Wp/cko/Bernard Ahiafor
| Sex or gender | male  |
|---|---|
| Country of citizenship | Ghana |
| Given name | Bernard |
| Date of birth | 6 February 1973 |
| Place of birth | Volta Region |
| Languages spoken, written or signed | English |
| Occupation | politician, lawyer |
| Position held | Member of the 7th Parliament of the 4th Republic of Ghana, Member of the 8th Parliament of the 4th Republic of Ghana |
| Educated at | Ghana School of Law, University of Ghana |
| Member of political party | National Democratic Congress |
| Religion or worldview | Christianity, Christian |
| Educational stage | University of Ghana, Ghana School of Law, Keta Senior High Technical School, Abor Senior High School, Ghana Insurance College |
Bernard Ahiafor ( bu wuuri nasara sara nnyo su cɛɛn nzɛn nu 1973 dɛɛ afɔ ni )ti Ghana politiki yofɔ ni MP fa ma Akatsi south Kɔnstituesi bo I wo Volta Region ni fa faari National Democratic Congress (NDC) n dɛɛ parti ni su a.[1]
Tiisu Jɔrɛ ni Karakɔɔwa
[edit | edit source]Bernard Ahiafor fite Atidzive wɔ. I nyaari O-Level kadasimat fiteeri Abor Senior High School wɔ, na wɔ anya i bachelor's degree afite University of Ghana.[4][5] I ti Kristofɔ wɔ.[6] I nyaari PROF. LAW COURSE fiteeri GHANA SCH. OF LAW wɔ, na wɔ anya Diploma fa kɔ Applied Insurance nu afite Ghana Insurance College, na i ADVANCE LEVEL afite KETA SEC. SCHOOL, na i MIDDLE SCH afite AKATSI R.C. MIDDLE SCH ni ATIDZIVE L/A MID. SCH ni ATIDZIVE R.C. PRIM. SCH.[2]
Pɔlitiki
[edit | edit source]Ahiafor ti NDC fɔ wɔ, yiri tiiri Akatsi South bo i wo Volta Region MP a Fourth Republic of Ghana Parliament Nsɛn su ni Nso su ni Mɔcɔɛ su n su. [3]
2012 mbaatu
[edit | edit source]Ahiafor yo jinaari mbaa fa ma Akatsi South constituency MP biɛ n su NDC jaa nu saŋga bo tuuri mbaa kpennyɔsu 2012 ni, dama bo i tiiri MP n ayo parliament Biɛnutanafɔ Fourth Republic of Ghana Parliament Nsɛn su n nu, yiri la Hon. Edward Doe Adjaho. Mbaa 12, 079 ye bu tu maari i a, mbaa n kɛrɛ nɔ.[4]
2016 mbaatuwa
[edit | edit source]Bu kaaki tuuri mbaa maari Hon. Bernard Ahiafor wɔ na wɔ atana Akatsi South constituency biɛ n su bekun NDC jaa nu saŋga bo Ghana fɔm tuuri mbaa ni, i diiri mbaa 16,916 wɔ deke yaa nu 56.34% lɛɛ. Bu faari biɛ n maari yiri wɔ na bu ayaki Evans Gadeto Djikunu bo i jinaari i dɛɛ faŋga nu ni, ni Leo-Nelson Adzidoga bo i ti New Patriotic Party fɔ ni, ni Ametame Japheth bo i ti Progressive People's Party fɔ n ni Andreas Kwabla Avorgbedor bo i gusu ti Convention People's Party fɔ ni. Bu nyaari mbaa 11,976 ni mbaa 850 ni mbaa 233 ni mbaa 50 kabo bu duma tɔtɔsu ba ni, deke yaa nu bu nyaari 439.89% ni 2.83% ni 0.78% ni 0.17% mbaa n kɛrɛ nɔ, kabo bu duma tɔtɔsu ba ni.[5]
2020 mbaatuuuwa
[edit | edit source]Hon. Bernard Ahiafor kaaki jinaari mbaa Akatsi South (Ghana parliament constituency) MP biɛ n su wɔ National Democratic Congress jaa nu 2020 Ghana fɔm mbaatu n nu na wɔ anya mbaa 31,624 na wɔ adi biɛ ni, mbaa diiwa n deke yaa nu 83.71% lɛɛ mbaa n kɛrɛ nɔɔ. I diiri MP biɛ n yakiiri Leo-Nelson Adzigdogah bo i ti New Patriotic Party fɔ na i diiri mbaa 5,550 ni, deke yaa nu 14.69% lɛɛ, ni Convention People's Party fɔ, Atsa Maxwell Kwame Nana, mbaa 360, 0.95% lɛɛ ni NDP dɛɛ sɔnɔ ni, Sanusi Murana, mbaa 245, 0.65% lɛɛ mbaa n kɛrɛ nɔɔ.[9][10][11]
2024 mbaatuwa
[edit | edit source]Ahiafor jinaari mbaa bekun wɔ Akatsi South (Ghana parliament constituency) MP biɛ n su National Democratic Congress jaa nu (Ghana) 2024 Ghana fɔm mbaatu n saŋga. I faari mbaa 30,268 diiri biɛ n a deke yaa nu 88.69% lɛɛ mbaa n kɛrɛ nɔɔ, na New Patriotic Party's dɛɛ sɔnɔ ni Egos Mawuli Ocloo adi mbaa 3,399 deke yaa nu 9.96% lɛɛ mbaatuwa n kɛrɛ nɔɔ. Na Dzameshi Donald Brown bo i ti Progressive Alliance for Ghana ni adi mbaa 461, deke yaa nu 1.65% lɛɛ mbaa n kɛrɛ nɔɔ.[12]
Biɛnutanafɔ Tɔsufɔ Cicirisu
[edit | edit source]Parliament paati minɛ bo bu sunu yiiri Ahiafor ka i yo Ghana Parliament Ngɔna su n Biɛnutanafɔ Tɔsufɔ Cicirisu.[13]