Wp/cko/Daniel Botwe

Daniel Kwaku Botwe (bu wuuri i February 26, 1958 wɔ) i ti Ghana pɔlitikifɔ wɔ. I yo ti  Okere constituency bo i wo Eastern Region n MP wɔ Ghana asiɛn.[4] Na wɔ ayo Information and National Orientation Ministr saŋga bo John Agyekum Kufour tiiri gomina ni  na wɔ akaaki ayo Regional Reorganization and Development ni Local Government, Decentralisation and Rural Development Minister, Nana Akufo-Addo dɛɛ cicirisu ni kpennyɔsu gomina n saŋga ni.

Diŋgɔɔ Bumboori ni Karakɔɔwa

Bu wuuri Dan Kwaku Botwe February 26, 1958 wɔ, miɛn n bo bu fere i ka Abiriw-Akuapem n su wɔ, na i wo Eastern Region Ghana asiɛn n su ni. I fite Abiriw Akuapem wɔ. I kɔɔri bumboori  kara Presbyterian Primary ni Middle Schools  Mabang miɛn n nu wɔ, Ahafo-Ano District bo i wo Ashanti Region ni. I nyaari i GCE Ordinary level kadasi fiteeri Kumasi Academy wɔ ni GCE Advanced level kadasi 1977 afɔ ni afite Achimota School. I nyaari atin kɔɔri kara kpiri Kwame Nkrumah University of Science and Technology na i kɔ sɔnsɔn Bachelor of Science degree fa kɔ computer science nu.

Jumayoowa

1985 dɛɛ afɔ ni, na bu afa Dan Botwe juma Ghana Cocobod dɔ ka i yo computer analyst. I yoori juma dɔ wɔ haari 1993 dɛɛ afɔ ni, na wɔ anya bo i bu su yo i tiɛngu juma. Bu yo yiiri i ka i yo director fa ma Danmaud Limited, bo i ti  private company wo Accra dɔ ni.