Wp/cko/Bernice Adiku Heloo

Bernice Adiku Heloo

human

Sex or gender	female
Country of citizenship	Ghana
Given name	Bernice
Date of birth	24 September 1954
Place of birth	Hohoe
Date of death	25 December 2024
Languages spoken, written or signed	English
Occupation	politician, consultant
Position held	Member of the 7th Parliament of the 4th Republic of Ghana, Member of the 6th Parliament of the 4th Republic of Ghana
Member of political party	National Democratic Congress
Religion or worldview	Christianity

Bernice Adiku Heloo (Bu wuuri i 24 September 1954 wɔ na wɔ ayo Nyɛmɛ dɛɛ 25 December 2024) i yo ti Ghana pɔlitikifɔ wɔ bo i tiiri MP fa maari Hohoe Constituency.

Diŋgɔɔ Bumboori ni Karakɔɔwa

Bu wuuri Heloo Hohoe wɔ, bo i wo Volta Region, Gold Coast. Baawu cɛɛn n la 24 September 1954, i wufɔm la Rev. E. T. Adiku ni Comfort Adiku.

Heloo kɔɔri  Mawuli School ni OLA Girls' Secondary School, bo i wo Ho n wɔ. I nyaari BA kadasi fa kɔ nyɛmɛsu atinsu ni MPhil kadasi fa kɔ anyunutifɔm karayoowa su afite University of Ghana. I kaaki nyaari M.Ed. kadasi fa kɔ anyunutifɔm karayoowa su ni literacy for rural development kadasi gusu afite University of Manchester. I nyaari i doctorate degree fa kɔ political economy su fiteeri Swiss Management Center University wɔ.

Jumayoowa

Heloo i ti asɛsɛ n bo bu fere i ka Society For Women and AIDS Africa nu m mɔɔ fɔ bo wɔ afite nu kisa a, yiri boori Prolink bu a, i ti NGO bo i  wo Ghana asiɛn n su wɔ. Kasin ye i ba yoori MP fa maari Hohoe constituency a.

Pɔlitiki

MP Juma

Heloo yo buka MPm bo bu gomina tana má biɛ n su na bu sunu má n su wɔ  4th republic of Ghana parliament Nsɛn ni Nso su ni. Yiri yo tiiri Hohoe bo i wo Volta Region n MP a, fite January 7, 2013, ba ju January 2021. I diiri biɛ n kpennyɔ wɔ.[5] Saŋga bo i tiiri Hohoe Constituency MP ni, Heloo jarakiili Republic of Ghana gomina, Nana Addo Dankwa Akufo-Addo, fa kɔ kabo wɔ akan má jɔrɛ be saŋga bo bu taraari Takoradi nbaabaram fiɛɛri 2019 afɔ ni, cɛɛn n bo yiri gomina n faari i nɔaniɛ maari asiɛn n minɛm ni.

2012 mbaatu

Hon. Heloo jinaari mbaa Hohoe constituency MP biɛ n su wɔ Volta Region dɔ lɛɛ, NDC jaa nu 2012 Ghana jama kɛrɛ mbaatu ni na wɔ afa biɛ ni, i diiri mbaa 40, 486 wɔ 81.58% lɛɛ mbaa n kɛrɛ nɔɔ. I kumaari bo i ni yiri jinaari mbaa n wɔ, yiri la Obro- Adibo Janet Einefa bo i ti NPP fɔ ni, ni Agbenorwosi Rich- Doh PPP fɔ, ni Cecil- Rhodes Dodge PNC fɔ ni Kutuadu Beauty bo i ti CPP fɔ ni. Bu kɛrɛ diiri mbaa 6, 358, ni 2, 462, ni 193 ni 129 kabo bu duma tɔtɔsu ni. I kɛrɛ seseewa tiiri 12.81% ni 4.96% ni 0.39% ni 0.26% mbaa n kɛrɛ nu kabo bu duma tɔtɔsu ni.