Wp/cko/Peter Kenneth Owusu

Peter Kenneth Owusu

human

Sex or gender	male
Country of citizenship	Ghana
Given name	Peter
Date of birth	1946
Languages spoken, written or signed	English
Occupation	teacher
Position held	Member of the 1st Parliament of the 4th Republic of Ghana
Educated at	University of Cape Coast, Wiawso College of Education
Religion or worldview	Christianity

Peter Keneth Owusu (bo bu wuuri i 1946 afɔ) n ti Ghana pɔlitikiyofɔ wɔ, na i ti ɛmpi bo i wo paliyamɛnti buka cicirisu dɛɛ paliyamɛntifɔm bo bu wo ahin Nnasu dɛɛ Republic of Ghana n su. I jina fa maari Obuasi Consituɛnsi fɔm wɔ, na i jinaari National Democratic Congress n dɛɛ paati n alaka su a.

I Diŋgɔɔ bomboori ni kara kɔ jɔrɛ

Bu wuuri Peter 1946 afɔ n wɔ Obuasi miɛ n nu. I kɔɔri kara Sefwi Wiawso Training College ni University of Cape Coast dɛɛ kara yobiri n wɔ, na wɔ anya Diploma ni Masters of Education ni Sociology ni Education kara dɛɛ kadasim kɛrɛ. I yo yoori kara kerefɔ juma ka ye i ba kɔɔri paliyamɛnti a.

Pɔlitiki yoowam

Peter boori i pɔlitikiya jumayo bu 1992 afɔ n wɔ, nyini saŋga n ye i dumɔ jinaari ɛmpiya mbaa National Democratic Congress paati n alaka sun a, adena i bá jina ma Obuasi Constituency fɔm bo bu wo Ashanti Region of Ghana ni. Nyini saŋga n ye 1992 Ghanafɔm ɛmpim dɛɛ mbaa tu akaba abo i bu a.  Nahɔrɛ su ka yiri diiri nyini 1992 dɛɛ Ghanafɔm ɛmpim mbaa n bo bu tuuri i 29 December 1992 n ni, na wɔ abo i ɛmpiya jumayo bu 7 January 1993 afɔ ni, bo i bukaari cicirisu dɛɛ paliyamɛntifɔm su be, bɛrɛ tiiri Nnasu dɛɛ Ghana Republic n ɛmpim n a. I ba kpasi biɛ n fa maari New Patriotic Party fɔ n wɔ bo bu fere i ka Anthony Bright Boadi Mensah. Yiri Anthony n nyaari 47.70% mbaa wɔ bo i mbaa kaanwa kɛrɛ kɔ yasuuri 44,721, ama na Peter yiri anya 27.70% mbaa bo i kɛrɛ kɔ yasu 25,984 mbaa kaanwa wɔ. Nyini mbaa kpasi n tɔɔri 1996 afɔ n dɛɛ Ghanafɔ jama kɛrɛ dɛɛ mbaatuuwa n wɔ.

I Tiɛŋgu Diŋgɔɔ

I ti Kristofɔ wɔ.