Wp/cop/Ⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲙ̀ⲫⲁⲓⲁⲧ

Ⲡϫⲱⲙ Ⲫⲱⲇⲙⲉⲣ III ⲉⲧⲱⲗⲓ ⲡⲓ-Ⲥⲱⲛⲧ ⲛⲉⲙⲡⲓ-Ⲉ̀ⲩⲁⲅⲅⲉⲗⲓⲟⲛ ⲕⲁⲧⲁⲒⲱⲁⲛⲛⲏⲥ ⲉⲧⲁⲩⲥϧⲏⲧϥ ϧⲉⲛⲆ̅-Ⲉ̅ ⲛ̀ⲉⲱⲛ ⲟⲩⲟϩ ⲉ̀ⲧⲉⲡⲉ ⲡⲓϩⲟⲩⲧ ⲛ̀ⲧⲩⲡⲟⲥ ⲛ̀ⲧⲉϯⲙⲉⲧⲫⲁⲓⲁⲧ.

Ϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲛ̀ⲧⲉⲐⲗⲩⲙⲛⲏ ϣⲁⲛϯⲁⲥⲡⲓ ⲛ̀ⲣⲉⲙⲛ̀ⲭⲏⲙⲓ ⲙ̀Ⲡⲉⲙϩⲓⲧ ϣⲁⲛϯⲙⲉⲧⲫⲁⲓⲁⲧ ⲟⲩⲁⲥⲡⲓ-ⲧⲉ ⲛ̀ⲧⲉϯⲙⲉⲧⲣⲉⲙⲛ̀ⲭⲏⲙⲓ ⲉⲧⲁⲥⲣⲟⲧⲥ ⲡⲁⲣⲁⲢⲁⲕⲟϯ ⲛⲉⲙⲠⲥⲁϧⲏⲧ ⲉⲩⲥⲟⲡ ⲛⲉⲙϢⲓϩⲏⲧ. Ⲑⲁⲓⲧⲉ ϯⲁⲥⲡⲓ ⲛ̀ⲁⲩⲑⲉⲛⲧⲓⲕⲟⲥ ⲛ̀ⲧⲉϯⲈⲕⲕⲗⲏⲥⲓⲁ̀ ⲛ̀ⲣⲉⲙⲛ̀ⲭⲏⲙⲓ ⲛ̀ⲟⲣⲑⲟⲇⲟⲝⲟⲥ.

Ⲡⲓⲣⲁⲛ

Ⲛⲁⲩⲙⲟⲩϯ ⲉ̀ⲣⲟⲥ ϫⲉⲑⲁ-Ⲙⲉⲙϥⲓ (ⲥⲁⲃⲟⲗ ⲛ̀ⲑⲁ-Ⲱⲡⲓ ⲉ̀ⲧⲉⲑⲁⲓⲧⲉ ϯⲙⲉⲧⲣⲉⲙⲫⲙⲁⲣⲏⲥ) ⲁⲗⲗⲁ ⲉⲧⲁⲩϫⲉⲙϩⲁⲛⲙⲏϣ ⲛ̀ϩⲁⲛⲕⲉⲭⲁⲣⲧⲏⲥ ⲁⲩϫⲁⲗⲱⲟⲩ ⲙ̀ⲡⲓⲣⲁⲛ ⲉ̀ⲧⲁⲩⲛⲉϫⲥⲁϫⲓ ⲙ̀ⲙⲟϥ ⲉ̀ⲃⲟⲗ ϩⲓⲧⲉⲛⲀ̀ⲑⲁⲛⲁⲥⲓⲟⲥ ⲡⲓ-Ⲣⲉⲙⲕⲱⲥ ⲉⲧⲉⲫⲁⲓⲡⲉ ⲑⲁ-Ⲑⲗⲩⲙⲛⲏ (ϯⲙⲉⲧⲁ̀ⲣⲁⲃⲟⲥ: البحيرية). Ⲛⲓⲫⲁⲓⲁⲧ-ⲇⲉ-ⲡⲉ ⲡⲓⲣⲁⲛ ⲛ̀ⲣⲉⲙⲛ̀ⲭⲏⲙⲓ ⲛ̀ⲧⲉϯⲗⲩⲙⲛⲏ Ⲙⲁⲣⲉⲱ̀ⲧⲓⲥ.

Ϯϩⲓⲥⲧⲟⲣⲓⲁ̀

Ⲧⲁⲣⲭⲏ ⲛ̀ϯⲙⲉⲧⲫⲁⲓⲁⲧ-ⲡⲉ ⲥⲁⲡⲉⲙϩⲓⲧ ⲛ̀ⲉⲙⲉⲛⲧ ⲛ̀Ⲭⲏⲙⲓ ϧⲉⲛⲡϣⲓ ⲛ̀Ⲛⲓⲫⲁⲓⲁⲧ. Ⲟⲩⲟⲛϣϫⲟⲙ ϫⲉⲛⲉ-ϯⲙⲉⲧⲣⲉⲙⲡⲓϣⲙⲟⲩⲣ-ⲧⲉ ϯⲁ̀ⲥⲡⲓ ⲛ̀ⲧⲉϯⲙⲉⲧⲫⲁⲓⲁⲧ. Ⲙⲉⲛⲉⲛⲥⲁⲡⲓϭⲣⲟ ⲉ̀Ⲭⲏⲙⲓ ⲉ̀ⲃⲟⲗ ϩⲓⲧⲉⲛⲛⲓⲁ̀ⲣⲁⲃⲟⲥ ⲁϥⲫⲱⲣϣ ϣⲁⲫⲣⲏⲥ ⲛⲉⲙⲡⲉⲓⲉⲃⲧ ⲟⲩⲟϩ ⲁϥⲉⲣϣⲉⲃⲓⲱ ⲛ̀ϯⲙⲉⲧⲣⲉⲙⲫⲙⲁⲣⲏⲥ ϧⲉⲛⲒ̅Ⲁ̅ ⲛ̀ⲉ̀ⲱⲛ. Ϯⲁ̀ⲛⲁⲫⲟⲣⲁ ⲛⲉⲙⲛⲓϩⲩⲙⲛⲟⲥ ⲛ̀ⲣⲉⲙⲛ̀ⲭⲏⲙⲓ ⲁⲩⲥϧⲏⲟⲩⲧ ϧⲉⲛϯⲙⲉⲧⲫⲁⲓⲁⲧ, ⲉⲩⲥⲟⲡ ⲛⲉⲙⲡⲓ-Ⲉⲩⲭⲟⲗⲟⲅⲓⲟⲛ ⲛⲉⲙⲦⲯⲁⲗⲙⲟⲇⲓⲁ ⲉ̀ⲑⲟⲩⲁⲃ ⲛⲉⲙⲡⲓ-Ⲁⲛⲧⲓⲫⲱⲛⲁⲣⲓⲟⲛ.

Ⲡⲓϣⲉⲃⲓⲥⲉⲙⲛⲓ ⲙ̀ⲡϫⲓⲛⲃⲉⲃⲓ ⲙ̀ⲙⲉⲧⲫⲁⲓⲁⲧ

Ϧⲉⲛⲡⲓⲥⲏⲟⲩ ⲛ̀ⲧⲉⲡⲁⲡⲁ ⲁⲃⲃⲁ Ⲕⲩⲣⲓⲗⲗⲟⲥ Ⲇ̅ ⲁ̀ⲡⲓⲟⲩⲱϣ ϣⲱⲡⲓ ϩⲓⲛⲁⲡⲓϩⲱⲧⲡ ⲛⲉⲙϯ-Ⲉⲕⲕⲗⲏⲥⲓⲁ ⲛ̀ⲟⲩⲉⲓⲛⲓⲛ ⲛ̀ⲟⲣⲑⲟⲇⲟⲝⲟⲥ. Ⲉ̀ϫⲉⲛⲛⲁⲓ Ⲁ̀ⲣⲓⲁ̀ⲛ Ⲙⲟϥⲑⲁϩ ⲁϥⲛⲱⲓⲛ ϫⲉⲟⲩⲟⲛⲟⲩϫⲓⲛϣⲓⲃϯ ϧⲉⲛⲡⲓϫⲓⲛⲃⲉⲃⲓ ⲛ̀ⲧⲉⲛⲓⲕⲁⲡ ⲛ̀ⲟⲩⲉⲓⲛⲓⲛ ⲙ̀ⲙⲉⲧⲣⲉⲙⲛⲭⲏⲙⲓ ⲉ̀ⲃⲟⲗ ϩⲁϯⲙⲉⲧⲟⲩⲉⲓⲛⲓⲛ. Ⲫⲁⲓ ⲁϥϭⲣⲟ ⲛ̀ϯ-Ⲉⲕⲕⲗⲏⲥⲓⲁ̀ ⲉ̀ⲥⲟⲃϯ ⲛ̀ϯⲁⲥⲡⲓ ⲟⲩⲟϩ ⲉ̀ϭⲓ ⲙ̀ⲡⲁⲓϫⲓⲛⲃⲉⲃⲓ ⲙ̀ⲃⲉⲣⲓ.

Ⲙⲉⲛⲉⲛⲥⲁ 100 ⲛ̀ⲣⲟⲙⲡⲓ ϧⲉⲛⲛⲓⲉ̀ϩⲟⲟⲩ ⲛ̀ⲧⲉⲡⲁⲡⲁ ⲁⲃⲃⲁ Ϣⲉⲛⲟⲩϯ Ⲅ̅ ⲁ̀-Ⲉ̀ⲙⲓⲗ Ⲙⲁϩⲓⲣ Ⲓⲥⲁⲁⲕ ϭⲓⲥⲃⲱ ⲛ̀ⲡⲓϫⲓⲛⲃⲉⲃⲓ ⲉⲧⲁϥⲙⲟⲩϯ ⲉ̀ⲣⲟⲥ ϫⲉⲡⲓϫⲓⲛⲃⲉⲃⲓ ⲛ̀ⲁ̀ⲡⲁⲥ ⲉ̀ⲧⲉⲫⲁⲓⲡⲉ ⲡⲓϫⲓⲛⲃⲉⲃⲓ ⲛ̀ⲁ̀ⲡⲟⲁ̀ⲣⲁⲃⲟⲥ ⲉ̀ⲧⲁⲩⲉⲣⲭⲣⲁⲥⲑⲉ ⲙ̀ⲙⲟϥ ⲙⲉⲛⲉⲛⲥⲁϯⲙⲉⲧⲣⲉⲙⲛ̀ⲭⲏⲙⲓ ⲁⲥⲙⲟⲩ.