩ Ⲅⲉⲱⲣⲅⲓⲟⲥ Ⲉⲗϫⲁⲟ̀ϩⲁⲣⲓ ⲁϥⲭⲁϥ ⲉ̀ⲉⲣⲙⲗⲁϧ ⲉ̀ϫⲉⲛⲡⲓⲥⲧⲣⲁⲧⲏⲗⲁⲧⲏⲥ ⲙ̀ⲫⲣⲁⲅⲅⲟⲥ Ⲗⲟⲩⲓ Ⲇⲉⲥⲏ ⲟⲩⲧⲉⲛⲓⲕⲟⲩⲝ.
Ⲙⲉⲛⲉⲛⲥⲁ ⲡⲓϫⲓⲛⲓ ⲉ̀ⲃⲟⲗ ⲛ̀ⲧⲉⲚⲁⲡⲟⲗⲉⲱⲛ ⲛⲓⲧⲟⲩⲣⲕⲟⲥ ⲁⲩⲕⲱϣ ⲙ̀ⲡⲓⲥⲉⲙⲛⲓ ⲛ̀ⲧⲉϨⲣⲓⲛⲟⲕⲟⲣⲟⲩⲣⲁ ⲟⲩⲟϩ ⲡⲉϥⲥⲧⲣⲁⲧⲏⲗⲁⲧⲏⲥ Ⲕⲗⲉⲫⲏⲣ ⲁϥⲙⲁϣⲟⲩ ⲉϩⲣⲉⲛⲰⲛ Ⲡⲉⲧⲫⲣⲏ. Ⲡⲓⲙⲁϩⲥⲛⲁⲩ ⲛ̀ⲧⲱⲟⲩⲛ ⲛ̀ⲧⲉϯⲔⲉϣⲣⲱⲙⲓ ⲁϥⲣⲁⲟⲩⲏⲟⲩⲧ ϧⲉⲛ1800 ⲟⲩⲟϩ ⲛⲓⲙⲱⲥⲗⲏⲙ ⲁⲩⲙⲓϣⲓ ⲛ̀ⲛⲓⲣⲁⲃⲏ ⲛ̀ⲭⲣⲓⲥⲧⲓⲁ̀ⲛⲟⲥ ϧⲉⲛϯⲀⲛⲧⲱⲛⲓⲁⲥ ⲟⲩⲟϩ Ⲓⲁⲕⲱⲃ ⲁϥⲉⲣⲛⲁϣϯ ⲙ̀ⲙⲱⲟⲩ. Ⲙⲉⲛⲉⲛⲥⲱⲥ ⲁϥⲥⲱⲛⲧ ⲛ̀ϯⲖⲉⲅⲉⲱⲛ ⲛ̀ⲁⲓⲅⲩⲡⲧⲓⲟⲛ (ⲙ̀ⲙⲉⲧⲫⲣⲁⲅⲅⲟⲥ: Legion Cophte).
Ⲛⲓⲫⲣⲁⲅⲅⲟⲥ ⲁⲩⲭⲱ ⲛ̀ⲥⲁⲬⲏⲙⲓ ϧⲉⲛ1801 ⲟⲩⲟϩ Ⲓⲁⲕⲱⲃ ⲁϥϣⲉ ⲛⲁϥ ⲛⲉⲙ ⲙ̀ⲙⲱⲟⲩ. Ⲁϥⲙⲱⲟⲩⲧ ⲉⲑⲃⲉⲛⲓϣⲁⲛⲙⲁϧⲧ ϧⲉⲛⲘⲁⲣⲥⲓⲗⲓⲁ̀ ϧⲉⲛⲥⲟⲩ17 ⲛ̀ⲁⲩⲅⲟⲩⲥⲧⲟⲥ 1801.