Wp/cko/John Kumah

John Ampontuah Kumah

human

Sex or gender	male
Country of citizenship	Ghana
Name in native language	John Ampontuah Kumah
Given name	John
Family name	Kumah
Date of birth	8 April 1978, 4 August 1978
Place of birth	Kumasi, Ejisu
Date of death	7 March 2024
Languages spoken, written or signed	English, Asante
Occupation	politician, lawyer
Position held	politician, Member of the 8th Parliament of the 4th Republic of Ghana, deputy minister
Work location	Adabraka
Member of political party	New Patriotic Party
Candidacy in election	2020 Ghanaian general election
Religion or worldview	Christianity
Replaces	Kwabena Owusu Aduomi

John Ampontuah Kumah bu wuuri 4 August 1978. I yo tiiri Ghana politikifɔ wɔ, watadifɔ, Nyɛmɛ nuaniɛ kanfɔ ni lɔya. yiri yo yoori chief executive officer, National Entrepreneurship and Innovation Programme, haari Ejisu fɔm ba yiiri i 2020 mba tu afɔ n ka bu MP. I tiiri NPP MP wɔ.

Diŋgɔɔ bumboori ni karakɔɔwa

Bu wuuri John Kuma 4 August 1978 wɔ. I fite Ejisu Odaho wɔ, i ti miɛn bo dɔdɔɔri sunu su wɔ, na wo Ejisu Municipal bo i wo Ashanti Region ni, Ghana asiɛn su.[9] Kumah wieeri Opoku Ware School bo i wo Kumasi n wɔ nyini yoori i  secondary level kara kɔɔwa 1997 a. Na wɔ atakasu akɔ University of Ghana (Legon) 1997 nu na wɔ akɔ de Bachelor of Arts kadasi fa kɔ Economics nu ni Philosophy afɔ nna afiɛn. 2009 afɔ ni, bu maari i MBA (Finance) kadasi bo i fite GIMPA wɔ. I kaaki nyaari Degree in Law (LLB) fiteeri University of Ghana na wɔ anya Professional Law Degree (BL) afite Ghana School of Law. I kaaki nyaari i Post Graduate Diploma fa kɔ Applied Business Research nu fiteeri Nobel International Business School 2019 wɔ.

November 2020 nu, na Kumah anya Doctorate fa kɔ Business Innovation nu afite Swiss Business School, Switzerland asɛin su. I kaaki laari Masters fa kɔ Applied Research (Business Innovation) nu bo i kaaki fiteeri Swiss Business School n nu.[5]

Jumayoowa

Bu fereeri i kɔɔri Ghana Bar ka i yo solicitor ni  legal practitioner fa ma Supreme Court of Ghana 2013 nu.[10] Yiri tiiri bo i boori Aduaprokye Chambers bo i ti Law Firm na i wo Adabraka n bu a, na i ti i Managing Partner. Yiri kaaki boori Majak Associates Ltd bu a, i ti ataari ni atingbere jumayofɔm wɔ, i bitaari i sɔ wɔ haari i ba yoori NEIP juma yoobiri CEO 2017 afɔ ni.[10][11] John Ampontuah Kumah nyaari si fa kɔ mɔfɔ juma su taraari afɔ buru ni nnu dika,[12] na i la si bo i koro fa sunsuni fɔfɔrɛ ba na i ti si fɔ bo i buka minɛ alecira fa kɔ bu juma su, na i su buka juma bo i ma ngbɛfɛnim ni nsungurum kɔ bu nyunu.[13]

1992 afɔ n kɛrɛ ye i faari i ŋu wuraari NPP paati n nu a, na wɔ ayo juma paati n anzama bo asɛsɛ n nu.[12]

Pɔlitiki

2020 afɔ ni, John Kumah jinaari mbaa na wɔ adi Ejisu constituency MP biɛ ni NPP duma nu.[7][14] I woori parliament dɔ ni, yiri tiiri Vice Chairperson fa maari Constitutional, Legal and Parliamentary Affairs Committee n a, na wɔ abuka Appointments and Subsidiary Legislation asɛsɛm n su.[12][15]

I yiwie afɔ ni, na yiri tiiri Deputy Finance Minister a, 2021 ye i nyaari nyini jinaabiri n a.[12][16][17]

May 17, 2023 dɛɛ cɛɛn ni, i bukaari tiifɔm bo bu jinaari na bu fiɛɛri IMF Executive Board's US$3 billion na bu fa buka asiɛn ni mwaa jɔrɛ bo i yoori kekere nyini saŋga ni.[18]

[icon]

Ahin bue n koro nɔaniɛ bo i buka su, yiri la deke bo i yoori i saŋga bo i juma n nu ni. A koro buka na a kan be buka su. (March 2024)

Teremaasum ni aceerim

John Kumah tiiri sɔnɔ bo bu ŋuuri i ka wɔ ajusu ni i jumayoowa 2018 dɛɛ afɔ ni[19] na i duma abuka minɛ aburannyɔɔm bo President Akufo Addo yiiri bu 2019 ka bu ti Appointees bo bu da bu ŋu asiɛŋgu na bu bu minɛ nahɔrɛsu n su wɔ.[20]

Bu maari i teremaasu 2 June 2020 nu fa kɔ kabo i tiiri CEO bo i laari jirima bo wɔ la má aŋusu ni, Africa Centre for Integrity and Development (ACID) fɔm, bo bu ti Africa-based anti-corruption and Good Governance advocacy Civil Society Organization ni tuuri i nyini kere n a.[21]

Yaa be cɛɛn, bo i tɔɔri August 23, 2019 ni, Kuma kaaki nyaari aceeri fa kɔ kabo i tiiri CEO bo i laari jirima bo wɔ la má aŋusu n ni bo bu i ti Influential Transformational Leader ni, fiteeri GEHAB Events fɔm dɔ.[22]

All African Student Union (AASU) asɛsɛ n tuuri i kere saŋga bo i yo ti Chief Executive fa maari National Entrepreneurship and Innovative Plan-NEIP ni, bu tiɛntiɛnbunɔ nsɛn su bo bu yoori i Ghana fɛn ni, fa kɔ kabo i boro i nyi na i buka karanbaam ni miniɛ tiɛŋgu juma barasu ni.[23]

Tiisu jɔrɛ

John Kumah jaari Apostle Lilian Kumah bo i ti Founder ni Senior Pastor fa ma Disciple of Christ Ministries Worldwide ni, 2007 dɛɛ afɔ ni.[24] Bu nyaari nbaam nsɛn wɔ.[24]

Miniɛ buka

August 2022 nu, John Kumah toori nasaram dɛɛ aŋuniɛmbaa bue barasu bo bu fa lɔɔba wara bulaali yo bu n be barasu nnu maari miniɛ bo loori kpaasi bu na bu fun bu ŋuniɛ bue be n wɔ. Miniɛ bo bu nyaari ahin terefiɛ n la Peter ni Mensah ni Moses Addai.[25]

March 2024 nu, na wɔ mwaa GH₵120,000 (ya fa i ka US$9,400 nyini saŋga n nu) ama ka bu fa yo Ejisu Senior High Technical School nbaabiɛsɔm daabiri dɔŋgu.[26][27]

Yiwie

John Kumah daari tukpaaki be Ghana fɛn wɔ cɛɛ má na wɔ ayo Nyɛmɛ dɛɛ, 7 March 2024 dɛɛ cɛɛn ni, i afɔ aburanna ni nnu (45) nu.[28][29][30] Bu kpiniiri Kumah daabiri May 18, 2024 wɔ, i bɔsu Onwe miɛn n nu dɔ, dɔ ye bu yoori i lemɔcɔɛ yoowa a.[31][32]