Wp/ckt/Валӄалԓьан

From Wikimedia Incubator
< Wp‎ | cktWp > ckt > Валӄалԓьан

Валӄалԓьан (Вэлӄыл; рус. Уэлька́ль, айв. Валъӄалыӄ) — нымным. Ивылтин район.

Нымным Валӄалԓьан варкын 100 километрмэԓ урэԓьу посёлкайпы Эрвыӄыннот. Нымным варкын айвачыӈӄач ӄытрыӄырык Ановэлӄыл кэтэм аӈӄачормык.

История[edit | edit source]

1922 гивик айванаԓьа нымытваԓьа Уӈиин рытомгав. Валӄалԓьан. Ӈотӄоры ырыкы чеэкэквъэт ӄутти ройыръыт нутэтумгин. Вэлӄылыльыт нымэмылӈыттыӄэнат, нырыркаӈыттыӄэнат, ныръэвӈыттыӄинэт. Ынкъам ныкимитъылпууръыткуӄинэт чавчывак.

Советкэн вагыргынляма нымнымыльэ нынмэйӈэвӄинэт риӄукэт гыннэграк. Ныгынритӄинэт элгартэ, нымигчирэтӄин ваӈэран. Вама Майӈымараквыргын вэлӄылыльыт нэмыӄэй гакытрэватленат мигчирэтык вэнратынво нутэвириӈэтыльыт ынкъам лывынво э’ӄэльыт нотапэнрыткольыт. Игыр Вэлӄыл эргыпатыркын, лыги нэлгыркын мургин нутэ-тумгэ – вама Майӈымараквыргын ынкы гэтэйкылин рэӈъатвывакъонвын, мэӈӄо нынтакаӈатӄэнат Аляскайпы риӈъэтвыт тыляма рэӈаръэтъеквэ Аляска-Сибирь (АлСиб). Маравыплыткокэн гивиткуӈит ынӄэн нымнымык гатваленат пограничникыт, олёвынвык гэтэйкылин кэтъоквын рэргыпавынво риӈъэтвыткульыт раквачальыт. Кэтъоквын игыр гынрыру, гытамо нэлгыркын Вэлӄылкин кэлиткульэ. Вэлӄыл ык гэргыпатленат: Лейта-Тъаю – инэнлельын ансамблен «Имля»; Ким Акилькак – орденыльын Трудового Красного Знамени, ынанъыттъыёлкэн председатель колхозэн «Угляткак»; Василий Ятыргын – итыльын председателё сельсоветык, тэкэлиӈыльын; Михаил Ваалгыргын – аӈӄагыннэгӈыттыльын, член Союзэн писателен СССР.

Нынны (этимология)[edit | edit source]

Ԓыг.: вэлӄыл/валӄыл + -ԓьан.