Wp/cko/Geoffrey Kini

Geoffrey Kini

human

Sex or gender	male
Country of citizenship	Ghana
Given name	Geoffrey
Family name	Kini
Date of birth	9 March 1971
Languages spoken, written or signed	English
Occupation	politician, businessperson
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana
Educated at	Evangelical Presbyterian University College
Member of political party	National Democratic Congress
Religion or worldview	Christian

Geoffrey Kini bu wuuri 1 January 1970. I ti Ghana politikifɔ wɔ na i buka MPim bo bu tɔɔsu mɔcuɛ su Ghana Palamenti ni. I ti Nkwanta South fɔm bo bu wo Oti Region MP wɔ na i ti NDC fɔ.

Diŋgɔɔ Bumboori ni Karakɔɔwa

Bu wuuri Geoffrey Kini i bɔsu wɔ, yiri la Bakpa New Town bo i wo Oti Region n wɔ Ghana asiɛn n su. Geoffrey Kini kɔɔ i Middle School Leaving Certificate (MSLC) 1985 dɛɛ afɔ n wɔ, na wɔ akɔ 2nd Division 1991 afɔ ni na wɔ akɔ anya i Bachelor's degree kadasi fa kɔ Human resource management (2nd Class Upper) nu 2017 dɛɛ afɔ ni. Wɔ akaaki awie kara n be akɔ anya kadasi fa kɔ Graduate (Conflict Peace and Security) 2020 dɛɛ afɔ ni.

Jumayoowa

Geoffrey Kini i ti chief executive officer (CEO) fa ma Kini Geoffrey a. I yoori juma ka managing director fa ma FairCom (A Database Technology Company) fite 1994 ba ju 2016. Kisa i yo MP juma wɔ Nkwanta South Constituency dɔ, bo i wo Oti Region ni Ghana asiɛn n su, NDC jaa nu.

Pɔlitiki Juma

Geoffrey Kini jinaari mbaa wɔ na wɔ adi 2016 NDC ŋuŋunu mbaatuwa ni Nkwanta South Constituency bo i wo the Oti Region ni Ghana asiɛn. Geoffrey Kini tɔɔri su kɔ diiri Nkwanta South Constituency MP biɛ n wɔ  Oti Region dɔ Ghana asiɛn n su 2016 dɛɛ Ghana jama kɛrɛ mbaa tuuwa ni, i diiri mbaa ni NDC duma nu wɔ, Fourth Republic of Ghana Parliament Nso su n nu, mbaa 21,691 ye i fa diiri biɛ n a, deke yaa nu 59.3% lɛɛ, nyini mbaa n ye i fa kumaari bo i ni yiri jinaari mbaa n a, yiri la Edusei Cephas Kujo NPP fɔ ni, i diiri mbaa 8,903 deke yaa nu 24.4% lɛɛ, Njonam Wisdom Wagya bo i jinaari i dɛɛ faŋga nu n gusu diiri mbaa 5,670 wɔ deke yaa nu 15.5% lɛɛ na Nyame Maxwell bo i ti CPP fɔ n adi mbaa 297 deke yaa nu 0.8% lɛɛ.

Geoffrey Kini kaaki jinaari mbaa 2020 NDC ŋuŋunu mbaatu n nu Nkwanta South Constituency bo i wo Oti Region ni, Ghana asiɛn n su, na wɔ adi mbaa 891 afa atara Richard Manuribe bo i diiri mbaa 189 ni. Na Geoffrey Kini akaaki akɔsu adi mbaa 2020 Ghana jama kɛrɛ mbaatu n nu, NDC duma nu  na wɔ abuka Fourth Republic of Ghana Parliament Mɔcɔɛ su n su ni mbaa  29,189 deke yaa nu 57.7% lɛɛ, na wɔ akuma  Sherifa Sekyere-Tijani bo i ti NPP fɔ na i diiri mbaa 20,272 ni, deke yaa nu 40.1% lɛɛ, ni Ograh Felix William bo i ti PPP fɔ na i diiri mbaa 1,127 ni, deke yaa nu 2.2% lɛɛ.

Asɛsɛm

Geoffrey Kini buka asɛsɛ n bo bu fere i ka Standing Orders Committee n su. I kaaki buka Fourth Republic of Ghana Parliament Mɔcɔɛ su n asɛsɛ n be bo bu fere i ka Communications Committee.

I Tiisu Jɔrɛ

Geoffrey Kini ti a Kristofɔ wɔ.