Wp/cko/Francis Asenso-Boakye

Francis Asenso-Boakye

human

Sex or gender	male
Country of citizenship	Ghana
Name in native language	Francis Asenso-Boakye
Given name	Francis
Family name	Boakye
Date of birth	24 September 1977
Place of birth	Maase
Languages spoken, written or signed	English, Asante
Occupation	politician, businessperson
Position held	Member of the 8th Parliament of the 4th Republic of Ghana, Minister of Works and Housing
Educated at	Kwame Nkrumah University of Science and Technology, Michigan State University
Member of political party	New Patriotic Party
Follows	Daniel Okyem Aboagye

Francis Asenso-Boakye (bu wuuri 24 September 1977) ti Ghana politiki yofɔ ni watadifɔ. I buka NPP parti su ɔ na i ti MP fa ma Bantama dɛɛ Mp awɔrɛ mbaatu bue bo i wo Ashanti Region Ghana. Yiri yo ti deputy Chief of Staff ni political Assistant fa ma Nana Addo Dankwa Akufo -Addo;Ghana Gomina. I yo yoori juma ka Minister fa ma Atinm wo nyini gomina ni.

I ŋgɔ ni i kara kɔ jɔrɛ

Bu wuuri i 24 September 1977 wɔ na i fite Maase bo i wo Ashanti Region ni Ghana fɛn lɛɛ.[5] Kana i ba wura politiki afiɛn bi, i yo ti sɔnɔ bo i tuuri ŋgoni fa maari NPP sanga bo i wo sukuli ni. I dɛɛ aniɛ nu ye NPP sukuli baam asɛsɛ bo bu fere i ka, TESCON koro kpamaari a.[6] Yiri yo yoori TESCON mɔfɔ cicirisu su a, sanga bo i wo sukuli Kwame Nkrumah University of Science and Technology (KNUST)

Kana i ba kɔ kara kpiri, Asenso-Boakye nyaari 'O' ni 'A' level fa fiteeri Osei Kyeretwie Secondary School ni Tweneboa Kodua Secondary School. Nyini sukuli nnyɔm kɛrɛ wo Ashanti Region wɔ.[7]Asenso-Boakye nyaari i digiri Kwame Nkrumah University of Science and Technology wieri ni, na wɔ tɔɔsu ayo i Master's digiri in Public Policy and Administration ka Rotary Scholar Michigan State University, Michigan USA lɛɛ.[8] Fa buka i kara kɔ si su, i la Certificate in Public Sector Management from Tulane University, Louisiana, USA.[[9]

Juma yoowam

Kana i ba buka Nana Addo Dankwa Akuffo- Addo kampen su, Asenso-Boakye adumɔ ayo juma Ministry of Employment and Social Welfare, Global media Alliance, Delta Acquisitions and Development, Delaware, USA, Michigan House of Representatives, Michigan, USA. I yo yoori juma ka sɛsɛ su fɔ wɔ Ghana Free Zones Board juma yoobiri, na wɔ ayo project maneja fa ma Tema Export Processing Zone. I tiiri risechi an

I yoori juma Ministry of Employment and Social Welfare na i buka deke bo bu dɔ koko na ma bu fa mbaatumam yo fie juma.[10]

Asenso-Boakye ti polisi risechi associate wɔ State Representative fɔm juma yoobiri, Michigan Legislative Black Caucus. Dɔ i yoori juma fa kɔ kabo bu yo na bu buka minɛ bilim Amerika asiɛn su ni taraka nyiŋgam.[11]

Sanga bo i kpieri nyin baari Ghana ni, Asenso-Boakye yoori juma maari Nana Addo Dankwa Akuffo Addo bo nyini sanga wɔ jina mba, na i ba diiri gomina wɔ. I juma yo

Politiki jumam

January 2017,Nana Addo Dankwa Akuffo Addo yiiri Asenso-Boakye ka political assistant ni Deputy Chief of Staff [13] fa ma Flagstaff House.[14][15][16] 2020 Asenso-Boakye diiri NPP Bantama primaries n wɔ. I boori Daniel Okyem Aboagye bo i wo biɛ n su n asi wɔ. Nyini maari i atin na i jina MP mba Ghana fɛn.[17][18][19] 2020 mba tu afɔ ni, i nyaari mba 88.84%, ni mba tuuwa n kɛrɛ lɛɛ. I yoori juma ka Minister of Works and Housing [20][21] i sin ye bu ba yiiri i ka Minister of Roads and Highways.[4]

Kɔmitiim

Asenso-Boakye buka Government Assurance Committee n su. I kaaki buka Lands and Forestry Committee n su.[5]

I tiɛŋgu ŋgɔ jɔrɛ

Asenso-Boakye la bara ni mbaam nzan.[22]

I ti kristo fɔ wɔ.[5]