Wp/cop/Ⲁⲃⲃⲁ Ⲙⲁⲕⲁⲣⲓ
Ⲡⲓⲁ̀ⲅⲓⲟⲥ ⲁⲃⲃⲁ Ⲙⲁⲕⲁⲣⲓ ⲡⲓⲛⲓϣϯ (ⲡ̀ⲕⲱϯ ⲛ̀ⲁⲩ300 - 391) ⲛⲉⲟⲩⲁ̀ⲛⲁⲭⲱⲣⲓⲧⲏⲥ ⲛ̀ⲣⲉⲙⲛ̀ⲭⲏⲙⲓ ⲛ̀ⲭⲣⲓⲥⲧⲓⲁ̀ⲛⲟⲥ ⲡⲉ ⲉⲧⲁϥⲱⲛϧ ϧⲉⲛⲡϣⲁϥⲉ ⲛ̀Ϣⲓϩⲏⲧ ⲟⲩⲟϩ ⲁϥⲉⲣⲃⲟⲏⲑⲓⲛ ⲉ̀ϯϣⲟⲣⲡ ⲛ̀ⲕⲟⲓⲛⲱⲛⲓⲁ̀ ⲙ̀ⲙⲟⲛⲁⲭⲟⲥ ⲙ̀ⲙⲁⲩ. Ⲥⲉⲓ̀ⲣⲓ ⲙ̀ⲡⲉϥⲙⲉⲩⲓ̀ ϧⲉⲛⲥⲟⲩ27 ⲙ̀ⲫⲁⲙⲉⲛⲱⲑ.
Ⲡⲓⲃⲓⲟⲥ
[edit | edit source]Ⲁⲩⲙⲁⲥ Ⲙⲁⲕⲁⲣⲓ ⲡ̀ⲕⲱϯ ⲛ̀ⲁⲩ300 ϧⲉⲛϪⲓϫⲃⲏⲣ ⲉⲧϧⲉⲛⲡⲓⲑⲱϣ Ⲡⲉⲙⲉⲛⲧ ϯⲛⲟⲩ. Ⲉϥⲟⲓ ⲛ̀ⲕⲟⲩϫⲓ ⲛⲁϥⲁⲣⲉϩ ⲉ̀ⲛⲓⲉ̀ϩⲱⲟⲩ ⲟⲩⲟϩ ⲙⲉⲛⲉⲛⲥⲱⲥ ⲛⲁϥϥⲁⲓ ⲙ̀ⲡⲓⲛⲓⲧⲣⲟⲛ ⲉϥϭⲓⲥ̀ⲃⲱ ⲉ̀ⲙⲟϣⲓ ϧⲉⲛⲡⲓϣⲁϥⲉ. Ⲟⲩϧⲉⲗⲗⲟ ⲁϥϯⲥ̀ⲃⲱ ⲛⲁϥ ⲉ̀ⲉⲣⲡ̀ⲣⲟⲥⲉⲩⲭⲉⲥⲑⲉ, ⲉ̀ⲉⲣⲛⲏⲥⲧⲉⲩⲓⲛ ⲛⲉⲙ ⲉ̀ϣⲱⲡ ⲛ̀ϩⲁⲛⲃⲓⲣ. Ⲙⲉⲛⲉⲛⲥⲁ ⲟⲩⲕⲁⲧⲏⲅⲟⲣⲓⲁ ⲙ̀ⲙⲉⲑⲛⲟⲩϫ - ⲉⲧⲁⲩⲧⲟⲩⲃⲟⲥ ⲙⲉⲛⲉⲛⲥⲱⲥ - ⲁϥⲭⲱ ⲙ̀ⲡⲉϥⲏⲓ ⲟⲩⲟϩ ⲁϥϣⲉⲛⲁϥ ⲉ̀ⲡϣⲁϥⲉ.
Ⲡ̀ⲕⲱϯ ⲛ̀ⲁⲩ330 Ⲙⲁⲕⲁⲣⲓ ⲁϥϩⲉⲙⲥⲓ ⲙ̀ⲙⲟϥ ϧⲁⲧⲉⲛⲛⲓⲗⲩⲙⲛⲏ ⲙ̀ⲙⲟⲩⲗϩ ⲛ̀ⲧⲉⲠⲧⲱⲟⲩ ⲙ̀ⲡⲓϩⲟⲥⲉⲙ. Ⲙ̀ⲙⲁⲩ ⲁϥϣⲱⲕⲓ ⲛ̀ⲟⲩⲃⲏⲃ ⲛ̀ⲥⲛⲁⲩ ⲛ̀ⲣⲓː ⲟⲩⲁⲓ ⲉ̀ⲡϣⲱⲡⲓ ⲛⲉⲙⲟⲩⲁⲓ ⲉ̀ϯⲡ̀ⲣⲟⲥⲉⲩⲭⲏ. 2 ⲛ̀ⲣⲱⲙⲓ ϫⲉⲘⲁⲝⲓⲙⲟⲥ ⲛⲉⲙⲆⲟⲙⲉⲧⲓⲟⲥ ⲁⲩⲓ̀ ⲉ̀ϩⲉⲙⲥⲓ ⲛⲉⲙⲁϥ. Ⲉ̀ⲧⲁ ⲟⲩⲙⲏϣ ⲙ̀ⲙⲟⲛⲁⲭⲟⲥ ⲑⲱⲟⲩϯ ⲁϥⲟⲩⲱⲧⲉⲃ ⲉ̀ⲟⲩⲙⲁϩⲥⲛⲁⲩ ⲙ̀ⲃⲏⲃ ϧⲁⲧⲉⲛⲡⲓⲙⲟⲛⲁⲥⲧⲏⲣⲓⲟⲛ ⲛ̀ⲧⲉⲡⲓⲁ̀ⲅⲓⲟⲥ Ⲙⲁⲕⲁⲣⲓ ⲙ̀ⲫⲟⲟⲩ.
Ϧⲉⲛ 374 ϧⲉⲛ ⲡ̀ⲥⲏⲟⲩ ⲛ̀ⲛⲓϣⲑⲟⲣⲧⲉⲣ ⲛ̀ⲧⲉⲀ̀ⲣⲓⲟⲥ, ⲡⲟⲩⲣⲟ Ⲃⲁⲗⲉⲛⲥ ⲁϥⲟⲩⲱⲣⲡ ⲙ̀Ⲙⲁⲕⲁⲣⲓ ⲛⲉⲙⲕⲉⲙⲟⲛⲁⲭⲟⲥ ⲉⲩⲙⲟⲩϯ ⲉ̀ⲣⲟϥ ϫⲉⲘⲁⲕⲁⲣⲓ ⲡⲓⲢⲉⲙⲣⲁⲕⲟϯ ⲉ̀ⲟⲩⲛⲏⲥⲟⲥ ϧⲉⲛⲪⲓⲁ̀ⲣⲟ. Ⲁⲩⲭⲁⲩ ⲉ̀ⲃⲟⲗ ⲛ̀ⲭⲱⲗⲉⲙ ⲟⲩⲟϩ ⲁⲩⲧⲁⲥⲑⲟ ⲉ̀Ϣⲓ̅ϩⲓⲏⲧ ⲉⲑⲣⲟⲩⲥⲱϫⲡ ⲙ̀ⲡⲟⲩϩⲱⲃ ⲙ̀ⲙⲟⲛⲁⲭⲟⲥ.
Ⲙⲁⲕⲁⲣⲓ ⲛⲁϥⲱⲛϧ ϧⲉⲛⲟⲩⲙⲉⲧϩⲏⲕⲓ. Ⲛⲁϥⲉⲣⲡ̀ⲣⲟⲥⲉⲩⲭⲉⲥⲑⲉ ⲛ̀ⲟⲩⲙⲏϣ ⲛ̀ⲟⲩⲛⲟⲩ ⲙ̀ⲡⲓⲉ̀ϩⲟⲟⲩ, ⲛⲁϥϯ ϩⲓⲱⲧϥ ⲛ̀ϩⲁⲛϩ̀ⲃⲱⲥ ⲉⲩϣⲱⲧ, ⲟⲩⲟϩ ⲛⲁϥⲟⲩⲱⲙ ⲛ̀ⲟⲩⲕⲟⲩϫⲓ. Ϩⲁⲛⲕⲉⲙⲟⲛⲁⲭⲟⲥ ⲕⲁⲧⲁⲡⲧⲩⲡⲟⲥ ⲛ̀Ⲉⲩⲁ̀ⲅⲣⲓⲟⲥ Ⲡⲟⲛⲧⲓⲕⲟⲥ ⲛⲁⲩⲙⲟϣⲓ ⲉ̀Ϣⲓϩⲏⲧ ⲉ̀ⲕⲱϯ ⲛ̀ⲥⲁⲡⲉϥⲥⲟϭⲛⲓ. Ⲛⲉϥⲥⲁϫⲓ ⲥⲉⲟⲩⲟⲛϩ ⲉ̀ⲃⲟⲗ ϧⲉⲛⲛⲓⲁⲡⲟⲫⲑⲉⲅⲙⲁ ⲛ̀ⲧⲉⲛⲓⲓⲟϯ. Ϯⲡⲁⲣⲁⲇⲟⲥⲓⲥ ⲥ̀ϧⲏⲟⲩⲧ ϫⲉⲁϥϭⲓⲙ̀ⲡϣⲓⲛⲓ ⲙ̀ⲡⲓⲁ̀ⲅⲓⲟⲥ ⲁⲃⲃⲁ Ⲁⲛⲧⲱⲛⲓ ⲛ̀ⲥⲟⲡ ⲥⲛⲁⲩ.
Ⲙⲁⲕⲁⲣⲓ ⲁϥⲙⲟⲩ ⲡ̀ⲕⲱϯ ⲛ̀ⲁⲩ391 ϧⲉⲛ ϣⲓϨⲏⲧ. Ⲉⲑⲃⲉⲛⲓϣⲫⲏⲣⲓ ⲉⲧⲁⲩϣⲱⲡⲓ ϧⲁⲧⲉⲛⲡⲉϥⲙ̀ϩⲁⲩ ⲛⲓⲣⲉⲙϯⲙⲓ ⲁⲩⲟⲩⲱⲧⲉⲃ ⲛ̀ⲛⲉϥⲗⲉⲯⲁⲛⲟⲛ ⲉ̀Ϫⲓϫⲃⲏⲣ; ⲙⲉⲛⲉⲛⲥⲱⲥ ⲁⲩⲧⲁⲥⲑⲱⲟⲩ ⲉ̀ⲡⲓⲙⲟⲛⲁⲥⲧⲏⲣⲓⲟⲛ ⲛ̀ⲧⲉⲡⲓⲁ̀ⲅⲓⲟⲥ Ⲙⲁⲕⲁⲣⲓ ⲡⲓⲙⲁ ⲉⲧⲟⲩϣⲟⲡ ⲛ̀ϧⲏⲧϥ ϣⲁⲉ̀ϧⲟⲩⲛ ⲉ̀ⲫⲟⲟⲩ.