Wp/cop/Ϣⲑⲟⲣⲧⲉⲣ ⲙ̀Ⲡϣⲙⲟⲩⲣ

Ϯⲕⲓϯ ⲛ̀ⲧⲉⲘⲁⲣⲟⲩⲁⲛ Ⲃ̅. Ⲛⲉ-ⲛⲓϣⲱⲙ ⲉⲧϣⲁϩϣⲱϩ-ⲡⲉ ⲟⲩⲁⲓ ⲛ̀ⲉ̀ⲧⲓⲁ ⲛ̀ⲧⲉⲡⲓϣⲑⲟⲣⲧⲉⲣ.

Ⲡⲓϣⲑⲟⲣⲧⲉⲣ ⲙ̀Ⲡϣⲙⲟⲩⲣ ⲛⲉ-ⲟⲩϣⲓⲙⲓ-ⲧⲉ ⲛ̀ⲛⲓϣⲑⲟⲣⲧⲉⲣ ⲛ̀ⲧⲉⲛⲓⲉ̀ⲕⲩⲡⲧⲓⲟⲥ ⲉⲧϩⲉⲙⲥⲓ ϧⲉⲛⲠϣⲙⲟⲩⲣ ⲥⲁⲡⲉⲙϩⲓⲧ ⲛ̀Ⲭⲏⲙⲓ ϧⲉⲛϯⲙⲉⲧⲟⲩⲣⲟ ⲛ̀ⲛⲓϣⲉⲛⲟⲩⲙⲁⲓⲁ ⲛⲉⲙⲛⲓϣⲉⲛⲁⲃⲃⲁⲥ (Ⲑ̅-Ⲓ̅ ⲛ̀ⲉ̀ⲱⲛ). Ⲛⲓⲛⲓϣϯ ⲛ̀ϣⲑⲟⲣⲧⲉⲣ ⲁⲩⲭⲏ ϧⲉⲛ749, 767 ⲛⲉⲙ831–832.

Ⲛⲓϣⲑⲟⲣⲧⲉⲣ

749

Ⲁⲩⲉⲣϩⲏⲧⲥ ⲙ̀ⲙⲟϥ ϧⲉⲛⲟⲩϫⲉⲃⲣⲟ ⲡⲁⲣⲁϪⲉⲙⲛⲟⲩϯ. Ⲛⲉ-ⲡⲉϥⲣⲉϥϭⲓⲙⲱⲓⲧ Ⲙⲏⲛⲁ ⲡϣⲏ Ⲁ̀ⲡⲁⲕⲩⲣⲟⲥ. Ⲁ-Ⲥⲉⲩⲏⲣⲟⲥ ⲡⲓ-Ⲣⲉⲙⲛϣⲙⲟⲩⲛ ⲥϧⲁⲓ ϫⲉⲡⲓⲥⲩⲙⲃⲟⲩⲗⲟⲥ Ϩⲁⲟⲩⲑⲁⲣⲁ ⲡϣⲏ Ⲥⲟⲩⲭⲁⲏⲗ ⲙ̀ⲡⲉϥϣϫⲉⲙϫⲟⲙ ⲉ̀ⲗⲟϫϩϥ ⲟⲩⲟϩ ⲉ̀ⲑⲃⲉⲫⲁⲓ ⲁ̀-Ⲙⲁⲣⲟⲩⲁⲛ ⲡⲓⲇⲓⲁ̀ⲇⲟⲭⲟⲥ ϣⲉ ⲉ̀Ⲭⲏⲙⲓ ϩⲁⲆⲁⲙⲁⲥⲕⲟⲥ.

Ⲁ̀-Ϩⲁⲟⲩⲑⲁⲣⲁ ϭⲓ ⲙ̀ⲡⲓⲡⲁⲧⲣⲓⲁⲣⲭⲏⲥ Ⲙⲓⲭⲁⲏⲗ Ⲁ̅ ⲙ̀ⲫⲣⲏϯ ⲛ̀ⲟⲩⲡⲁⲣⲁⲑⲏⲕⲏ ϧⲉⲛϯ-Ⲣⲁϣⲓⲧ ⲁⲗⲗⲁ ⲛⲓⲣⲉⲙⲡϣⲁⲙⲏⲣ ⲉ̀ⲧⲁⲩⲙⲟⲩϯ ⲉ̀ⲣⲱⲟⲩ ⲟⲛ ϫⲉⲛⲓⲁ̀ⲙⲏ (ϯⲙⲉⲧⲁ̀ⲣⲁⲃⲟⲥ: بيَمة, ϯⲙⲉⲧⲟⲩⲉⲓⲛⲓⲛ ⲛ̀ⲁⲣⲭⲉⲟⲛ: βουκόλος) ⲁⲩϭⲓ ⲛ̀ϯⲃⲁⲕⲓ ⲟⲩⲟϩ ⲁⲩϩⲟⲗⲙⲥ. Ⲛⲉ-ⲟⲩⲛⲓϣϯ ⲙ̀ⲡⲟⲗⲉⲙⲟⲥ-ⲡⲉ ϣⲁⲠⲉⲣⲉⲙⲟⲩⲛ.

Ⲁⲩⲥⲱⲥⲓ ⲙ̀Ⲙⲁⲣⲟⲩⲁⲛ ⲉ̀ⲃⲟⲗ ϩⲓⲧⲉⲛⲛⲓϣⲉⲛⲁⲃⲃⲁⲥ ϧⲉⲛ750 ⲟⲩⲟϩ ⲛⲓⲁ̀ⲙⲏ-ⲇⲉ ⲁⲩⲉⲣⲣⲉⲙϩⲏ ⲙ̀ⲙⲱⲟⲩ ⲉ̀̀ⲛⲓϣⲱⲙ.

767

Ⲁϥϣⲱⲡⲓ ⲛ̀ϫⲉⲟⲩⲛⲓϣϯ ⲛ̀ϣⲑⲟⲣⲧⲉⲣ ϧⲉⲛϯⲆⲉⲗⲧⲁ ⲕⲉⲥⲟⲡ ϧⲉⲛ767. Nⲓⲣⲉⲙⲡⲓϣⲁⲣⲱⲧ ⲁⲩⲧⲱⲟⲩⲛ ⲉ̀ⲧⲉⲝⲟⲩⲥⲓⲁ̀ ⲛ̀ⲛⲓϣⲉⲛⲁⲃⲃⲁⲥ ⲉⲩⲥⲟⲡ ⲛⲉⲙⲛⲓⲁⲣⲁⲃⲟⲥ .

831-832

Ⲛⲉⲙ̀ⲙⲟⲛϣϫⲟⲙ ⲉ̀ⲛⲓϣⲉⲛⲁⲃⲃⲁⲥ ⲉ̀̀ⲧⲁⲕⲟ ⲙ̀ⲡⲓϣⲑⲟⲣⲧⲉⲣ ⲛ̀ⲧⲉ767 ⲟⲩⲟϩ ⲁ̀-Ⲙⲁⲙⲟⲩⲛ ⲡⲓⲇⲓⲁ̀ⲇⲟⲭⲟⲥ ⲟⲩⲱⲣⲡ ⲙ̀ⲡⲉϥⲥⲧⲣⲁⲧⲏⲗⲁⲧⲏⲥ ⲛ̀ⲥⲟⲩⲅⲇⲓⲁ̀ⲛⲟⲥ Ⲁⲗⲁϥϣⲓⲛ. Ⲁϥⲗⲱϫϩ-ⲇⲉ ⲛ̀ⲛⲓⲁ̀ⲡⲟⲥⲧⲁⲧⲏⲥ ϧⲉⲛϯ-Ⲇⲉⲗⲧⲁ ⲙ̀ⲡⲉⲓⲉⲃⲧ ⲛⲉⲙⲢⲁⲕⲟϯ ⲟⲩⲟϩ ⲁϥⲕⲱⲣϣ ⲙ̀ⲡⲓⲡⲁⲧⲣⲓⲁⲣⲭⲏⲥ Ⲓⲱⲥⲏⲫ Ⲁ̅ ⲉ̀ⲟⲩⲱⲣⲡ ⲛ̀ⲟⲩⲉ̀ⲡⲓⲥⲧⲟⲗⲏ ⲉ̀ⲛⲓⲁⲡⲟⲥⲧⲁⲧⲏⲥ ⲛ̀ⲥⲉⲥⲱϣⲧ ⲁⲗⲗⲁ ⲁⲩϩⲱⲟⲩϣ ⲛ̀ⲛⲓⲉⲡⲓⲥⲕⲟⲡⲟⲥ ⲁ̀ⲡⲗⲱⲥ. Ⲡⲓⲇⲓⲁ̀ⲇⲟⲭⲟⲥ ⲛⲉⲙⲆⲓⲟ̀ⲛⲏⲥⲓⲟⲥ ⲡⲓ-Ⲣⲉⲙⲑⲉⲗⲙⲁϩⲣⲓ ⲉ̀ⲧⲉⲡⲓⲡⲁⲧⲣⲓⲁⲣⲭⲏⲥ ⲛ̀ⲧⲉϯ-Ⲁⲛⲧⲓⲟⲭⲓⲁ ⲁⲩϣⲉ ⲉ̀Ⲭⲏⲙⲓ ⲛ̀ⲥⲉⲥⲁϫⲓ ⲉ̀ⲛⲓⲁ̀ⲡⲟⲥⲧⲁⲧⲏⲥ ⲁⲗⲗⲁ ⲛⲉⲙⲙⲟⲛϣϫⲟⲙ ⲙ̀ⲙⲱⲟⲩ ⲉ̀ⲓⲣⲓ ⲙ̀ⲫⲁⲓ ⲟⲩⲟϩ ⲁ-Ⲙⲁⲙⲟⲩⲛ ⲙⲁϣⲟⲩ ϧⲉⲛⲟⲩϫⲉⲫⲣⲟ ⲡⲁⲣⲁϪⲉⲙⲛⲟⲩϯ ⲛⲉⲙϯⲃⲟⲏⲑⲓⲁ ⲉ̀ⲃⲟⲗ ϧⲉⲛⲛⲓⲣⲉⲙⲛ̀ⲧⲁⲛⲧⲁⲑⲟ. Ⲛⲓⲁ̀ⲙⲏ ⲁⲩϭⲣⲟ ⲉ̀ⲣⲱⲟⲩ ⲟⲩⲟϩ ϩⲁⲛⲙⲏϣ ⲛ̀ⲛⲟⲩⲥϩⲓⲙⲓ ⲛⲉⲙⲛⲟⲩⲁⲗⲱⲟⲩⲓ ⲁⲩⲟⲩⲟⲣⲡⲟⲩ ⲉ̀Ⲓⲉⲣⲁⲕ ⲙ̀ⲫⲣⲏϯ ⲛ̀ⲛⲓⲉ̀ⲃⲓⲁⲓⲕ.