Wp/cko/Sampson Adu-Gyamfi
| Sex or gender | male  |
|---|---|
| Country of citizenship | Ghana |
| Given name | Sampson |
| Family name | Adu |
| Date of birth | 7 May 1950 |
| Place of birth | Ashanti Region |
| Languages spoken, written or signed | English |
| Occupation | teacher |
| Position held | Member of the 1st Parliament of the 4th Republic of Ghana |
| Educated at | Osei Tutu Senior High School, Management Development And Productivity Institute |
| Member of political party | National Democratic Congress |
| Religion or worldview | Christianity |
Sampson Adu Gyamfi (bo bu wuuri i 7 May 1950 afɔ) n ti Ghana pɔlitikiyofɔ wɔ,na i ti ɛmpi bo i buka , cicirisu dɛɛ paliyamɛnti fɔm su ahin Nnasu dɛɛ Republic n nu. I jina fa ma Atwima-Kwanwoma dɛɛ Constituency n bo i wo Ashanti Region of Ghana. [1][2]
I Diŋgɔɔ bomboori ni kara kɔ jɔrɛ
[edit | edit source]Bu wuuri Adu-Gyamfi 7 May 1950 afɔ n wɔ, Kokobeng miɛ n nu. I ti miɛ kaan be bo i wo Ashanti Region of Ghana dɛɛ bue n wɔ. I kɔɔri kara Osei Tutu Training College kara yobiri wɔ, dɔ na wɔ anya i Teachers' Training Certificate kadasi, na wɔ sasu akɔ Management Development And Productivity Institute (MDPI) kara yobiri, dɔ gusu na wɔ asɔnsɔn kara dɔŋgu be bu nbem kɔ nati ni Transport and Communication karayo su.[3]
Pɔlitiki yoowam
[edit | edit source]Adu-Gyamfi jinaari ɛmpiya mbaa n National Democratic Congress paati n dɛɛ alaka su wɔ, na wɔ adi, December 1992 afɔ n Ghanafɔm ɛmpiya dɛɛ mbaatuuwa n saŋga. Yiri tiiri Atwima-Kwanwoma Constituency fɔm bo bu wo Ashanti Region of Ghana dɛɛ bue n ɛmpi a. I kpasi biɛ n fa maari i beŋgu be bo bu fere i ka Dr. Matthew Kwaku Antwi, bo yiri jinaari New Patriotic Party n bo bu wo má gominaya biɛ n su n a. Wɔ adumɔ akpasi bu paati n ɛmpiya mɔfɔ n dɛɛ mbaa tu ni n a ma Simon Atta. Fa kɔ 1996 afɔ n Ghanafɔ jama kɛrɛ dɛɛ mbaatuuwa n saŋga, Dr. Matthew Kwaku Antwi nyaari mbaa 18,056 wɔ fa fite mbaa kaanwa n kɛrɛ nu. Nyini mbaa n kɔ yasu 58.80% wɔ, bo i nana i beŋgu nyiŋga Simon Atta n bo i jina fa maari National Democratic Congress paati n alaka su, n ŋu. Yiri Atta n nyaari mbaa 4,831 bo i jina 15.70%, na Kwasi Amakwa Manu bo i jina fa maari Convention People's Party n alaka n anya mbaa 293 bo i kɔ gusu yasuuri 1.00%.[4]
I juma yowaam
[edit | edit source]Adu-Gyamfi ti kara kerefɔ wɔ, na i kaaki yo ti ɛmpi fa ma Atwima-Kwanwoma Constituency fɔm bo bu wo Ashanti Region of Ghana ni.[3]
I Amusui
[edit | edit source]I ti Kristofɔ wɔ.[3]
Nɔaniɛ n fiteeribiri
[edit | edit source]- ↑ "maryjonah/maryjonah.github.io". GitHub. Retrieved 4 February 2021.
- ↑ "NPP primaries: Deputy Speaker, Majority Leader, 12 others go unopposed - MyJoyOnline.com". www.myjoyonline.com. Retrieved 4 February 2021.
- 1 2 3
- Ghana Parliamentary Register 1992–1996
- ↑ http://ghanaelections.peacefmonline.com/pages/1992/parliament/ashanti/index.php