Wp/cko/Charles Agbeve
| Sex or gender | male  |
|---|---|
| Country of citizenship | Ghana |
| Given name | Charles |
| Date of birth | 21 July 1970 |
| Languages spoken, written or signed | English |
| Occupation | politician, physician |
| Position held | Member of the 7th Parliament of the 4th Republic of Ghana, Member of the 8th Parliament of the 4th Republic of Ghana |
| Educated at | University of Cape Coast, University of Ghana, University of Cape Coast |
| Member of political party | National Democratic Congress |
| Religion or worldview | Christianity, Christian |
Charles Akwesi Agbeve(bu wuuri 21 July 1970 dɛɛ afɔ ni) ti Ghana Politiki yofɔ wɔ na i buka parliamenti mɔcuɛ su bo i wo Republic nna n nu a,na wo ajina ama Agotime-Ziope MP m dɛɛ mbaatu awɔrɛ bo i wo Volta Region ni,na i faari NDC dɛɛ parti n su ni.[1]
Diŋgɔɔ Bumboori ni Karakɔɔwa
[edit | edit source]Bu wuuri Charles Agbeve miɛn n bo bu fere i ka Ziope Honugo na i wo Volta Region ni su a Ghana asiɛn n su. Charles Agbeve diiri niɛniɛyoowa n bo bu fere i ka Common Entrance Examination n wɔ 1982 dɛɛ afɔ ni, nyini dɛɛ ti na wɔ anya i Ordinary Level kadasi 1987 na wɔ anya Advanced Level gusu kadasi 1989. Na wɔ atakasu anya i Bachelor of Science(Bsc) ni Maths Diploma fa kɔ Education nu 1995 afite University of Cape Coast. Charles Agbeve kɔɔri su kɔ nyaari i Master of Business Administration – Finance Option (Health Insurance) 2002 wɔ, i nyaari nyini kadasi n fiteeri University of Ghana, Legon wɔ Ghana fɛn. Charles Agbeve kaaki nyaari i Master of Arts kadasi fa kɔ Economic Policy Management nu wɔ fite 2017 ba ju 2018.[2]
Jumayoowa
[edit | edit source]Charles Agbeve tiiri Maths ni Science kerefɔ wɔ Ghanatta Senior High School karayoobiri dɔ. Charles Agbeve akaaki ayo Commercial Manager juma fa ma Ghana Alumnium Products Limited. Wɔ akaaki ayo District /Municipal Manager fa ma National Health Insurance Authority, Ho Municipal Office fite 2009 ba ju 2016. Kisa Charles Agbeve juma bo i yo i la MP juma wɔ, yiri ti Agotime-Ziope Constituency n MP a, fite 2021 ba ju 2025.[3]
Pɔlitiki Juma
[edit | edit source]2015 dɛɛ afɔ ni, Charles Agbeve jinaari mbaa na wɔ adi NDC ŋuŋunu mbaatuwa ni Agotime-Ziope Constituency bo i wo Volta Region dɔ Ghana lɛɛ. Charles Agbeve kaaki diiri NDC MP biɛ n wɔ i bɔsu mbaatu awɔrɛ n nu 2016 Ghana fɔm mbaatu afɔ ni, dɔ na wɔ abuka Fourth Republic of Ghana Parliament Nso su n su.[10][11][12] I kaaki faari mbaa 19143, deke yaa nu 87.80% lɛɛ,[13] fa diiri biɛ n bekun wɔ 2020 Ghana fɔm mbaatu afɔ ni, NDC jaa nu na wɔ abuka Parliament Mɔcɔɛ su n su, Mɔcɔɛ su ni toko wo su ba ju 2025 n a.
2019 dɛɛ afɔ ni, yiri ni i lamɔkɔ MP nbem, tuuri atin kɔɔri Tepa miɛn n su na bu akɔ aniɛ Kumawu Sekeyere District Hospital ni Fomena District Hospital bo bu ayaki bu aji mgbɛɛ na bu yo má juma bu nu kun ni, nyini dɛɛ ti na bu ase ka wɔ ayo daka ka gomina n fa i sunsuni kɔ nyini laifiɛ awurum su.[4]
Asɛsɛm
[edit | edit source]Charles Agbeve buka asɛsɛm n bo bu fere bu ka Government Assurance Committee ni Health Committee bo bu wo Fourth Republic of Ghana Parliament Mɔcɔɛ su n nu n su.[5]
Akuruwam ni Jɔrɛdi
[edit | edit source]MP Charles Agbeve yo seeri IGP George Dampare ka i fiiti na i si sa bo i yo maari polisi be boori sɔnɔ be bo i wo i afɔ abulasan nu haari i ba fuuri i ŋgɔɔ ni.[19] Saŋga bo yiri n bo wɔ awo má bɛrɛ, yiri la Felix azibodzi, n minɛm kanri kabo bu tarari ka bu bisa i jɔrɛ fa kɔ loori fin sa mgdɛɛ bo i yo kɔɔri su Ho dɔ ni, ye Charles Agbeve kanri ahin jɔrɛ n a.
Tiisu Jɔrɛ
[edit | edit source]Charles Agbeve ti Kristofɔ wɔ.[6]