Wp/cop/Ⲃⲁⲃⲩⲗⲱⲛ ⲛ̀Ⲭⲏⲙⲓ

Ϯⲙⲏⲧⲣⲟⲡⲟⲗⲓⲥ
Ⲑⲃⲁⲃⲩⲗⲱⲛ ⲛ̀Ⲭⲏⲙⲓ
ϯⲙⲉⲧⲁ̀ⲣⲁⲃⲟⲥ: القاهرة
	; Ⲡⲓⲙⲏⲓⲛⲓ ; Ⲡⲓⲥⲓⲅⲛⲟⲛ
Ϯⲇⲓⲟⲓⲕⲏⲥⲓⲥ
Ϯⲭⲱⲣⲁ	Ⲭⲏⲙⲓ
Ⲡⲓⲑⲱϣ	Ⲑⲃⲁⲃⲩⲗⲱⲛ
Ⲡⲓⲁ̀ⲫⲉ	Ⲓ̀ⲃⲣⲁϩⲓⲙ Ⲥⲁⲃⲏⲣ Ϧⲁⲗⲏⲗ
Ⲡⲓⲇⲉⲙⲟⲥ
Ϯⲏⲡⲓ ⲛ̀ⲇⲉⲙⲟⲥ	10,100,166
Ϯⲅⲉⱀⲅⲣⲁⲫⲓⲁ̀
Ⲡⲓϣⲁⲩ	2,734
Ϯⲍⲱⲛⲏ ⲛ̀ⲥⲏⲟⲩ	UTC+2

Ⲑⲃⲁⲃⲩⲗⲱⲛ ⲛ̀Ⲭⲏⲙⲓ (ϯⲙⲉⲧⲁ̀ⲣⲁⲃⲟⲥ: القاهرة) ϣⲁⲛⲬⲏⲙⲓ-ⲧⲉ ϯⲙⲏⲧⲣⲟⲡⲟⲗⲓⲥ ⲛ̀ⲣⲉⲙⲛ̀ⲭⲏⲙⲓ ⲛⲉⲙⲧⲉⲥⲛⲓϣϯ ⲙ̀ⲃⲁⲕⲓ ⲉⲧϧⲉⲛⲠⲉⲓⲉⲃⲧ ⲉⲧϧⲉⲛⲑⲙⲏϯ. 10 ⲙ̀ⲙⲓⲗⲓⲱⲛ ⲛ̀ⲣⲱⲙⲓ ⲥⲉϩⲉⲙⲥⲓ ϧⲉⲛϯⲃⲁⲕⲓ ⲟⲩⲟϩ 22.1 ϧⲉⲛⲡⲓϣⲓ ⲛ̀ⲧⲉϯⲙⲏⲧⲣⲟⲡⲟⲗⲓⲥ ⲛ̀ⲧⲉⲂⲁⲃⲩⲗⲱⲛ ϯⲛⲓϣϯ.

Ϩⲁⲛⲙⲏϣ ⲙ̀ⲙⲁ ⲛ̀ⲁⲣⲭⲉⲟⲥ ⲥⲉⲭⲏ ϧⲉⲛⲧⲉⲥⲡⲉⲣⲓⲭⲱⲣⲟⲥ ⲙ̀ⲫⲣⲏϯ ⲛ̀Ⲱⲛ ⲛⲉⲙⲘⲉⲛϥⲓ ϯⲙⲏⲧⲣⲟⲡⲟⲗⲓⲥ ⲛ̀ⲣⲉⲙⲛ̀ⲭⲏⲙⲓ ⲛ̀ⲁ̀ⲡⲁⲥ ⲉⲩⲥⲟⲡ ⲛⲉⲙⲚⲓⲡⲩⲣⲁⲙⲓⲥ ⲛⲁϯ-Ⲡⲉⲣⲥⲓⲟⲓ. Ϯⲃⲁⲕⲓ ⲣⲱ ⲁⲥⲁⲓⲁⲓ ⲉ̀ⲃⲟⲗ ϧⲉⲛⲛⲓⲃⲁⲕⲓ ⲛ̀ⲧⲉⲡⲉⲛⲉϩ ⲉⲧϧⲉⲛⲑⲙⲏϯ ⲛ̀ϫⲉⲡⲓ-Ⲫⲱⲥⲁⲧⲟⲛ.

Ⲟⲩⲟⲛⲧⲁⲥ ϯⲁⲣⲭⲉⲟⲥ ⲛⲉⲙϯⲛⲓϣϯ ⲙ̀ⲡⲣⲁⲅⲙⲁⲧⲓⲁ̀ ⲛ̀ϥⲓⲗⲙ ⲛⲉⲙⲙⲟⲩⲥⲓⲕⲟⲛ ϧⲉⲛⲠⲉⲓⲉⲃⲧ ⲉⲧϧⲉⲛⲑⲙⲧϯ ⲉⲩⲥⲟⲡ ⲛⲉⲙⲡⲓⲁⲣⲭⲉⲟⲥ ⲙ̀ⲙⲁ ⲛ̀ϭⲓⲥⲃⲱ ⲉⲧϭⲟⲥⲓ ⲛ̀ⲭⲏⲙⲓ ⲛ̀ϫⲉⲡⲓⲙⲁ ⲛ̀ⲑⲱⲟⲩⲧⲥ ⲡⲓ-Ⲫⲱⲥⲧⲏⲣ. Ϩⲁⲛⲙⲏϣ ⲙ̀ⲙⲏⲥⲟⲧⲏⲥ ⲛⲉⲙⲡⲣⲁⲝⲓⲥ ⲛⲉⲙⲥⲉⲛϯ ⲉⲧⲟⲩⲧⲉϣⲗⲱⲗ ⲟⲩⲟⲛⲧⲟⲩ ⲛⲟⲩⲧⲟⲧⲥ ⲙ̀ⲡⲉⲣⲓⲭⲱⲣⲟⲥ ϧⲉⲛϯⲡⲟⲗⲓⲥ.

Ⲡⲓⲙⲉⲑⲣⲱ ⲛ̀ⲧⲉⲂⲁⲃⲩⲗⲱⲛ-ⲡⲉ ⲡⲓⲁⲣⲭⲉⲟⲥ ϧⲉⲛⲛⲓⲙⲉⲑⲣⲟ ⲛ̀ⲧⲉϯ-Ⲁ̀ⲫⲣⲓⲕⲏ ⲉⲧⲁⲩⲟⲩⲏⲛϥ ϧⲉⲛ1987.

Ⲡⲓⲣⲁⲛ

Ⲟⲩⲟⲛϣϫⲟⲙ ϫⲉⲡⲓⲣⲁⲛ Ⲃⲁⲃⲩⲗⲱⲛ (ϯⲙⲉⲧⲣⲉⲙⲛ̀ⲭⲏⲙⲓ ⲛ̀ⲁ̀ⲡⲁⲥ: Pr-Ḥʿpy-n-Ỉwn) ϣⲁϥⲟⲩⲁϩⲙⲉϥ ϫⲉ«ⲡⲓⲏⲓ ⲛ̀ⲧⲉϨⲱⲡ ⲛ̀Ⲱ̀ⲛ».

Ϩⲁⲛⲙⲏϣ ⲛ̀ⲥⲟⲡ ⲥⲉⲛⲓⲣⲉⲙⲛ̀ⲭⲏⲙⲓ ⲙⲟⲩϯ ⲉ̀ⲣⲟⲥ ϫⲉⲬⲏⲙⲓ ⲉⲑⲃⲉⲧⲉⲥⲙⲉⲑⲛⲓϣϯ ϧⲉⲛⲛⲓⲕⲉⲃⲁⲕⲓ ⲛ̀ϯⲭⲱⲣⲁ.

Ϩⲁⲛⲟⲩⲟⲛ ϧⲉⲛⲛⲓⲃⲁⲗⲓⲥⲧⲟⲣⲓⲁ̀ ⲥⲉⲙⲟⲕⲙⲉⲕ ϫⲉⲁⲩϩⲓⲥⲉⲛϯ ⲛ̀ϯⲃⲁⲕⲓ ⲉ̀ⲧⲓ ⲡⲓϣⲁⲓ ⲛ̀ⲧⲉⲘⲟⲗⲟⲭ ⲡⲓⲥⲉⲣⲙⲏ ⲉ̀ⲡⲉϥⲣⲁⲛ-ⲡⲉ «ⲁⲗⲛⲁϫⲙ ⲁⲗⲕⲁϩⲓⲣ» (ϯⲙⲉⲧⲁ̀ⲣⲁⲃⲟⲥ: النجم القاهر) ϧⲉⲛϯⲙⲉⲧⲁⲣⲁⲃⲟⲥ ⲛ̀ⲅⲗⲱⲧⲑⲓⲁ̀ ⲟⲩⲟϩ ⲕⲁⲧⲁⲫⲁⲓ ⲡⲓⲣⲁⲛ-ⲡⲉ Ⲁⲗⲕⲁϩⲓⲣⲁ (ϯⲙⲉⲧⲁ̀ⲣⲁⲃⲟⲥ: القاهرة).^[1] Ⲟⲩⲟⲛⲧⲉⲥ ϩⲁⲛⲙⲏϣ ⲛ̀ⲕⲉⲣⲁⲛ ⲛ̀ϫⲉϯⲃⲁⲕⲓ ϧⲉⲛϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲛ̀ϫⲉϯⲡⲟⲗⲓⲥ ϯ-Ⲣⲉϥϭⲣⲟ^[2] ⲛⲉⲙⲬⲏⲙⲓ ⲛⲉⲙⲖⲓⲟⲩⲓ̀ ⲛⲉⲙϯ-Ⲕⲉϣⲣⲱⲙⲓ. Ⲡⲁⲓⲣⲁⲛ ⲛ̀ϧⲁⲉ ⲉⲧⲉⲙⲙⲁⲩ ⲁⲩϭⲓ ⲉ̀ⲡⲟⲩϣⲁⲡ ⲙ̀ⲡⲓⲣⲁⲛ ⲙ̀ⲙⲉⲧⲁ̀ⲣⲁⲃⲟⲥ ⲡⲓⲔⲁⲥⲧⲣⲟⲛ ⲛ̀ⲣⲱⲙⲉⲟⲥ (ϯⲙⲉⲧⲁ̀ⲣⲁⲃⲟⲥ: قَصْر الرُوم) ⲉⲧⲁⲩⲇⲟⲕⲓⲙⲁⲍⲓⲛ ϧⲉⲛϮⲙⲁⲣⲧⲩⲣⲓⲁ ⲛ̀ⲧⲉⲡⲓⲁ̀ⲅⲓⲟⲥ Ⲓⲱⲁⲛⲛⲏⲥ ⲡⲓⲉ̀ⲃⲟⲗ ϧⲉⲛⲪⲁⲛⲓϫⲱⲓⲧ.

Ϯⲥⲧⲟⲣⲓⲁ̀

Ϯⲥⲉⲛϯ

Ϧⲉⲛⲛⲓⲥⲛⲏⲟⲩ ⲛ̀ⲧⲉⲬⲏⲙⲓ ⲛ̀ⲁⲣⲭⲉⲟⲥ ⲟⲩⲙⲁ ⲛ̀ⲟⲩⲱⲛϩ ⲁϥⲭⲏ ϧⲉⲛⲡⲓⲙⲁ ⲛ̀ⲧⲉⲂⲁⲃⲩⲗⲱⲛ ⲛ̀ⲁ̀ⲡⲁⲥ ⲉⲧⲁⲩϩⲓⲥⲉⲛϯ ⲙ̀ⲙⲟϥ ϧⲉⲛⲁⲩ700-640 ϧϫ̅ⲛ̅ⲭ̅ⲥ̅ ⲟⲩⲟϩ ⲙⲏⲡⲱⲥ ⲉ̀ⲧⲁⲩⲙⲟⲩϯ ⲉ̀ⲣⲟϥ ϫⲉⲠⲓⲏⲓ ⲛ̀ⲧⲉϨⲱⲡ ⲛ̀Ⲱⲛ (ϯⲙⲉⲧⲣⲉⲙⲛ̀ⲭⲏⲙⲓ ⲛ̀ⲁ̀ⲡⲁⲥ: Pr-Ḥʿpy-n-Ỉwn).^[3] Ⲁⲩϫⲓⲙⲓ ⲛ̀ϩⲁⲛⲙⲟⲩⲛⲕ ⲛ̀ϫⲓϫ ⲛ̀ⲁⲣⲭⲉⲟⲥ ϧⲉⲛϯⲡⲉⲣⲓⲭⲱⲣⲁⲥ ⲕⲁⲧⲁⲫⲣⲏϯ ⲛ̀ϮⲠⲁⲗⲗⲁⲕⲏ ⲛ̀ⲧⲉⲠⲉⲗϩⲱⲛ ⲛⲉⲙⲟⲩⲑⲟⲩⲱⲧ ⲛⲧⲉⲀ̀ⲙⲉⲛⲉⲫⲑⲁϩ. Ⲕⲉⲅⲁⲣ ⲡⲓⲟⲩⲱ̀ⲓⲧ ⲛ̀ⲧⲉⲠⲓⲏ̀ ϥϫⲱ ⲙ̀ⲙⲟⲥ ⲉ̀ⲑⲃⲉϦⲉⲣⲉϩⲱ (ϯⲙⲉⲧⲣⲉⲙⲛ̀ⲭⲏⲙⲓ ⲛ̀ⲁ̀ⲡⲁⲥ: ẖry-ꜤḥꜢ) ⲉⲥⲭⲏ ϧⲉⲛⲟⲩⲑⲉⲥⲓⲥ ⲛ̀Ⲃⲁⲃⲩⲗⲱⲛ ⲙ̀ⲫⲟⲟⲩ ⲉ̀ⲧⲉⲡⲓⲙⲁ ⲛ̀ⲧⲉⲡⲓⲡⲟⲗⲉⲙⲟⲥ ⲟⲩⲧⲉϨⲱⲣ ⲛⲉⲙⲤⲏⲧ ⲛⲉⲙⲉⲑⲃⲉⲡⲉϥⲉⲣⲫⲏⲓ ⲛ̀ⲧⲉϨⲱⲡ:

«Ⲁϥⲓⲣⲓ ⲛ̀ⲟⲩⲧⲟⲩⲃⲟ ⲛ̀Ⲁ̀ⲑⲱⲙ ϧⲉⲛϦⲉⲣⲉϩⲱ ⲛ̀ⲛⲓⲉⲛⲑⲏⲣ ϧⲉⲛⲡⲓⲉⲣⲫⲉⲓ ⲛ̀ⲧⲉⲛⲓⲉⲛⲑⲏⲣ ϧⲉⲛⲈⲙϩⲁⲩ ⲛⲉⲙⲛⲓⲉⲛⲑⲏⲣ ⲉⲧϧⲉⲛⲡⲉϥϧⲟⲩⲛ, ϧⲉⲛⲛⲓⲉ̀ϩⲱⲟⲩ ⲛⲉⲙⲛⲓⲙⲁⲥⲓ ⲛⲉⲙⲛⲓⲣⲟ, ϩⲓⲛⲁ ⲛ̀ⲥⲉϯ ⲛ̀ⲟⲩⲱⲛϧ ⲛⲉⲙⲟⲩⲟⲩϫⲁⲓ ⲛⲉⲙⲟⲩⲥⲱⲙⲁⲧⲓⲕⲟⲛ ⲙ̀ⲡⲓⲟⲩⲣⲟ Ⲡⲓⲏ̀ ⲉϥⲟⲛϧ ϣⲁⲉⲛⲉϩ.»

Ⲟⲩⲟⲛϣϫⲟⲙ ⲛ̀ⲧⲉϦⲉⲣⲉϩⲱ ϣⲱⲡⲓ ⲛ̀ⲟⲩⲕⲉⲣⲁⲛ ⲛ̀ⲧⲉⲂⲁⲃⲩⲗⲱⲛ.^[4]

Ⲕⲁⲧⲁⲡⲓⲣⲉϥⲥϧⲁⲓ ⲛ̀ⲧⲉϯⲙⲁⲣⲧⲩⲣⲓⲁ̀ ⲛ̀ⲧⲉⲒⲱϩⲁⲛⲛⲏⲥ ⲡⲓⲉ̀ⲃⲟⲗ ϧⲉⲛⲪⲁ-ⲛⲓϫⲱⲓⲧ Ⲙⲁⲣⲕⲟⲥ ⲁϥϫⲱⲥ ϫⲉⲁⲩϩⲓⲥⲉⲛϯ ⲙ̀ⲙⲟⲥ ⲉ̀ⲃⲟⲗ ϩⲓⲧⲉⲛⲚⲁⲃⲟⲩⲭⲟⲇⲟⲛⲟⲥⲉⲣ Ⲃ̅ ⲡⲟⲩⲣⲟ ⲙ̀ⲃⲁⲃⲩⲗⲱⲛ ⲉⲧϧⲉⲛⲘⲉⲥⲟⲡⲟⲧⲁⲙⲓⲁ̀ ϧⲉⲛⲁⲩ568 ϧϫ̅ⲛ̅ⲭ̅ⲥ̅. Ⲧⲣⲁⲓⲁⲛⲟⲥ ⲡⲟⲩⲣⲟ ⲛ̀ⲣⲱⲙⲉⲟⲥ ⲁϥⲟⲩⲁϩⲙⲕⲱⲧ ⲙ̀ⲡⲓⲙⲁ ⲙ̀ⲙⲟⲛⲓ ⲟⲩⲟϩ ⲁϥϣⲱⲕⲓ ⲙ̀ⲡⲟⲧⲁⲙⲟⲥ ⲛ̀ⲧⲉⲦⲣⲁⲓⲁⲛⲟⲥ ⲉⲧⲁϥⲧⲱⲙⲓ ⲙ̀Ⲫⲓⲁⲣⲟ ϩⲓϫⲉⲛⲪⲓⲟⲙ ⲛϣⲁⲣⲓ. Ⲟⲩⲟⲛϣϫⲟⲙ ⲛ̀ⲧⲉⲀ̀ⲡⲟⲗⲗⲟⲇⲱⲣⲟⲥ ⲡⲓⲢⲉⲙⲇⲁⲙⲁⲥⲕⲟⲥ ⲉ̀ϣⲱⲡⲓ ⲙ̀ⲡⲓⲁⲣⲭⲓⲧⲉⲕⲧⲱⲛ ⲛ̀ⲧⲉⲡⲁⲓⲙⲁ ⲙ̀ⲙⲟⲛⲓ ⲉ̀ⲧⲉⲙⲙⲁⲩ.^[5] Ⲁⲩⲟⲩⲁϩⲙⲕⲱⲧ ⲟⲛ ⲛ̀ⲕⲁⲥⲧⲣⲟⲛ ϧⲉⲛⲂⲁⲃⲩⲗⲱⲛ ϧⲉⲛⲁⲩ300 ⲉ̀ⲃⲟⲗ ϩⲓⲧⲉⲛⲆⲓⲟ̀ⲕⲗⲏⲧⲓⲁ̀ⲛⲟⲥ ⲡⲟⲩⲣⲟ ⲛ̀ⲣⲱⲙⲉⲟⲥ ⲉ̀ⲧⲁⲩⲙⲟⲩϯ ⲉ̀ⲣⲟϥ ⲟⲛ ϫⲉⲡⲓ-Kⲁⲥⲧⲣⲟⲛ ⲛ̀Ⲭⲏⲙⲓ (ϯⲙⲉⲧⲁ̀ⲣⲁⲃⲟⲥ: قصر الشام).

Ϩⲁⲛⲁⲣⲭⲉⲟⲥ ⲛ̀ⲉⲕⲕⲗⲏⲥⲓⲁ ⲛ̀ⲣⲉⲙⲛ̀ⲭⲏⲙⲓ ⲁⲩⲭⲏ ϧⲉⲛⲛⲉϥⲡⲩⲣⲅⲟⲥ ⲙ̀ⲫⲣⲏϯ ⲛ̀ϯⲉⲕⲕⲗⲏⲥⲓⲁ̀ ⲛ̀ⲧⲉⲐⲉⲟⲇⲟⲕⲟⲥ ϯⲁ̀ⲅⲓⲁ Ⲙⲁⲣⲓⲁ̀ ⲛⲉⲙϯⲉⲕⲕⲗⲏⲥⲓⲁ ⲛ̀ⲧⲉⲛⲓ⳥ Ⲥⲉⲣⲅⲓⲟⲥ ⲛⲉⲙⲂⲁⲭⲟⲥ ϧⲉⲛⲡⲓⲥⲡⲉⲗⲉⲱⲛ ⲛⲉⲙϯⲉⲕⲕⲗⲏⲥⲓⲁ ⲛ̀ⲧⲉϯⲁ̀ⲅⲓⲁ Ⲃⲁⲣⲃⲁⲣⲁ.

Ⲡⲓⲫⲱⲥⲁⲧⲟⲛ

Ⲙⲉⲛⲉⲛⲥⲁ ϯⲙⲉⲧⲇⲁⲙⲁⲍⲓⲛ ⲛ̀ⲁ̀ⲣⲁⲃⲟⲥ Ⲁⲙⲃⲣⲟⲥ ⲡϣⲏ Ⲁ̀ⲗⲁⲁⲥ ⲁϥϩⲓⲥⲉⲛϯ ⲛ̀ϯⲃⲁⲕⲓ ⲙ̀ⲃⲉⲣⲓ ⲉ̀ⲧⲁⲩⲙⲟⲩϯ ⲉ̀ⲣⲟϥ ϫⲉⲡⲓⲪⲱⲥⲁⲧⲟⲛ ⲥⲁⲃⲟⲗ ⲛⲓⲥⲟⲃⲧ ⲛ̀ⲧⲉⲂⲁⲃⲩⲗⲱⲛ ⲛ̀ⲣⲱⲙⲉⲟⲥ. Ⲁϥϩⲓⲥⲉⲛϯ ⲙ̀ⲡⲓϣⲟⲣⲡ ⲙ̀ⲙⲁⲥⲅⲓⲇⲓⲟⲛ ⲉⲧⲉⲙⲙⲁⲩ ⲟⲩⲟϩ ⲁϥⲕⲓⲙ ⲛ̀ϯⲙⲏⲧⲣⲟⲡⲟⲗⲓⲥ ⲙ̀ⲙⲱⲥⲗⲏⲙ ⲉ̀ⲡⲁⲓⲙⲁ.

Ϯⲡⲟⲗⲓⲥ ϯⲢⲉϥϭⲣⲟ

Ⲁⲩϩⲓⲥⲉⲛϯ ⲙ̀ⲡⲓⲕⲁⲥⲧⲣⲟⲛ ⲛⲉⲙϯⲡⲟⲗⲓⲥ ϯ-Ⲣⲉϥϭⲣⲟ (ϯⲙⲉⲧⲁ̀ⲣⲁⲃⲟⲥ: القاهرة) ϧⲉⲛ969 (685 ⳥) ⲉ̀ⲃⲟⲗ ϩⲓⲧⲉⲛϪⲉⲩϩⲁⲣ ⲡⲓ-Ⲣⲉⲙⲥⲓⲕⲓⲗⲓⲁ̀ ⲡⲓⲥⲧⲣⲁⲧⲏⲗⲁⲧⲏⲥ ⲛ̀ⲛⲓϣⲉⲛⲃⲁϯⲙⲁ. Ⲁⲩϭⲣⲟ ⲉ̀Ⲭⲏⲙⲓ ⲉ̀ⲃⲟⲗ ⲧⲟⲩⲃⲁⲥⲓⲥ ϧⲉⲛϯⲀ̀ⲫⲣⲓⲕⲏ ⲟⲩⲟϩ ⲁⲩϩⲓⲥⲉⲛϭ ϯⲃⲁⲕⲓ ⲙ̀ⲃⲉⲣⲓ ⲡⲁⲣⲁ ⲡⲓ-Ⲫⲱⲥⲁⲧⲟⲛ ⲉⲧⲁⲩϯⲣⲉⲛⲥ Ⲁⲗⲙⲁⲛⲥⲟⲩⲣⲓⲁ̀. Ⲁⲡⲁⲓⲕⲁⲥⲧⲣⲟⲛ ⲉⲣ ⲙ̀ⲙⲏⲧⲣⲟⲡⲟⲗⲓⲥ ⲙ̀ⲃⲉⲣⲓ ⲛ̀ⲇⲓⲁ̀ⲇⲟⲭⲟⲥ. Ⲙⲉⲛⲉⲛⲥⲁϯⲉⲛⲧⲟⲗⲏ ⲙ̀ⲡⲓⲇⲓⲁ̀ⲇⲟⲭⲟⲥ Ⲁⲗⲙⲟⲩⲉ̀ⲓⲥ ⲁϪⲉⲩϩⲁⲣ ϩⲓⲥⲉⲛϯ ⲙ̀ⲡⲓⲙⲁⲥⲅⲓⲇⲓⲟⲛ ⲉⲧϯⲟⲩⲱⲓⲛⲓ ⲉⲧⲁϥⲣⲱⲧ ⲉ̀ϣⲱⲡⲓ ⲛ̀ϯⲙⲁϩϣⲟⲙϯ ⲛ̀ⲁ̀ⲡⲁⲥ ⲛ̀ⲙⲁ ⲛ̀ⲥⲱⲟⲩⲛ ϧⲉⲛⲡⲓⲑⲟ ⲧⲏⲣϥ. Ⲁⲗⲙⲟⲩⲉ̀ⲓⲥ ⲉⲧⲁϥⲓ̀ ⲓⲥϫⲉⲛϯⲙⲏⲧⲣⲟⲡⲟⲗⲓⲥ ⲛ̀ⲛⲓϣⲉⲛⲃⲁϯⲙⲁ ⲛ̀ⲁ̀ⲡⲁⲥ Ⲙⲁϩⲇⲓⲁ̀ ⲉⲧϧⲉⲛⲦⲩⲛⲓⲥ ⲉ̀Ⲭⲏⲙⲓ ϧⲉⲛ973 ⲁϥϯⲣⲉⲛⲥ Ⲁⲗⲕⲁϩⲓⲣⲁ ⲉ̀ⲧⲉⲫⲁⲓⲡⲉ ⲡⲓⲣⲁⲛ ⲛ̀ⲁ̀ⲣⲁⲃⲟⲥ ⲙ̀ⲫⲟⲟⲩ.

Ⲁⲗⲗⲁ ⲙⲉⲛⲉⲛⲥⲁⲑⲣⲟⲩϩⲓⲥⲉⲛϯ ⲛ̀Ⲃⲁⲃⲩⲗⲱⲛ ϯⲙⲏⲧⲣⲟⲡⲟⲗⲓⲥ ⲙ̀ⲡⲓⲙⲁⲛⲉⲣϣⲓϣⲓ ⲙ̀ⲙⲱⲥⲗⲏⲙ ⲥϣⲱⲡⲓ ϧⲉⲛⲡⲓ-Ⲫⲱⲥⲁⲧⲱⲛ ⲉ̀200 ⲛ̀ⲣⲟⲙⲡⲓ oⲩⲟϩ ⲛⲉ-Ⲃⲁⲃⲩⲗⲱⲛ-ⲡⲉ ⲡⲓⲡⲁⲗⲁⲧⲓⲟⲛ ⲛ̀ⲧⲉⲛⲓⲇⲓⲁ̀ⲇⲟⲭⲟⲥ. Ⲫⲁⲧⲣ Ⲉⲗϫⲉⲙⲁⲗⲓ ⲡⲓⲣⲉⲙⲛ̀ϫⲟⲙ ⲁϥⲟⲩⲁϩⲙⲕⲱⲧ ⲛ̀ⲛⲓϫⲱ ⲛⲉⲙⲛⲓⲡⲩⲗⲏ ⲙ̀Ⲡϭⲣⲟ ⲛⲉⲙⲚⲓⲕⲏ ⲛⲉⲙZⲁⲃⲟⲩⲗⲱⲛ.

Ϧⲉⲛ1168 ⲁ-Ϣⲁⲟⲩⲉⲣ ⲡⲓⲣⲉⲙⲛ̀ϫⲟⲙ ⲛ̀ⲛⲓϣⲉⲛⲃⲁϯⲙⲁ ϫⲱϥ ⲛ̀Ⲃⲁⲃⲩⲗⲱⲛ ⲉ̀ϣⲑⲁⲙ ⲉ̀ϩⲣⲉⲛⲛⲓϥⲁⲓⲥⲧⲁⲩⲣⲟⲥ ⲉⲧⲁⲩⲟⲩⲱϣ ⲉ̀ϭⲣⲟ ⲉ̀ⲣⲟⲥ. Ⲁⲩⲕⲓⲙ ⲛ̀ϯⲙⲏⲧⲣⲟⲡⲟⲗⲓⲥ ⲉ̀ϯ-Ⲣⲉϥϭⲣⲟ ⲉⲧⲁⲥⲫⲱⲣϣ ⲉ̀ϫⲉⲛ ⲡⲓ-Ⲫⲱⲥⲁⲧⲱⲛ ⲛⲉⲙⲀ̀ⲗⲁⲥⲭⲁⲣ ⲛⲉⲙⲀⲗⲕⲁⲑⲁⲓ ⲛⲓϩⲟⲩⲁϯ ⲛ̀ⲁ̀ⲡⲁⲥ. Ⲁⲩⲥⲱⲟⲩⲛ ⲛ̀ⲧⲁⲓⲧⲟⲓ ⲛ̀ⲧⲉϯⲃⲁⲕⲓ ⲙ̀ⲫⲣⲏϯ «Bⲁⲃⲩⲱⲛ ⲛ̀ⲁ̀ⲡⲁⲥ» ⲙ̀ⲫⲟⲟⲩ.

Ⲁⲗⲗⲁ ϯⲁⲑⲗⲏⲥⲓⲥ ⲟⲩⲧⲉϢⲁⲩⲁⲣ ⲛⲉⲙⲀ̀ⲙⲟⲩⲣⲓ ⲁ̅ ⲡⲟⲩⲣⲟ ⲙ̀ⲡⲓ-Ⲓⲉⲣⲟⲩⲥⲁⲗⲏⲙ ⲛⲉⲙϢⲓⲣⲕⲟⲩϩ ⲡⲓⲥⲧⲣⲁⲧⲏⲧⲗⲁⲧⲏⲥ ⲛ̀ⲛⲓϣⲉⲛ̀ⲍⲉⲅⲅⲓ ⲁⲥⲉⲣϫⲱⲃ ⲙ̀ⲡⲓⲉⲣϣⲓϣⲓ ⲛ̀ⲛⲓϣⲉⲛ̀ⲃⲁϯⲙⲁ.

Ϧⲉⲛ1169 (885 ⳥) ⲛ̀ⲣⲟⲙⲡⲓ Ⲥⲁⲗⲁϩⲁⲧⲏⲛ ⲁⲩⲭⲁϥ ⲙ̀ⲡⲓⲣⲉⲙⲛ̀ϫⲟⲙ ⲙ̀ⲃⲉⲣⲓ ⲛ̀ⲧⲉⲬⲏⲙⲓ ⲉ̀ⲃⲟⲗ ϩⲓⲧⲉⲛⲛⲓϣⲉⲛ̀ⲃⲁϯⲙⲁ ⲟⲩⲟϩ ⲣⲟⲙⲡⲓ ⲥⲛⲟⲩϯ ⲙⲉⲛⲉⲛⲥⲁⲛⲁⲓ ⲁϥⲁⲙⲟⲛⲓ ⲛ̀ⲟⲩϫⲟⲙ ⲉ̀ⲃⲟⲗ ϧⲉⲛϯⲥⲩⲅⲅⲉⲛⲉⲓⲁ ⲛ̀Ⲉ̀ⲗⲁⲧⲏⲧ ⲡⲓϧⲁⲉ ⲛ̀ⲇⲓⲁ̀ⲇⲟⲭⲟⲥ ⲛ̀ⲛⲓϣⲉⲛ̀ⲃⲁϯⲙⲁ. Ⲁϥϩⲓⲥⲉⲛϯ ⲙ̀ⲡⲓⲏⲓ ⲙ̀ⲃⲉⲣⲓ ⲟⲩⲟϩ ⲁϥϣⲱⲡⲓ ⲙ̀ⲡⲓϣⲟⲣⲡ ⲙ̀ⲡⲓⲟⲩⲣⲟ ⲛ̀Ⲭⲏⲙⲓ ⲓⲥϫⲉⲛⲔⲗⲉⲟⲡⲁⲧⲣⲁ Z̅. Ϧⲉⲛⲡⲉϥϫⲓⲛⲉⲣⲟⲩⲣⲟ ⲁⲩⲥⲉⲙⲛⲓ ⲙ̀ⲡⲓⲕⲁⲥⲧⲣⲟⲛ ⲛ̀ϯ-Ⲕⲉϣⲣⲱⲙⲓ ⲉ̀ⲧⲉⲁϥϣⲱⲡⲓ ⲛ̀ϯⲕⲁⲑⲉⲇⲣⲁ ⲙ̀ⲡⲓⲙⲁⲛⲉⲣϣⲓϣⲓ ϣⲁⲑⲙⲏϯ ⲛ̀ⲓ̅ⲑ̅ ⲛ̀ⲉ̀ⲱⲛ.

Ⲡⲓⲁ̀ⲙⲁϩⲓ ⲛ̀ⲧⲉⲛⲓⲕⲟⲩⲝ

Ϧⲉⲛ1250 ⲁ̀ⲛⲓⲙⲁⲧⲟⲓ ⲛ̀ⲛⲓⲉ̀ⲃⲓⲁⲓⲕ ⲉⲧⲁⲩⲙⲟⲩϯ ⲉ̀ⲣⲱⲟⲩ ϫⲉⲛⲓⲕⲟⲩⲝ ⲁ̀ⲙⲟⲛⲓ ⲛ̀ⲟⲩϫⲟⲙ ϧⲉⲛⲬⲏⲙⲓ ⲟⲩⲟϩ ⲁⲩⲥⲱⲧⲡ ⲙ̀Ⲃⲁⲃⲩⲗⲱⲛ ⲙ̀ⲫⲣⲏϯ ⲛ̀ⲧⲟⲩⲙⲏⲧⲣⲟⲡⲟⲗⲓⲥ. Ⲉⲩⲙⲏⲛ ⲉ̀ⲃⲟⲗ ϧⲉⲛⲛⲓϩⲃⲏⲟⲩⲓ ⲛ̀ⲧⲉⲛⲓϣⲉⲛⲓⲱⲃ ϩⲁⲛⲙⲏϣ ⲛ̀ⲧⲉⲡⲓⲕⲁϩⲓ ⲛ̀ⲧⲉⲛⲓⲡⲁⲗⲗⲁⲧⲓⲟⲛ ⲛ̀ⲛⲓϣⲉⲙ̀ⲃⲁϯⲙⲁ ⲁⲩⲧⲏⲓϥ ⲉ̀ⲃⲟⲗ ⲟⲩⲟϩ ⲁⲩⲉⲣϣⲉⲃⲓⲱ ⲛ̀ⲑⲱⲟⲩ ⲉ̀ϩⲁⲛⲕⲉⲕⲱⲧ ⲙ̀ⲃⲉⲣⲓ. Ⲛⲓϩⲱⲃ ⲛ̀ϫⲓⲛⲕⲱⲧ ⲉⲧⲁⲩⲉⲣϩⲏⲧⲥ ⲙ̀ⲙⲱⲟⲩ ⲛ̀ϫⲉⲛⲓⲕⲟⲩⲝ ⲁⲩⲟⲩⲉⲥⲑⲉⲛ ⲛⲓⲑⲱϣ ⲛ̀ⲧⲉϯⲃⲁⲕⲓ ⲟⲩⲟϩ ⲁⲩⲓⲛⲓ ⲛ̀ϩⲁⲛⲡⲉⲧⲥⲁⲡⲉⲥⲏⲧ ⲙ̀ⲃⲉⲣⲓ ⲉ̀ⲑⲙⲏϯ ⲛ̀ϯⲃⲁⲕⲓ. Ϧⲉⲛⲡⲁⲓⲥⲏⲟⲩ ⲛ̀ⲟⲩⲱⲧ ϯⲃⲁⲕⲓ ⲁⲥⲉⲣⲟⲩⲟⲧ ⲙ̀ⲫⲣⲏϯ ⲛ̀ⲟⲩⲙⲁ ⲛ̀ⲥⲱⲟⲩⲛ ⲙ̀ⲙⲟⲩⲥⲗⲏⲙ ⲟⲩⲟϩ ⲟⲛ ⲙ̀ⲫⲣⲏϯ ⲛ̀ⲟⲩⲙⲁ ⲛ̀ⲓⲉⲃϣⲱⲧ ⲛ̀ⲁ̀ⲣⲱⲙⲁ. Ϧⲉⲛ1340 ⲛⲉ-Ⲃⲁⲃⲩⲗⲱⲛ-ⲧⲉ ϯⲛⲓϣϯ ⲙ̀ⲃⲁⲕⲓ ⲥⲁⲡⲉⲙⲉⲛⲧ ⲛ̀Ⲧⲥⲓⲛⲁ ⲉ̀ⲧⲉⲟⲩⲟⲛⲧⲁⲥ ⲙ̀ⲡⲓⲇⲉⲙⲟⲥ ⲉϥⲟⲓ ⲛ̀ⲟⲩⲙⲓⲗⲓⲱⲛ ⲛ̀ⲣⲱⲙⲓ.

Ⲛⲁⲣⲉⲡⲓⲕⲗⲏⲣⲟⲥ ⲛ̀ⲧⲉⲡⲓⲑⲣⲟⲛⲟⲥ ϧⲉⲛⲟⲩⲭⲁⲱⲥ, ⲁⲗⲗⲁ ⲟ̀ⲙⲱⲥ ϯⲙⲉⲧⲟⲩⲣⲟ ⲛ̀ⲕⲟⲩⲝ ⲁⲥϣⲱⲡⲓ ⲛ̀ϯⲛⲓϣϯ ⲛ̀ⲉ̀ⲝⲟⲩⲥⲓⲁ ϧⲉⲛϯⲡⲉⲣⲓⲭⲱⲣⲟⲥ ⲟⲩⲟϩ ⲁⲥⲧⲁϩⲛⲟ ⲙ̀ⲡⲓϭⲓⲛⲙⲟϣⲓ ⲉ̀ϧⲟⲩⲛ ⲛ̀ⲧⲉⲛⲓⲙⲟⲅⲅⲱⲗ ϧⲉⲛⲡⲓⲡⲟⲗⲉⲙⲟⲥ ⲛ̀ⲧⲉⲡⲓϩⲟⲙⲃⲉ ⲛ̀Ⲅⲟⲗⲓⲁⲑ ϧⲉⲛ1260.

Ⲫⲙⲟⲩ ⲛ̀ⲭⲁⲙⲉ ⲁϥϣⲱϥ ⲛ̀ϯⲃⲁⲕⲓ ⲛ̀ⲟⲩⲙⲏϣ ⲛ̀ⲥⲟⲡ ⲓⲥϫⲉⲛ1348 ϣⲁ1517. Ⲁ̀-ⲡⲁⲓϣⲱⲛⲓ ϧⲱⲧⲉⲃ ⲛ̀ⲁⲩ200.000 ⲛ̀ϣⲟ ⲛ̀ⲣⲱⲙⲓ ⲟⲩⲟϩ ϧⲉⲛⲡⲓⲙⲁϩⲓ̅ⲉ̅ ⲛ̀ⲉⲱⲛ ⲁϥⲑⲣⲉⲡⲓⲇⲏⲙⲟⲥ ⲛ̀ⲧⲉⲂⲁⲃⲩⲗⲱⲛ ⲉⲣⲕⲟⲩϫⲓ ϣⲁ150.000-300.000 ⲛ̀ⲣⲱⲙⲓ. Ⲁⲧⲓⲙⲏ ⲛ̀ϯⲃⲁⲕⲓ ⲉⲣⲕⲟⲩϫⲓ ⲙⲉⲛⲉⲛⲥⲁⲉ̀ⲧⲁBⲁⲥⲕⲟ ⲇⲁ Ⲅⲁⲙⲁ ϫⲓⲙⲓ ⲛ̀ⲟⲩⲙⲱⲓⲧ ⲙ̀ⲃⲉⲣⲓ ⲉ̀ⲡⲓ-Ϩⲉⲛⲧⲟⲩ ⲉ̀ⲃⲟⲗ ϩⲓⲧⲉⲛⲫⲓⲟⲙ ⲙ̀ⲡⲕⲱϯ ⲛ̀ϯ-Ⲁⲫⲏ ⲛ̀ⲧⲉϯ-Ϩⲉⲗⲡⲓⲥ ⲉⲑⲛⲁⲛⲉⲥ ⲟⲩⲧⲉ1497 ⲛⲉⲙ1499 ⲫⲁⲓ ⲉⲧⲁϥⲓⲛⲓ ⲛ̀ϩⲁⲛϣⲟϯ ⲉ̀ⲃⲟⲗ ϧⲉⲛⲂⲁⲃⲩⲗⲱⲛ.

Ϩⲁⲛⲟⲩⲣⲱⲟⲩ ⲛ̀ⲧⲉⲡⲁⲓⲥⲏⲟⲩ ⲙ̀ⲫⲣⲏϯ ⲙ̀Ⲡⲁⲣⲥⲉⲫⲁⲓ ⲛⲉⲙⲬⲁⲓⲧⲫⲁⲓ ⲁⲩⲉⲣⲟⲩⲣⲟ ⲛ̀ⲟⲩⲛⲓϣϯ ⲛ̀ⲥⲏⲟⲩ.

Ⲡⲓⲁ̀ⲙⲁϩⲓ ⲛ̀ⲛⲓϣⲉⲛ̀ϩⲟⲩⲑⲙⲉⲛ

Ϯⲉ̀ⲡⲟⲓⲣⲟⲓⲁ̀ ⲛ̀ϯ-Kⲉϣⲣⲱⲙⲓ ⲁⲥⲥⲱⲣⲉⲙ ⲙⲉⲛⲉⲛⲥⲁⲑⲣⲉⲛⲓϣⲉⲛ̀ϩⲟⲩⲑⲙⲉⲛ ϭⲣⲟ ⲉ̀Ⲭⲏⲙⲓ ϧⲉⲛ1517. Ⲁ̀-Ⲃⲁⲃⲩⲗⲱⲛ ϣⲱⲡⲓ ⲛ̀ϯⲙⲏⲧⲣⲟⲡⲟⲗⲓⲥ ⲙ̀ⲡⲓⲑⲱϣ ⲛ̀Ⲭⲏⲙⲓ ⲉⲧⲁⲩⲁⲙⲁϩⲓ ⲓⲥϫⲉⲛⲔⲱⲥⲧⲁⲛⲧⲓⲛⲟⲩⲡⲟⲗⲓⲥ. Ⲁⲗⲗⲁ ⲉϩⲣⲏⲓ ϧⲉⲛⲓⲒ̅Ⲋ̅ ⲛⲉⲙⲒ̅Z̅ ⲛ̀ⲉ̀ⲱⲛ ⲁⲥⲟϩⲓ ⲉ̀ⲣⲁⲧⲥ ⲙ̀ⲡⲓⲛⲓϣϯ ⲙ̀ⲙⲁ ⲛ̀ⲟⲩⲱϩ ⲛ̀ⲧⲉϯⲟⲓⲕⲟⲛⲟⲙⲓⲁ̀ ⲛⲉⲙⲡⲓϫⲓⲛⲱⲛϧ. Ⲕⲉⲡⲉⲣ ⲛⲉⲥⲭⲏ ⲁⲛ ϩⲓⲡⲓⲙⲱⲓⲧ ⲛ̀ⲁ̀ⲣⲱⲙⲁ ⲁⲥⲑⲣⲉ ⲡⲓϫⲓⲛⲙⲟϣⲓ ⲙ̀ⲡⲓⲡⲟⲛ ⲛ̀ⲓⲁⲙⲁⲛ ⲛⲉⲙϩⲁⲛϩⲃⲱⲥ ⲛ̀ϩⲉⲛⲧⲓⲕⲏ ⲉ̀ϯ-Ⲁ̀ⲛⲁⲧⲟⲗⲏ ⲛⲉⲙϯⲀ̀ⲫⲣⲓⲕⲏ̀ ⲙ̀ⲡⲉⲙϩⲓⲧ ⲛⲉⲙⲡⲓⲠⲁⲗⲭⲁⲛ ⲙⲧⲟⲛ ⲛ̀ϩⲟⲩⲟ ⲛ̀ϫⲉϯⲃⲁⲕⲓ. Ϩⲁⲛϣⲟϯ ⲙ̀ⲃⲁⲃⲩⲗⲱⲛ ⲛⲁⲩⲓ̀ⲛⲓ ⲛ̀ϩⲁⲛⲁⲅⲁⲑⲟⲛ ⲉ̀ϧⲟⲩⲛ ⲉ̀ⲡⲓⲕⲁϩⲓ ⲛ̀ⲉ̀ⲣⲏⲙⲟⲥ ⲛ̀ⲧⲉⲠⲁⲗϩⲓϭⲁⲥ ⲙⲁⲗⲓⲥⲧⲁ ϧⲉⲛⲡⲁⲛⲓⲅⲓⲣⲓⲥ ⲉⲧⲧⲉⲛⲣⲟⲙⲡⲓ.

Ⲉϩⲣⲏⲓ ϧⲉⲛϯⲙⲉⲧϭⲟⲓⲥ ⲛ̀ⲛⲓϣⲉⲛ̀ϩⲟⲩⲑⲙⲉⲛ ⲁⲥⲟⲩⲟⲥⲑⲉⲛ ⲛ̀ϫⲉϯⲃⲁⲕⲓ ⲛ̀ⲛⲉⲥϭⲓⲏ ⲉ̀ⲡⲥⲁⲣⲏⲥ ⲛⲉⲙⲥⲁⲡⲉⲙⲉⲛⲧ. Ⲁⲥϣⲱⲡⲓ ⲛ̀ϯⲙⲁϩⲥⲛⲁⲩ ⲛ̀ⲛⲓϣϯ ⲙ̀ⲡⲟⲗⲓⲥ ϧⲉⲛϯⲙⲉⲧⲁⲩⲧⲟⲕⲣⲁⲧⲱⲣ.

Ϧⲉⲛ1798 Ⲛⲁⲡⲟⲗⲉⲱⲛ ⲁϥϭⲣⲟ ⲉ̀Ⲭⲏⲙⲓ ⲁⲗⲗⲁ ⲡⲓⲁ̀ⲙⲁϩⲓ ⲙ̀ⲫⲣⲁⲅⲅⲟⲥ ⲁϥϫⲱⲕ ⲉ̀ⲃⲟⲗ ϧⲉⲛ1801. Ⲁ̀-ⲛⲓⲣⲉⲙⲛ̀ⲃⲣⲉⲧⲁⲛⲓⲁ̀ ⲛⲉⲙⲛⲓϣⲉⲛ̀ϩⲟⲩⲑⲙⲉⲛ ⲛⲉⲙϩⲁⲛⲧⲁⲝⲓⲥ ⲛ̀ⲁⲣⲃⲁⲛⲟⲥ ⲁⲩϩⲓ ⲛⲓⲫⲣⲁⲅⲅⲟⲥ ⲉ̀ⲃⲟⲗ. Ⲁ̀-ⲛⲓⲣⲉⲙⲛ̀ⲃⲣⲉⲧⲁⲛⲓⲁ̀ ⲁⲩⲟⲩⲟⲧⲉⲃⲟⲩ ⲉ̀ⲃⲟⲗ ϩⲁⲬⲏⲙⲓ ⲙⲉⲛⲉⲛⲥⲁ ⲣⲟⲙⲡⲓ ⲥⲛⲟⲩϯ ⲟⲩⲟϩ ⲛⲓϣⲉⲛ̀ϩⲟⲩⲑⲙⲉⲛ ⲛⲉⲙⲛⲓⲣⲉⲙⲛ̀ⲁⲗⲃⲁⲛⲓⲁ̀ ⲛⲉⲙⲛⲓⲕⲟⲩⲝ ⲛⲁⲩϯ ⲟⲩⲃⲉ ⲛⲟⲩⲉⲣⲏⲟⲩ ⲉⲑⲃⲉⲡⲓⲉⲣϣⲓϣⲓ. Ⲡⲁⲓⲡⲓⲣⲁⲥⲙⲟⲥ ⲁϥⲑⲣⲉ Ⲙⲟϩⲁⲙⲉⲧ Ⲁⲗⲓ Ⲡⲁϣⲁ ⲡⲓⲣⲉⲙⲛ̀ⲁⲗⲃⲁⲛⲓⲁ̀ ϣⲱⲡⲓ ⲛ̀ϩⲏⲅⲉⲙⲱⲛ ϧⲉⲛ1805.

Ⲡⲓⲉ̀ⲛⲉϩ ⲙ̀ⲃⲉⲣⲓ

Ϣⲁⲡⲉϥⲙⲟⲩ ϧⲉⲛ1848 ⲁ̀-Ⲙⲟϩⲁⲙⲉⲧ Ⲁⲗⲓ Ⲡⲁϣⲁ ⲑⲁⲛⲛⲟ ⲛ̀ϩⲁⲛⲙⲏϣ ⲛ̀ϣⲉⲃⲓⲥⲉⲙⲛⲓ ⲛ̀ⲟⲓⲕⲟⲛⲟⲙⲓⲁ̀ ⲛⲉⲙⲡⲟⲗⲓⲧⲓⲕⲏ ⲉⲧⲁⲩϯϥ ⲙ̀ⲡⲓⲧⲓⲧⲗⲟⲥ ⲛ̀ⲧⲉⲡⲓⲣⲉϥϩⲓⲥⲉⲛⲧ ⲛ̀ⲧⲉⲬⲏⲙⲓ ⲙ̀ⲃⲉⲣⲓ. Ϩⲁⲛϣⲓⲃϯ ⲉⲧⲉⲣⲛⲓϣϯ ⲛ̀ϩⲟⲩⲟ ⲁⲩϣⲱⲡⲓ ⲉϩⲣⲏⲓ ϧⲉⲛϯⲙⲉⲧϭⲟⲓⲥ ⲛ̀Ⲓⲥⲙⲁⲏⲗ Ⲡⲁϣⲁ ⲡⲉϥϣⲉⲛ̀ϣⲏⲣⲓ (1863-1879). Ⲁϥϭⲓ ⲙ̀ⲡⲓⲡⲛⲉⲩⲙⲁ ⲛ̀ⲧⲉⲠⲁⲣⲏⲥ ⲛⲉⲙⲛⲉⲥⲛⲓϣϯ ⲙ̀ⲡⲗⲁⲧⲓⲁ̀ ⲛⲉⲙⲡⲗⲁⲕⲟⲩⲧⲟⲥ ⲁⲗⲗⲁ ⲉⲑⲃⲉⲡⲓϣⲱⲧ ⲛ̀ⲧⲉⲛⲓⲭⲣⲏⲙⲁ ⲁϥϣϫⲉⲙϫⲟⲙ ⲉ̀ⲕⲱⲧ ⲛ̀ϩⲁⲛⲟⲩⲟⲛ ⲙ̀ⲙⲁⲩⲁⲧⲟⲩ ϧⲉⲛⲑⲙⲏϯ ⲛ̀ⲧⲉϯⲡⲟⲗⲓⲥ. Ⲁϥⲓⲛⲓ ⲙ̀ⲡⲅⲁⲍ ⲛⲉⲙⲡϫⲓⲛⲉⲣⲟⲩⲱⲓⲛⲓ ⲉ̀ϯⲃⲁⲕⲓ ⲟⲩⲟϩ ⲁϥⲟⲩⲱⲛ ⲙ̀ⲡⲓⲑⲉⲁⲧⲣⲟⲛ ⲛⲉⲙⲡⲓⲏⲓ ⲛ̀ⲱ̀ⲡⲉⲣⲁ.

Ⲡⲓⲛⲓϣϯ ⲛ̀ⲭⲣⲉⲟⲥ ⲉⲧⲁϥⲓ̀ ⲉ̀ⲃⲟⲗ ϧⲉⲛⲛⲓⲉ̀ⲡⲓⲭⲉⲓⲣⲏⲙⲁ ⲛ̀ⲧⲉⲒⲥⲙⲁⲏⲗ ⲁϥϯ ⲛ̀ⲟⲩⲗⲱⲓϫⲓ ⲉ̀ϯⲁⲓⲁⲓ ⲛ̀ϯⲉⲝⲟⲩⲥⲓⲁ̀ ⲛ̀ⲧⲉⲛⲓⲣⲉⲙⲛ̀ⲉⲩⲣⲱⲡⲁ ⲑⲏⲉⲧⲁⲥϫⲱⲕ ⲉ̀ⲃⲟⲗ ϧⲉⲛⲡⲓϫⲓⲛⲓ̀ ⲛ̀ⲧⲉⲛⲓⲣⲉⲙⲛ̀ⲃⲣⲉⲧⲁⲛⲓⲁ̀ ϧⲉⲛ1882. Ⲁⲭⲏⲙⲓ ϣⲱⲡⲓ ⲟⲩⲭⲱⲣⲁ ⲉⲥϭⲓⲥⲕⲉⲡⲏ ⲙ̀ⲃⲣⲉⲧⲁⲛⲓⲁ̀ ϧⲉⲛ1914. Ϧⲉⲛⲥⲟⲩ9 ⲛ̀ⲓⲟⲩⲗⲓⲟⲥ 1919 (30 ⲙ̀ⲙⲉϣⲓⲣ 1635 ⳥) ϩⲁⲛⲁⲡⲟⲇⲉⲓⲝⲓⲥ ⲛ̀ϣⲗⲟⲗ ⲁⲩϣⲟⲡⲓ ϧⲉⲛⲂⲁⲃⲩⲗⲱⲛ ⲉⲧⲁⲩⲧϩⲫⲟ ⲉ̀ϯⲙⲉⲧⲣⲉⲙϩⲉ ⲛ̀Ⲭⲏⲙⲓ ϧⲉⲛ1922. Ⲙ̀ⲡⲁⲓⲥⲏⲟⲩ ⲁⲩⲕⲱⲧ ⲛ̀ϩⲁⲛϫⲓⲛⲓⲟⲣ ⲛⲉⲙϩⲁⲛⲙⲓⲧⲱⲟⲩⲓ ⲟⲩⲟϩ ϯⲃⲁⲕⲓ ⲁϥϭⲓⲙⲁⲓⲏ ϣⲁⲛⲓⲣⲁⲃⲏ ⲛ̀Ⲅⲁⲣⲇⲉⲛ Ⲥⲓⲧⲓ ⲛⲉⲙϯ-Ⲥⲉⲙⲁⲗⲓⲕⲏ ⲛⲉⲙϨⲉⲗⲓⲟⲩⲡⲟⲗⲓⲥ. Ⲟⲩⲧⲉ1882 ⲛⲉⲙ1937 ⲁϥⲣⲱⲧ ⲛ̀ϫⲉ ⲡⲓⲇⲉⲙⲟⲥ ⲓⲥϫⲉⲛ347.000 ϣⲁ1.3 ⲙ̀ⲙⲓⲗⲓⲱⲛ.

Ϧⲉⲛϯⲧⲁⲣⲁⲭⲏ ⲛ̀ⲧⲉ1952 ⲉⲧⲁⲩⲙⲟⲩϯ ⲉ̀ⲣⲟⲥ ϫⲉ ⲡⲭⲣⲱⲙ ⲛ̀Ⲃⲁⲃⲩⲗⲱⲛ ϣⲁⲛⲠⲥⲁⲃⲃⲁⲧⲟⲛ ⲛ̀ⲭⲁⲙⲉ ⲁⲩⲧⲁⲕⲟ 7000 ⲛ̀ⲕⲉϩⲛⲓ ⲛⲉⲙⲥⲓⲛⲉⲙⲁ ⲛⲉⲙⲕⲁⲥⲓⲛⲱ ⲛⲉⲙⲡⲁⲛⲧⲟⲭⲓⲟⲛ. Ⲙⲉⲛⲉⲛⲥⲁ ⲡⲓϣⲑⲟⲣⲧⲉⲣ ⲛ̀ⲣⲉⲙⲛ̀ⲭⲏⲙⲓ ⲛ̀1952 ⲉⲑⲣⲉϥϯⲙⲁ ⲙ̀ⲡⲓⲁ̀ϣⲁⲓ ⲛ̀ⲧⲉⲡⲓⲇⲉⲙⲟⲥ ⲁϪⲁⲙⲁⲗ Ⲁⲡⲧⲉⲛⲛⲁⲥⲉⲣ ⲟⲩⲁϩⲙⲕⲱⲧ ⲙ̀ⲡⲓ-Ⲡⲗⲁⲕⲟⲩⲧⲟⲥ ⲛ̀ⲧⲉⲦⲉⲩⲗⲉⲥⲓⲁ̀ ⲛⲉⲙⲡⲓⲔⲟⲣⲛⲓϣ ⲙ̀ⲫⲓⲁⲣⲟ.

Ϧⲉⲛ1992 ⲁϥϣⲱⲡⲓ ⲛ̀ϫⲉⲟⲩⲙⲟⲛⲙⲉⲛ ϧⲉⲛⲂⲁⲃⲩⲗⲱⲛ ⲉ̀ⲁϥϧⲱⲧⲉⲃ 545 ⲛ̀ⲣⲱⲙⲓ ⲟⲩⲟϩ ⲁϥϫⲱⲧϩ 6512 ⲛ̀ⲣⲱⲙⲓ ⲟⲩⲟϩ ⲁϥⲭⲱ 50.000 ⲛ̀ⲣⲱⲙⲓ ⲙ̀ⲫⲣⲏϯ ⲛ̀ⲁⲑⲙⲁ ⲛ̀ⲟⲩⲱϩ.

Ϯⲇⲏⲙⲟⲅⲣⲁⲫⲓⲁ̀

Ⲡⲓⲇⲉⲙⲟⲥ

Ⲙⲏⲧ ⲙ̀ⲙⲓⲗⲓⲱⲛ ⲛ̀ⲣⲱⲙⲓ ⲥⲉϩⲉⲙⲥⲓ ⲙ̀ⲙⲁⲩ.

Ϯⲁⲥⲡⲓ

Ⲙ̀ⲫⲟⲟⲩ ϯⲁⲥⲡⲓ ⲛ̀ⲣⲉⲙⲫⲙⲁⲧⲉ ϯⲙⲉⲧⲁⲣⲁⲃⲟⲥ.

Ϯⲑⲣⲉⲥⲕⲓⲁ̀

Ⲡϩⲟⲩⲟ ⲛ̀ⲣⲉⲙⲫⲙⲁ-ⲡⲉ ⲟⲩⲙⲱⲥⲗⲏⲙ ⲛⲉⲙϯⲙⲉⲧⲕⲟⲩϫⲓ ⲛ̀ⲭⲣⲓⲥϯⲁⲛⲟⲥ. Ⲟⲩⲟⲛⲟⲩⲙⲏϣ ⲛ̀ⲣⲉⲙⲛ̀ⲭⲏⲙⲓ ⲛ̀ⲭⲣⲓⲥϯⲁⲛⲟⲥ ϧⲉⲛⲂⲁⲃⲩⲗⲱⲛ ⲛ̀ⲁ̀ⲡⲁⲥ ⲛⲉⲙⲡⲓⲘⲁ ⲛ̀ϫⲓⲛⲑⲱⲟⲩϯ ⲛ̀ⲧⲉⲛⲓⲭⲣⲓⲥⲧⲓⲁ̀ⲛⲟⲥ.

Ϩⲁⲛⲡⲉⲣⲓⲃⲗⲉⲡⲧⲟⲥ

Ⲡⲓⲙⲟⲩⲥⲉⲓⲟⲛ ⲛ̀ⲣⲉⲙⲛ̀ⲭⲏⲙⲓ

Ⲟⲩⲟⲛⲧⲉϥ ϯⲛⲓϣϯ ⲛ̀ⲑⲱⲟⲩⲧⲥ ⲛ̀ⲧⲉⲡⲓϫⲓⲛⲱⲛϧ ⲛ̀ⲁ̀ⲡⲁⲥ ⲛ̀ⲣⲉⲙⲛ̀ⲭⲏⲙⲓ ϧⲉⲛⲡⲓⲕⲟⲥⲙⲟⲥ ⲧⲏⲣϥ. Ⲟⲩⲟⲛ 136,000 ⲛ̀ϩⲃⲏⲟⲩⲓ ϧⲉⲛⲡϫⲓⲛⲃⲱϣ ⲉ̀ⲃⲟⲗ ⲟⲩⲟϩ ϩⲁⲛⲙⲏϣ ϧⲉⲛⲛⲉϥⲁϩⲱⲣ.

Ⲃⲁⲃⲩⲗⲱⲛ ⲛ̀Ⲭⲏⲙⲓ ⲛⲉⲙⲡⲓ-Ⲫⲱⲥⲁⲧⲟⲛ

Ⲟⲩⲟⲛⲛⲓⲣⲁϧⲧ ⲙ̀ⲡⲓⲕⲁⲥⲧⲣⲟⲛ ⲛ̀ⲣⲱⲙⲉⲟⲥ Ⲃⲁⲃⲩⲗⲱⲛ ⲛⲉⲙϯϩⲟⲩⲓϯ ⲙ̀ⲡⲟⲗⲓⲥ ⲛ̀ⲁ̀ⲣⲁⲃⲟⲥ ⲡⲓ-Ⲫⲱⲥⲁⲧⲟⲛ. Ⲟⲩⲙⲏϣ ⲛ̀ⲉⲕⲕⲗⲏⲥⲓⲁ̀ ⲛ̀ⲭⲣⲓⲥϯⲁⲛⲟⲥ ⲙ̀ⲫⲣⲏϯ ⲛ̀ϯⲉⲕⲕⲗⲏⲥⲓⲁ ⲛ̀ⲧⲉⲐⲉⲟⲇⲟⲕⲟⲥ ϯⲁⲅⲓⲁ Ⲙⲁⲣⲓⲁ ϧⲉⲛⲂⲁⲃⲩⲗⲱⲛ ⲛ̀Ⲭⲏⲙⲓ, ϯⲉⲕⲕⲗⲏⲥⲓⲁ ⲛ̀ⲟⲩⲉⲓⲛⲓⲛ ⲛ̀ⲧⲉⲁ̀ⲅⲓⲟⲥ Ⲅⲉⲱⲣⲅⲓⲟⲥ ⲛⲉⲙϯⲉⲕⲕⲗⲏⲥⲓⲁ ⲛ̀ⲧⲉⲛⲓ⳥ Ⲥⲉⲣⲅⲓⲟⲥ ⲛⲉⲙⲂⲁⲭⲟⲥ ϧⲉⲛⲡⲓⲥⲡⲉⲗⲉⲱⲛ ⲥⲉⲭⲏ ⲙ̀ⲡⲁⲓⲙⲁ. Ⲡⲓⲙⲟⲩⲥⲉⲓⲟⲛ ⲛ̀ⲕⲩⲡⲧⲓⲟⲥ ⲉϥⲟⲩⲱⲛϩ ⲉ̀ⲃⲟⲗ ϯⲥⲧⲟⲣⲓⲁ̀ ⲛ̀ⲧⲉϯⲓⲟⲡⲏ ⲛ̀ⲕⲩⲡⲧⲓⲟⲥ ⲛⲉⲙϯⲥⲩⲛⲁⲅⲱⲅⲏ ⲛ̀ⲧⲉⲂⲉⲛ Ⲉⲍⲣⲁ ⲉϥⲱⲗⲓ ⲡⲓⲑⲱⲟⲩⲧⲥ ⲛ̀Ⲅⲉⲛⲓⲍⲁ ⲥⲉⲭⲏ ϧⲉⲛⲡⲁⲓⲙⲁ ⲛⲑⲱⲟⲩ. Ⲥⲁⲡⲉⲙϩⲓⲧ ⲟⲩⲟⲛⲡⲓϣⲟⲣⲡ ⲛ̀ⲙⲁⲥⲅⲓⲇⲓⲟⲛ ϧⲉⲛϯ-Ⲁⲫⲣⲓⲕⲏ ⲡⲓⲙⲁⲥⲅⲓⲇⲓⲟⲛ ⲛ̀ⲧⲉⲀⲙⲃⲣⲟⲥ ⲡϣⲏ Ⲁ̀ⲗⲁⲥ ⲉⲧⲁⲩⲕⲟⲧϥ ϧⲉⲛ642.

Ⲡⲓⲏⲓ ⲛ̀ⲧⲉⲰⲡⲉⲣⲁ ⲛ̀Ⲃⲁⲃⲩⲗⲱⲛ

Ⲁⲏⲕⲟⲧϥ ϧⲉⲛϯⲣⲁⲟⲩⲏ ϯ-Ⲥⲉⲙⲁⲗⲓⲕⲏ ⲁⲛⲧⲓⲡⲓⲏⲓ ⲛ̀ⲧⲉⲰ̀ⲡⲉⲣⲁ ⲙ̀ⲃⲁⲥⲓⲗⲓⲕⲟⲥ ϧⲉⲛ1988 ⲙⲉⲛⲉⲛⲥⲁ ⲡⲉϥⲙⲟⲩⲛⲕ ⲉⲑⲃⲉⲡⲓⲭⲣⲱⲙ.

Ⲡⲓϧⲓⲣ ⲛ̀Ⲁⲗⲙⲟⲩⲉⲥ

Ⲡⲓⲛⲓϣϯ ⲛ̀ϧⲓⲣ ⲛ̀ⲁ̀ⲡⲁⲥ ⲛ̀ⲧⲉⲂⲁⲃⲩⲗⲱⲛ ⲛ̀ⲛⲓϣⲉⲛⲃⲁϯⲙⲁ. Ϩⲁⲛⲙⲏϣ ⲛ̀ⲁ̀ⲅⲟⲣⲁ ⲥⲉⲭⲏ ⲙ̀ⲙⲁⲩ. Ⲡⲓϧⲓⲣ ϥ̀ϣⲉ ⲓⲥϫⲉⲛⲡⲓⲣⲟ ⲛ̀ⲧⲉⲡⲓϭⲣⲟ ϣⲁⲡⲓⲣⲟ ⲛ̀Zⲁⲃⲩⲗⲱⲛ.

Ϯⲫⲟⲣⲁ

Ⲃⲁⲃⲩⲗⲱⲛ ⲛⲉⲙⲡⲉⲥⲡⲗⲁⲕⲟⲩⲧⲟⲥ Ⲣⲁⲙⲥⲏⲥⲛⲉ ⲑⲙⲏϯ ⲛ̀ⲧⲉⲧϫⲉⲗⲓ ⲙ̀ⲫⲟⲣⲁ ⲛ̀ⲧⲉⲬⲏⲙⲓ. Ⲟⲩⲟⲛⲧⲉⲥ ϩⲁⲛϫⲓⲛⲓⲟⲣ ⲉⲩⲧⲱⲙⲓ ⲛⲓⲙⲉⲣⲟⲥ ⲛ̀ⲧⲉϯⲃⲁⲕⲓ ⲛⲉⲙϯ-Ⲡⲉⲣⲥⲓⲟⲓ ⲙ̀ⲫⲣⲏϯ ⲙ̀ⲡⲓϫⲓⲛⲓⲟⲣ ⲛ̀ⲧⲉⲡⲓ-Ⲕⲁⲥⲧⲣⲟⲛ ⲙ̀ⲫⲓⲁ̀ⲣⲟ, ⲡⲓϫⲓⲛⲓⲟⲣ ⲛ̀ⲧⲉⲡⲓⲥⲟⲩⲋ̅ ⲛ̀ⲟⲕⲧⲱⲃⲣⲓⲟⲥ ⲛⲉⲙⲡⲓϫⲓⲛⲓⲟⲣ ⲛ̀ⲧⲉⲡⲓ-Ⲙⲁ ⲙ̀ⲡⲟⲩⲃⲁ.

Ϯⲥⲩⲥⲧⲏⲙⲁ ⲙ̀ⲙⲉⲑⲣⲟ ⲥϩⲱⲃⲥ Ϩⲁⲗⲟⲩⲁⲛ ⲛⲉⲙϩⲁⲛⲕⲉⲑⲟϣ. Ⲁⲩⲙⲟⲩⲛⲕ ⲛ̀ⲑⲣⲁⲙ ϧⲉⲛ2014.

Ⲟⲩⲟⲛⲡⲓⲙⲁⲛϩⲁⲗⲁⲓ ⲉⲧⲟⲩⲧⲉϣⲗⲱⲗ.

Ⲛⲓⲗⲱⲟⲩ ⲙ̀ⲃⲟⲗ

Ⲡϩⲟ ⲛ̀ⲁⲩⲑⲉⲛⲧⲓⲕⲟⲥ ⲛ̀Ⲃⲁⲃⲩⲗⲱⲛ

Ⲛⲓⲁⲣⲭⲏ

↑ "Towards a Shi'i Mediterranean Empire: Fatimid Egypt and the Founding of Cairo". I.B.Tauris. 30 July 2009. p. 78. ISBN 978-0-85771-742-9.
↑ Crum, W.E. (1909). Catalogue of the Coptic manuscripts in the collection of the John Rylands library, Manchester. Manchester. p. 211.
↑ Spiegelberg, Aegyptologische Randglossen zum Alten Testament, Strasbourg, 1904, ⲥ.39.
↑ Drioton, Étienne. Les origines pharaoniques du nilomètre de Rodah. Extrait du Bulletin de l’Institut d’Égypte, t. XXXIV (session 1951-1952). Cairo: Imprimerie de l’Institut Français d’Archéologie Orientale, 1952, ⲥ.314
↑ Loukianoff, G. “La forteresse romaine du Vieux-Caire.” Bulletin de l’Institut d’Égypte 33 (1950-51): 285-293

[1] "Towards a Shi'i Mediterranean Empire: Fatimid Egypt and the Founding of Cairo". I.B.Tauris. 30 July 2009. p. 78. ISBN 978-0-85771-742-9.

[2] Crum, W.E. (1909). Catalogue of the Coptic manuscripts in the collection of the John Rylands library, Manchester. Manchester. p. 211.

[3] Spiegelberg, Aegyptologische Randglossen zum Alten Testament, Strasbourg, 1904, ⲥ.39.

[4] Drioton, Étienne. Les origines pharaoniques du nilomètre de Rodah. Extrait du Bulletin de l’Institut d’Égypte, t. XXXIV (session 1951-1952). Cairo: Imprimerie de l’Institut Français d’Archéologie Orientale, 1952, ⲥ.314

[5] Loukianoff, G. “La forteresse romaine du Vieux-Caire.” Bulletin de l’Institut d’Égypte 33 (1950-51): 285-293

[1]

[2]

[3]

[4]

[5]