Wp/cko/Chereponi District
.png)
| Continent | Africa  |
|---|---|
| Country | Ghana |
| Capital | Chereponi |
| Located in the administrative territorial entity | North East Region |
| Coordinate location | 10°10′0″N 0°20′0″W, 10°8′3″N 0°17′17″E |
Chereponi District Chereponi dɛɛ District n buka distiriki nsenm bo bu wo wiɛ afiirisu dɛɛ awɔrɛ n nu wɔ, Ghana fɛn.[1] Bomboori ni, i bukaari Saboba-Chereponi dɛɛ distiriki n su wɔ. Nyini ti, bu yo tiiri distiriki banbaka kun wɔ fa kɔ afɔ yaa akpi buru ni ŋgɔna ni aburamɔcuɛ ni mɔcuɛ (1988) saŋga. Bu yo kpiɛ yiiri nyini distirikim fiteeri East Dagombas dɛɛ District Council n nu wɔ bo bu wo wiɛ afiirisu dɔ ni. Fa i nyini saŋga n fa kɔ ju haari Jomana Asimbaa sara nu, i cɛɛn aburannyɔ ni ŋgɔna ni afɔ yaa akpi aburanyɔ ni yaa mɔcuɛ (29th February, 2008) dɛɛ saŋga n ye bu kpaaki yiiri bu ŋu a, na Saboba distiriki n aka i ŋgumi (fa kɔ kisa sɔ, Saboba yiri toko buka Northern Ghana dɛɛ awɔrɛm su).[2]
Chereponi District n juma yoobiri n wo Chereponi asiɛn n su fa kɔ Southeast dɛɛ bue n aŋgoro su. Chereponi miɛ n bo i wo Northeast n dɛɛ bue ni ti i distiriki n miɛ kpiri a.Fa ju nyuma sɔ, Chereponi District n damawa kekereke kɛrɛ la i atin jɔrɛ wɔ. Nyini atin n la bo i da fite Chereponi fa kɔ ju Yendi ni. Nyini atin saakiwa n ama dɔdɔɔrifɔm koro fa má bu gɔɔri kɔ má miɛ kpiri su, na bu minɛm gusu koro tu má atin kɔ má miɛ kpiri su.
Ya su wurá jama ni durunya awɔrɛm kɛrɛ asui, ma a la pɔlitiki nkontikim, adena bu koro tu ya atin n ŋgondi wara bu kpini nyini damawa n atin bo i koro buka Chereponi District n ni Ghana asiɛn n kɛrɛ.