Wp/cko/Johnson Frimpong

Johnson Frimpong

human

Sex or gender	male
Country of citizenship	Ghana
Date of birth	14 April 1957
Languages spoken, written or signed	English
Occupation	teacher
Position held	Member of the 1st Parliament of the 4th Republic of Ghana
Educated at	Akrokerri College of Education
Academic degree	Teachers' Training Certificate
Religion or worldview	Christianity

Johnson Frimpong ti Ghana pɔlitikiyofɔ wɔ, ni cicirisu dɛɛ ɛmpim kun bo i buka Nnasu dɛɛ Ghana republic n nu. I kaaki ti National Democratic Congress (NDC) paati n minɛm n kun wɔ, bo i jina fa ma Bosome-Freho constituency fɔm.

I Diŋgɔɔ bomboori ni Kara kɔ Jɔrɛ

Bu wuuri Johnson 14 April 1957 afɔ n wɔ. I kɔɔri kara Atebubu Training College wɔ bo kisa na i ti Atebubu College of Education ni, na i wo Bono East region awɔrɛ n nu Ghana fɛn ni, dɔ na wɔ anya i Teachers' Training Kadasi. I ba weeri ni, na wɔ abo i kara kere juma bu, na wɔ ayo kara kerefɔ ka ye i ba kɔɔri paliyamɛnti a.

I Pɔlitiki yoowam

Johnson boori i pɔlitiki jumayo bu 1992 afɔ n wɔ, saŋga bo i yoori ɛmpiya biɛ n mɔfɔ fa ma National Democratic Congress (NDC) paati ni, adena i jina ɛmpiya biɛ n mbaa fa ma Bosome-Freho constituency fɔm, fa dodo saŋga n bo 1992 afɔ n dɛɛ Ghanafɔm ɛmpim dɛɛ mbaatu n akaba su bo i bu n lɛɛ. I diiri mbaa n wɔ, na wɔ abuka ahin Nnasu dɛɛ Ghana Republic n dɛɛ cicirisu paliyamɛntifɔm n su, nyini 1992 afɔ n dɛɛ Ghanafɔm ɛmpiya mbaatuuwa n saŋga, nyini n sin na wɔ abo i jumayo bu 7 January 1993 afɔ ni. I kpasiiri biɛ n maari Gabriel Yaw Amoah bo i ti New Patriotic Party fɔ n 1996 afɔ n dɛɛ Ghanafɔ jama kɛrɛ mbaatuuwa n nu wɔ.

I Tiɛŋgu Diŋgɔɔ

I ti Kristofɔ wɔ, na i la bara.

Reference

Ghana Parliamentary Register 1992-1996. Ghana Publishing Corporation. 1993. p. 199.