Wp/cop/Ϣⲉ ⲉ̀ϧⲟⲩⲛ ⲉ̀Ⲭⲏⲙⲓ

Ⲟⲩϩⲓⲕⲱⲛ ⲛ̀ⲧⲉⲡϣⲉ ⲉϧⲟⲩⲛ ⲛ̀ⲧⲉ ϯⲥⲩⲅⲅⲉⲛⲉⲓⲁ ⲉⲑⲟⲩⲁⲃ ⲉ̀Ⲭⲏⲙⲓ ϧⲉⲛϯⲉⲕⲕⲗⲏⲥⲓⲁ̀ ⲛ̀ⲧⲉⲛⲓ⳥ Ⲥⲉⲣⲅⲓⲟⲥ ⲛⲉⲙⲂⲁⲭⲟⲥ ϧⲉⲛⲡⲓⲥⲡⲉⲗⲉⲱⲛ ϧⲉⲛϯⲔⲉϣⲣⲱⲙⲓ.

Ⲡϣⲉ ⲉ̀ϧⲟⲩⲛ ⲉ̀Ⲭⲏⲙⲓ ⲟⲩϩⲓⲥⲧⲟⲣⲓⲁ ⲧⲉ ⲉⲧⲁⲩⲧⲁⲙⲟⲛ ⲙ̀ⲙⲟⲥ ϧⲉⲛⲡⲓⲈⲩⲁⲅⲅⲉⲗⲓⲟⲛ ⲕⲁⲧⲁⲘⲁⲧⲑⲉⲟⲛ (Ⲙⲁⲧⲑⲉⲟⲛ 2:13-23) ⲛⲉⲙⲛⲓϫⲱⲙ ⲉⲧϩⲏⲡ ⲛ̀ⲧⲉϯⲆⲓⲁⲑⲏⲕⲏ ⲙ̀ⲃⲉⲣⲓ. Ⲙⲉⲛⲉⲛⲥⲁ ⲡⲓϫⲓⲛⲓ ⲙ̀ⲡϣⲓⲛⲓ ⲛ̀ⲧⲉⲛⲓⲙⲁⲅⲟⲥ ⲡⲓⲁⲅⲅⲉⲗⲟⲥ ⲁϥⲟⲩⲟⲛϩϥ ⲉ̀Ⲓⲱⲥⲏⲫ ϧⲉⲛⲧⲉϥⲣⲁⲥⲟⲩⲓ̀ ⲟⲩⲟϩ ⲁϥⲧⲁⲙⲟϥ ⲉ̀ⲫⲱⲧ ⲉ̀Ⲭⲏⲙⲓ ⲉⲩⲥⲟⲡ ⲛⲉⲙϯⲁ̀ⲅⲓⲁ Ⲙⲁⲣⲓⲁ ⲛⲉⲙⲒⲏⲥⲟⲩⲥ ⲉ̀ⲃⲟⲗ ϫⲉⲡⲓⲟⲩⲣⲟ Ⲏ̀ⲣⲱⲇⲏⲥ ϥ̀ⲛⲁⲕⲱϯ ⲛ̀ⲥⲱϥ ⲉ̀ϧⲟⲑⲃⲉϥ.

Ⲛⲓⲣⲉⲙⲛ̀ⲭⲏⲙⲓ ⲛ̀ⲭⲣⲓⲥⲧⲓⲁⲛⲟⲥ ⲥⲉⲛⲁϩϯ ϫⲉϯⲥⲩⲅⲅⲉⲛⲉⲓⲁ ⲉⲑⲟⲩⲁⲃ ⲁⲥϩⲱⲗ ⲉ̀ⲃⲟⲗ ϧⲉⲛϯⲘⲟⲛⲏ ⲛ̀ⲥⲟⲣⲁⲧ, Ⲡⲧⲱⲟⲩ ⲙ̀ⲡⲓϩⲟⲥⲉⲙ, Ⲃⲁⲃⲩⲗⲱⲛ, Ⲡⲉⲣⲉⲙⲟⲩⲛ, Ⲡⲟⲩⲃⲁⲥϯ, Ϫⲉⲙⲛⲟⲩϯ, Ⲫⲉⲗⲃⲉⲥ, ϯⲤⲉⲙⲟⲩⲗⲟⲧ, Ⲥⲓⲱ̀ⲟⲩⲧ, Ⲥϧⲱⲟⲩ, Ⲱⲛ Ⲡⲉⲧⲫⲣⲏ ⲛⲉⲙϩⲁⲛⲕⲉⲙⲁ. ϧⲉⲛ̀Ⲃⲁⲃⲩⲗⲱⲛ ⲛ̀Ⲭⲏⲙⲓ ⲁⲩϩⲉⲙⲥⲓ ϧⲉⲛⲡⲓⲙⲁ ⲛ̀ⲧⲉϯⲉⲕⲕⲗⲏⲥⲓⲁ̀ ⲛ̀ⲧⲉⲛⲓⲁ̀ⲅⲓⲟⲥ Ⲥⲉⲣⲅⲓⲟⲥ ⲛⲉⲙⲂⲁⲕⲭⲟⲥ ϧⲉⲛⲥⲡⲉⲗⲉⲱⲛ ⲛⲉⲙϯⲉⲕⲕⲗⲏⲥⲓⲁ̀ ⲛ̀ϯⲑⲉⲟⲧⲟⲕⲟⲥ ϯⲁ̀ⲅⲓⲁ Ⲙⲁⲣⲓⲁ ϧⲉⲛⲂⲁⲃⲩⲗⲱⲛ ⲛ̀Ⲭⲏⲙⲓ.