Wp/cko/Frimpong Yaw Addo

Frimpong Yaw Addo

human

Sex or gender	male
Country of citizenship	Ghana
Name in native language	Frimpong Yaw Addo
Given name	Yaw
Family name	Addo
Date of birth	2 September 1962
Place of birth	Manso
Native language	Asante
Languages spoken, written or signed	English, Asante
Occupation	politician, consultant, farmer
Position held	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana, Member of the 8th Parliament of the 4th Republic of Ghana, Deputy Minister of Food and Agriculture of Ghana
Educated at	University of Cape Coast
Work location	Central Region, Western Region
Member of political party	New Patriotic Party
Candidacy in election	2012 Ghanaian general election, 2016 Ghanaian general election, 2020 Ghanaian general election
Religion or worldview	Christianity

Frimpong Yaw Addo (bu wuuri i sara nŋɔna nu o lennyɔ cɛɛn afɔ 1962) o ti Ghana politiciɛn ni kun na o kaaki ti palimɛnti nzo minɛm Republic nna Ghana bo i ti citi cicifɔ jina ma Maso Daabia dɛɛ awɔrɛ Ashanti Region n nu na i ti NPP dɛɛ paati ni nufɔ. Cisa i ti minister tɔɔsufɔ fa ma Diire ni Dɔɔdɔri juma su.

Diŋgɔɔ bumboori ni karakɔɔwa

Bu wuuri Addo Mɔnɛ cɛɛn, 2 September 1962 Manso Gyeduako miɛn n bo i wo Ashanti Region ni. I nyaari i Bachelor of Arts degree fa kɔ Solciology nu ni Diploma fa kɔ English nu fiteeri University of Cape Coast wɔ 1990 afɔ ni. I kaaki nyaari Executive Masters certificate fa kɔ Conflict, Peace and Security nu fiteeri Kofi Annan International Peacekeeping Centre bo i wo Accra n wɔ.[2][3][8][9][10]

Jumayoowa

Addo yo tiiri Corporate Social Responsibility Department dɛɛ Manager a, Private Enterprise Foundation juma yoobiri n nu. I yo kaaki tiiri Social and Environment juma sifɔ fa ma Comptran Engineering a. Na wɔ akaaki ayo Environmental impact expect fa ma Transtel Consult. Yiiri yo kaaki tiiri programme's liaison officer fa ma National Democratic Institute fa kɔ International Affairs su a.[2]

Pɔlitiki juma

Addo ti NPP fɔ wɔ na i ti MP fa ma Manso Adubia Constituency bo i wo Ashanti Region ni.[8] Yiri tiiri i constituency MP cicirisu a saŋga bo i diiri mbaa 2012 Ghana fɔm mbaatu n nu ni. Na bu anya atu mbaa ama i bekun kpe nnyɔɔ ni kpe nsan su, yiri la 2016 ni 2020 Ghana fɔm mbaatu n nu ni.[2]

2012 mbaatu

Hon. Addo dumɔ jinaari mbaa Manso Adubia constituency MP biɛ n su NPP jaa nu wɔ 2012 Ghana fɔm mbaatu afɔ ni na wɔ adi ni mbaa 26,368 deke yaa nu 74.97% lɛɛ mbaa n kɛrɛ nɔ. Bu tuuri mbaa n maari yiri wɔ na bu ayaki  Benjamin Marfo NDC fɔ n bo i nyaari mbaa 8,326 deke yaa nu 23.67% lɛɛ, ni NDP dɛɛ sɔnɔ ni Obeng Appiah Collins bo i diiri mbaa  478 deke yaa nu 1.36% lɛɛ mbaa n kɛrɛ nɔɔ.[11][12]

2016 mbaatu

Bu tuuri mbaa maari Addo na wɔ adi  Manso Adubia constituency MP bekun New Patriotic Party duma nu saŋga bo Ghana fɔm tuuri mbaa 2016 ni, i diiri mbaa 24,074 wɔ deke yaa nu 69.86% lɛɛ mbaa n kɛrɛ nɔɔ. I diiri mbaa n yakiiri Benjamin Marfo bo i ti National Democratic Congress fɔ n wɔ, ni Isaac Bronya bo i ti Progressive People's Party fɔ ni, ni Adom Selina bo i gusu ti PNC fɔ ni. Bu nyaari mbaa 7, 112 ni 3, 092 ni 183 wɔ kabo bu duma tɔtɔsu ba ni, deke yaa nu bu ti 20.64% ni 8.97% ni 0.53% wɔ mbaa n kɛrɛ nɔɔ.[13]

2020 mbaatu

2020 jama mbaatu ni, Addo diiri MP biɛ n ni mbaa 17,652 wɔ deke yaa nu 38.8% lɛɛ mbaa n kɛrɛ bo bu tuuri n nɔɔ ama na NDC dɛɛ sɔnɔ ni,  Simon Kwaku Agyei adi mbaa 10,753 deke yaa nu 23.6% lɛɛ mbaa n kɛrɛ nɔɔ. Na Independent dɛɛ sɔnɔ ni,  Kofi Osei-Afoakwa gusu adi mbaa 17,149 dekw yaa nu 37.7% lɛɛ mbaa n kɛrɛ nɔɔ.[14][15][16]

I tanaari ni minɛ yifɔm asɛsɛ n wɔ 3 June 2021 nu na fiiti i, na fite nu casi ayo Deputy Minister for Agriculture.[1]

Addo buka Poverty Reduction Strategy Committee n su ni Environment, Science and Technology Committee ni.[2]

Tiisu jɔrɛ

I ti Kristofɔ wɔ na i la bara ni nbaam nnu.[2][8] I koro dɔdɔɔri ni baalɔ bo jɔrɛ.[3]