Wp/cko/Bryan Acheampong

Bryan Acheampong

human

Sex or gender	male
Country of citizenship	Ghana
Given name	Bryan
Family name	Acheampong
Date of birth	27 November 1972
Place of birth	Ghana
Languages spoken, written or signed	English
Occupation	politician, consultant
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana
Educated at	Johnson & Wales University, Providence, University of Ghana
Member of political party	New Patriotic Party
Religion or worldview	Christianity

Bryan Acheampong (bu wuuri i 27 November 1972 wɔ) i ti Ghana pɔlitikifɔ wɔ ni watadifɔ ni sɔnɔ bo i buka minɛ saŋga kɛrɛ. I tiiri MP fa maari  Abetifi Constituency Ghana asiɛn n awɔrɛ n bo fere i ka Eastern Region ni fite January 2017. I ti NPP fɔ wɔ na i yo tiiri Food ni Agriculture Minster a fite  February 2023 ba ju January 2025.

Diŋgɔɔ Bumboori ni Karakɔɔwa

Bu wuuri Acheampong miɛn n bo bu fere i ka Suhum n wɔ ama na i bɔsu la Nkwatia bo i  Kwahu East District, Eastern Region lɛɛ, Ghana asiɛn n su. I boori karakɔ bu kara yoobiri n bu fere i ka Achimota Primary School n wɔ  na wɔ atɔsu akɔ Presbyterian Boys' Secondary School, Legon (PRESEC). I ba yoori i asiɛn buka afɔ kun juma n wieri ni, na wɔ ayi i ka buka ayiika awuru bo bu fere i ka Tom-ni orphanage na i wo Kwahu Obom ni.

Acheampong nyaari Bachelor of Business Management ni Master of Business Administration (MBA) kadasi fiteeri Johnson and Wales University wɔ nasaram asiɛn n bo bu fere i ka United States n su. Kasin na wɔ akɔ kara bekun akɔ ayo PhD fa kɔ Information Systems, kara yoobiri kpiri n bo bu fere i ka University of Ghana na wɔ akaaki asɔnsɔn postgraduate kara fa kɔ security ni law ni intelligence.

I kaaki la si kadasim bo i koro buka Security Institute su ni Association fa kɔ  Information Systems su. I la Postgraduate Diploma kadasi fa kɔ Law nu ni LLM fa kɔ Professional Legal Practice su bo i fite University of Law, UK. Kisa, wɔ kaaki su sɔnsɔn  kara fa kɔ Post-call programme, Ghana School of Law karayoobiri dɔ.

Acheampong kaaki la Master of Professional Studies (MPS) kadasi fa kɔ Applied Intelligence, i nyaari Georgetown University, USA wɔ ni Master of Arts (MA) fa kɔ Security and Intelligence bo i fite University of Leicester, UK, kisa i su yo PhD fa kɔ Security and Intelligence karayoobiri n bo bu fere i ka University of Buckingham nu.

Juma yoowa ni Wata dii

Acheampong abo wata barasu dɔŋgu bu bo yiri kaaki niɛ bu su a, awɔrɛ dɔŋgu nu. Bu nbem la labari ma dɛɛ technology, ni wɔfɔ dee, ni labari maabiri, ni awurum kpam. Technology dɛɛ jumayobiri n nu, yiri boori INTU-IT bu a. I ti tech asɛsɛ be bo i yo bulari jenjere su dekem. Bɛrɛ la Electronic Payslip, ni Electronic Salary Payment Voucher (eSPV), ni Third Party Reference System (TPRS), ni e-Travel Card bo minɛm kɛrɛ bo yo gomina juma wara bu tiɛŋgu juma fayo bu juma.

Wɔfɔm deebiri n gusu nu, yiri ti Rock City Hotel n fɔ a. I ti wɔfɔ deebiri awɔrɛ banbaka bo i wo the Eastern Region of Ghana wɔ. Wɔfɔm deebiri n akun kpɛrɛ dɔŋgu ama ayumbaa kɔrɛsi jumayobiri, na wɔ akaaki ama minɛ dɔŋgu anya nkatɔ juma yo.  

Acheampong kaaki kpamaari Republic Media a,  ni Emery Investments kɛrɛ. bu juma yoowam la bu fa jɔrɛ wara labari fun aŋuma su, ni ajɛkɛ bukasu jumam kɛrɛ.

2016 dɛɛ afɔ n nu, I toori Okwawu United F.C. bo i ti Ghana fɛn dɛɛ pintiri boo asɛsɛm be n wɔ. Nyini toowa n buka i ŋgondi tu su fa kɔ kabo i koro buka na pintibi boo kɔkɔrɔ n kɔ i nyunu bukasu. I wata jumam gusu abuka beberebe akoro ateke juma fa atinm bo minɛ aya juma yo. Bo bu adi nyini juma fa n kpɛrɛ kaba la I tiɛŋgu bɔsu fɔm wɔ.