Wp/cop/Ϣⲓϩⲏⲧ

Ⲡⲓⲙⲟⲛⲁⲥⲧⲏⲣⲓⲟⲛ ⲛ̀ⲥⲩⲣⲟⲛ ϧⲉⲛϢⲓϩⲏⲧ.

Ϣⲓϩⲏⲧ (ϯⲙⲉⲧⲟⲩⲉⲓⲛⲓⲛ ⲛ̀ⲁⲣⲭⲉⲟⲛ: Σκήτις) ⲟⲩⲙⲁ ⲛ̀ϣⲱⲡⲓ ⲙ̀ⲙⲟⲛⲁⲭⲟⲥⲡⲉ ϧⲉⲛϯϧⲉⲗⲗⲟⲧ ⲉⲧⲁⲩⲙⲟⲩϯ ⲉ̀ⲣⲟⲥ ϫⲉⲠⲧⲱⲟⲩ ⲙ̀ⲡⲓϩⲟⲥⲉⲙ ⲉⲧⲭⲏ ⲥⲁⲡⲉⲙϩⲓⲧ ⲛ̀ⲉⲙⲉⲛⲧ ⲙ̀ⲡⲓⲆⲉⲗⲧⲁ ⲛ̀ⲧⲉⲪⲓⲁ̀ⲣⲟ ⲛ̀Ⲭⲏⲙⲓ. Ⲡⲁⲓⲙⲁ ⲛⲉⲟⲩⲟⲛⲧⲁϥ ϣⲟⲙⲧ ⲙ̀ⲙⲁ ⲛ̀ϣⲱⲡⲓ ⲛ̀ⲙⲟⲛⲁⲭⲟⲥ ⲛ̀ϫⲉⲪⲁ ⲡⲓϩⲟⲥⲉⲙ, Ⲡⲧⲱⲟⲩ ⲛ̀ⲣⲓ ⲛⲉⲙϢⲓϩⲏⲧ, ⲉ̀ⲣⲉϢⲓϩⲏⲧ ⲟⲩⲏⲟⲩ ⲉ̀ⲃⲟⲗ ⲉ̀ϩⲟⲧⲉ ⲛⲓⲕⲉⲭⲱⲟⲩⲛⲓ. Ⲡⲓⲙⲁ ⲟⲩϣⲁϥⲉⲡⲉ ⲁⲗⲗⲁ ⲟⲩⲟⲛⲧⲁϥ ⲙⲱⲟⲩ, ⲉⲑⲃⲉⲫⲁⲓ ⲛⲁϥⲣⲱϣⲓ ⲛ̀ⲛⲓϣⲟⲣⲡ ⲙ̀ⲙⲟⲛⲁⲭⲟⲥ. Ⲫⲏ ⲉ̀ⲑⲟⲩⲁⲃ Ⲙⲁⲕⲁⲣⲓⲟⲥ ⲁϥϩⲓⲥⲉⲛϯ ⲛ̀ⲛⲓϣⲟⲣⲡ ⲛ̀ⲣⲓ ⲙ̀ⲙⲟⲛⲁⲭⲟⲥ ⲙ̀ⲙⲁⲩ ϧⲉⲛ330 ⲉϥⲥⲱⲕ ⲛ̀ϩⲁⲛⲟⲩⲟⲛ ⲉⲑⲟⲩⲏϩ ⲛ̀ⲥⲱϥ ⲉ̀ⲧⲁⲩⲕⲱⲧ ⲛ̀ϩⲁⲛⲣⲓ ϧⲁⲧⲟⲧϥ. Ϧⲉⲛⲡϫⲱⲕ ⲛ̀Ⲇ̅ ⲛ̀ⲉ̀ⲱⲛ ⲁⲩϣⲱⲡⲓ ⲛ̀ϫⲉ4 ⲙ̀ⲙⲁⲛϣⲱⲡⲓ ⲙ̀ⲙⲟⲛⲁⲭⲟⲥ, ⲡⲓⲟⲩⲁⲓ ⲡⲓⲟⲩⲁⲓ ⲉ̀ⲣⲉⲟⲩⲉⲕⲕⲗⲏⲥⲓⲁ̀ ϧⲉⲛⲧⲉϥⲙⲏϯ ⲟⲩⲟϩ ⲉϥϭⲓⲙⲱⲓⲧ ϩⲓⲧⲉⲛⲟⲩⲙⲟⲛⲁⲭⲟⲥ ⲉϥⲟⲓ ⲛ̀ϧⲉⲗⲗⲟ ⲉ̀ⲧⲉⲡⲓⲘⲟⲛⲁⲥⲧⲏⲣⲓⲟⲛ Ⲫⲁⲣⲱⲙⲉⲟⲥ, ⲡⲓⲘⲟⲛⲁⲥⲧⲏⲣⲓⲟⲛ ⲛ̀ⲧⲉⲁⲃⲃⲁ Ⲙⲁⲕⲁⲣⲓⲟⲥ, ⲡⲓⲘⲟⲛⲁⲥⲧⲏⲣⲓⲟⲛ ⲛ̀ⲧⲉⲁⲃⲃⲁ Ⲡⲓϣⲱⲓ ⲛⲉⲙⲡⲓⲘⲟⲛⲁⲥⲧⲏⲣⲓⲟⲛ ⲛ̀ⲧⲉⲒⲱⲁⲛⲛⲏⲥ ⲡⲓⲔⲟⲗⲟⲃⲟⲥ.

Ⲛⲓⲙⲟⲛⲁⲭⲟⲥ ϧⲉⲛϢⲓϩⲏⲧ ⲛⲁⲩϣⲟⲡ ϧⲉⲛϩⲁⲛⲣⲓ ⲉⲩϩⲏⲟⲩ, ⲉⲩⲉⲣϩⲱⲃ ⲛ̀ⲛⲟⲩϫⲓϫ ⲟⲩⲟϩ ⲉⲩⲑⲱⲟⲩϯ ⲉⲩⲥⲟⲡ ⲉ̀ⲡⲓϣⲗⲏⲗ ϧⲉⲛⲛⲓⲕⲩⲣⲓⲁⲕⲏ. Ϧⲉⲛⲡⲓⲥⲏⲟⲩ ⲛ̀ⲧⲉⲡⲓⲃⲱⲧⲥ ⲉⲑⲃⲉϨⲱⲣⲓⲅⲉⲛⲏⲥ ϧⲉⲛⲡϫⲱⲕ ⲙ̀ⲡⲓⲆ̅ ⲛ̀ⲉ̀ⲱⲛ, Ϣⲓϩⲏⲧ ⲛⲁϥⲟϩⲓ ⲉϥⲟⲩⲏⲟⲩ ⲉ̀ⲃⲟⲗϩⲁ ⲡⲓⲃⲱⲧⲥ, ⲉ̀ⲣⲉⲪⲁ ⲡⲓϩⲟⲥⲉⲙ ⲛⲉⲙⲠⲧⲱⲟⲩ ⲛ̀ⲣⲓ ϭⲓ ⲛ̀ϩⲟⲩⲟ̀ ⲙ̀ⲃⲱⲧⲥ. Ⲕⲉⲡⲉⲣ ⲛⲓϫⲓⲛϭⲟϫⲓ ⲛⲉⲙⲛⲓϩⲩⲟⲕⲙⲓⲁ̀ ϯⲙⲉⲧϣⲫⲏⲣ ⲙ̀ⲙⲟⲛⲁⲭⲟⲥ ⲁⲥⲁⲓⲁⲓ ⲟⲩⲟϩ ⲁⲥⲉⲣⲟⲩⲟⲛϩ ⲉⲑⲃⲉⲛⲉⲥⲥⲃⲱ ⲙ̀ⲡⲛⲉⲩⲙⲁⲧⲓⲕⲟⲛ. ϦⲉⲛZ̅ ⲛ̀ⲉ̀ⲱⲛ ⲛⲓⲙⲟⲛⲁⲭⲟⲥ ⲁⲩⲉⲣϩⲏⲧⲥ ⲛ̀ϣⲱⲡⲓ ϧⲉⲛϩⲁⲛⲙⲁⲛϣⲱⲡⲓ ⲉⲩⲧⲁϫⲣⲏⲟⲩⲧ ⲉⲩⲟⲓ ⲛ̀ⲛⲓϣϯ. Ⲕⲉⲡⲉⲣ ϩⲁⲛⲙⲟⲛⲁⲥⲧⲏⲣⲓⲟⲛ ⲁⲩϧⲓⲥⲓ ϩⲁⲛⲕⲉⲭⲱⲟⲩⲛⲓ ⲙ̀ⲫⲣⲏϯ ⲙ̀ⲡⲓⲧⲱⲟⲩ ⲛ̀ⲧⲉⲀⲃⲃⲁ Ⲙⲁⲕⲁⲣⲓⲟⲥ ⲛⲉⲙⲡⲓⲘⲟⲛⲁⲥⲧⲏⲣⲓⲟⲛ ⲛ̀ⲥⲩⲣⲟⲛ ⲁⲩⲛⲟϩⲉⲙ ⲟⲩⲟϩ ⲁⲩⲕⲟⲧⲟⲩ ⲉ̀ⲧⲟⲩϫⲟⲙ ϧⲉⲛⲔ̅ ⲛ̀ⲉⲱⲛ.