Wp/cko/Ghana Institute of Linguistics, Literacy and Bible Translation

Ghana Institute of Linguistics, Literacy and Bible Translation

research institute

Country	Ghana

Ghana dɛɛ Institute of Linguistics, Literacy ni Bible Translation (GILLBT) n ti asɛsɛ bo i yo kɛrɛ ni kan, ni kara kɔ, ni bukasu jumayom aniɛ kankaan barasu nbem dɛɛ miɛm su Ghana fɛn, na bu kaaki yo Babulu n dɛɛ Nyɛmɛ nɔaniɛ n kaaki juma.

Dawa jɔrɛ

[edit source] GILLBT nyi fiteeri sifɔm bo yo aniɛ aniɛ ŋusu jɔrɛ n dɛɛ jumayoowa nu wɔ. Nyini sifɔm yo juma ni Wycliffe Bible dɛɛ kaakiwa n nu wɔ, bɛrɛ boori jumayo n bu ni Institute of African Studies n bo i wo University of Ghana ni fa kɔ 1962 n dɛɛ afɔ ni. 1980 n dɛɛ afɔ n nu, na bu akpama asɛsɛ fɔfɔrɛ bo i kɔsu yo juma ni, yiri la Ghana dɛɛ Institute of Linguistics (GIL) ni. 1982 dɛɛ afɔ n nu, na bu akaaki i duma ni ayo i Ghana dɛɛ Institute of Linguistics, Literacy ni Bible Translation (GILLBT).

Bo i ni bɛrɛ la si na bu saŋga yo juma

[edit source]

GILLBT n toko la wofiɛ fa kɔ ni jumayo dika ni University of Ghana, ma ala bu Institute dɛɛ African Studies (IAS) jumayobiri ni, ama na bu kaaki nyini wofiɛ n ni Institute dɛɛ Adult Education ni, ni Department of Linguistics, ni Language dɛɛ Centre ni. Aniɛ barasum ni bu nasiriya kunnu jɔrɛ dɛɛ sɔnsɔn juma bo GILLBT ndɛɛ minɛm ayo bu, IAS nati fa bu fun aŋuma su yi bu fite na durunya kɛrɛ ŋu i a. GILLBT kaaki ti asɛsɛ bo i buka Wycliffe dɛɛ Global Alliance n su be wɔ.

ŋwa nyaari biri

[edit source] GILLBT nya i ŋwa fite awɔrɛm dɔŋgu nu, bɛrɛ la minɛm tiɛŋgu dɛɛ buka ni kukum na nsɔ asɛsɛm dɛɛ buka. I kaaki nya ŋwa fite sɔɔdaaribirim bo bu yo juma Accra ni Tamale ni, i kadasi boo juma nu.

Jumayo

[edit source]

Kɛrɛ ni kadasi kan ni kara kɔ

[edit source] GILLBT atara asɛsɛ nyiŋgam tambue ayo Complementary Basic Education dɛɛ kara kere juma ni bɛrɛ, bo wɔ ateke sara ŋgɔna afiɛn dɛɛ kara sɔnsɔn atin afa ama nbaatumam bo bu kɔ má nasara dɛɛ kara ni, adena bu fa bu tiɛŋgu nana aniɛ dɛɛ kara kere bu.