Wp/cko/Kennedy Osei Nyarko
| Sex or gender | male  |
|---|---|
| Country of citizenship | Ghana |
| Date of birth | 2 April 1979 |
| Place of birth | Eastern Region |
| Languages spoken, written or signed | English |
| Occupation | politician, marketer |
| Position held | Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 8th Parliament of the 4th Republic of Ghana |
| Educated at | Ghana Institute of Management and Public Administration, University of Ghana, Chartered Institute of Marketing |
| Member of political party | New Patriotic Party |
| Religion or worldview | Christianity |
Kennedy Osei Nyarko bo bu wuuri 2 October, 1979 Eastern Region n ti Ghana politikifɔ wɔ. 2016 dɛɛ mba tu afɔ n ye i diiri biɛ na fa ma Akim Swedru fɔm a. 2017 dɛɛ afɔ n na bu ayi Deputy Minister of Agriculture, Ghana fɛn lɛɛ.[1][2][3]
I ŊGƆ NI KARA KƆ JƆRƐ
Bu wuuri Kennedy 2 October 1979 wɔ na i fite Akim Swedru bo i wo Eastern Region ni, Ghana fɛn.[4] I kɔɔri kara Ghana Institute of Management and Public Administration, dɔ ye i nyaari bachelor digiri fa kɔ Marketing su, afɔ 2010. I digiri cicirisu n sin, na wɔ akɔ Chartered Institute of Marketing UK, dɔ ye i nyaari Post- graduate Diploma in Marketing, afɔ 2011. Afɔ 2012, na wɔ awie Post- graduate digiri in Marketing fa fite University of Ghana.[5] I kɔɔri kara bekun na wɔ anya Master of Science degree in Climate Change and Sustainable Development 2019 afɔ ni fa fite University of Ghana.[4][6] in
JUMA YOOWAM
Kana i ba yo politiki juma ni, Kennedy yo ti sɔnɔ bo i niɛ niŋgem tɔɔ su, J.A Plant Pool, bo i ti sika fundu kɔmpeni ni. I yoori juma dɔ afɔ nzan a. Na wɔ ba ayo General manager fa ma kɔmpeni Northern bue ni. Yiri yo ti niŋge/gɔɔri tɔɔ mɔfɔ a, Jospong Group of Companies. I yo tiiri Marketing mɔfɔ wɔ, Zoomlion Ghana Limited.[4]
I la ladio, bu fere i ka Bosome FM.[7]
POLITIKI JUMAM
Kennedy ti NPP fɔ wɔ na kisa yiri ti Akim Swedru kɔnsitiɛnsi MP a, Eastern Region, Ghana fɛn lɛɛ.[11][12][13]
2012 mba tu n nu, i jinaari MP mba tuuwa wɔ, na wɔ anya mba 7,143. Nyini afɔ ni ye i wuraari Palamenti a. 2017 sanga bo Deputy Agriculture Minister, William Quaitoo wɔrɔɔri i juma ni, Nana Akuffo Addo yiiri yiri Deputy Minister of Agriculture.[10][11][13]
2012 MBA TU NI
2012 Ghana Mba tu n nu, i diiri Akim Swedru kɔnsitiɛnsi biɛ n wɔ ni mba 8,865, i pɛsɛnti la 55.78% na NDC dɛɛ sɔnɔ ni, Robert Samuel Ansah nyaari mba 3,533 , i pɛsɛnti la 22.23%, PPP sɔnɔ ni Akwasi Amankwah Marfo nyaari mba 231, i pɛsɛnti la 1.45%. Joseph Ampomah Bosompem nyaari mba 3,217 i pɛsɛnti la 20.24%, NDP dɛɛ Godwin Boadi nyaari mba 48, i pɛsɛnti la 0.30.[14]
2016 MBA TU NI
2016 mba tu n nu, i diiri Akim Swedru kɔnsitiɛnsi biɛ bekun wɔ ni mba 11,458. I pɛsɛnti la 71.4%. NDC sɔnɔ ni Robert Samuel Ansah nyaari mba 4,056%. I pɛsɛnti la 25.3% , PPP sɔnɔ Obiri Ernest Amo nyaari mba 502, i pɛsɛnti la 3.1% na CPP sɔnɔ ni Anim Addo anya mba 25, i pɛsɛnti la 0.2%.[15]
2020 MBA TU NI
2020 Ghana mba tu afɔ ni, i kaaki diiri Akim Swedru kɔnsitiɛnsi biɛ n wɔ ni mba 11, 180, i pɛsɛnti la 71.3% na NDC dɛɛ sɔnɔ ni Taaju Rahim anya mba 4,503 i pɛsɛnti la 28.7%.[16][17]
KƆMITIIM
2017 afɔ ni, yiri tiiri biɛnu tanafɔ fa ma Committee of Local Government, Ghana Palamenti.[3][18]
Kennedy ti biɛnu tanafɔ fa ma Roads and Transport Committee, [19][20], i buka Special Budget Committee n su. Na buka Public Accout Committee n su.[4]
I TIƐŊGU ŊGƆ JƆRƐ
Kennedy ti kristo fɔ
SAKPA YOOWAM
October, 2022 na wɔ afa sɛsɛsu be ase kabo i yo na i nyati ticam ŋunɛ fa kɔ bu juma su, Akim Swedru kɔnsitiɛnsi n nu.[22]