Wp/ckt/Умӄиԓир (рытомгавъё заповедник)
«Умӄиԓир» (рус. «Остров Врангеля») - государственныкэн заповедник. Илирык Врангелык гыръоркыт ынанмыкычьо умк’эт, ынк’эната лыгъоравэтльаварата ынк’эн нытвык’эн Умк’илиру. Илирык Геральд нутэк кывальын ыннэн квадратныкэн километрмэл гагръота рыпэт 12 умк’эт
Ы’ттъыёлкэнат мигчитлык’ылти гытамо лын’ынво илир гэныгйивэтлинэт еп н’ирэк’эв эрмэтэ нымнымкин – Ареф Иванович Минеевына, микынэ 1937 гивик ганпаан’атлен элгарн’ыттыгыргын айгыск’ын’к’ач илиркин. 1953 чукоткакэн эрмэт гавэтгыльатленат гынрыру лын’ынво ровтынвыт рыркэн илирык Врангелын, 1968 гивик-ым илирык гантомгавлен заказник гынрыру лын’ынво рыркат, умк’эт, лыгэгалгэн кытчыёлгынвыт ынкъам к’утти галгат. 1975 гивик илирык гатван’н’оленат овцебыкыт, ратъёттэ элергыпы Нунивак, Магаданкэн облисполком вэтгыльатгъэ ынкы рытомгавынво заповедник. 23 мартак 1976 гивик гэнынныкэлилин ръомраквыргын Советэн Министрыргин РСФСР рытомгавынво государственныкэн заповедник «Остров Врангеля», мин’кы гэныгйивэтлинэт илирти Врангелын ынкъам Геральд. 1976-1978 гивиткун’ит илирык ганпаавлен гыепынво отделение к’орагынрэткэн совхозэн. Н’элвыл ынкэкин гэнтъэрытвэтлин ынкъам ганпаавлен нымытванво лын’ык Звездный. Лымн’э гапааленат элгарн’ыттык ынкъам ан’к’агыннэгн’ыттык 1992 гивик ганпаавлен яак радиолокационныкэн станция э’н’ыткынык Роджерс ынкъам илирык ганпэлявлен нымытваванво лын’ык амынан Ушаковское.