Wp/cko/Alex Tetteh Djornobuah

Alex Tetteh Djornobuah

human

Sex or gender	male
Country of citizenship	Ghana
Given name	Alex
Date of birth	27 April 1972
Languages spoken, written or signed	English
Occupation	politician, accountant
Position held	Member of the 7th Parliament of the 4th Republic of Ghana, Member of the 8th Parliament of the 4th Republic of Ghana
Educated at	Takoradi Technical University
Academic degree	master class, certificate, project executive, Doctor of Business Administration
Residence	Somanya
Member of political party	New Patriotic Party
Candidacy in election	2016 Ghanaian general election, 2020 Ghanaian general election
Religion or worldview	Christianity

Alex Tetteh Djornobuah bu wuuri 27 April, 1972. I ti Ghana politikifɔ wɔ. I ti Deputy Minister fa ma Western North Region. I ti MP fa ma Sefwi - Akontombra fɔm bo bu wo Western North Region. I ti NPP fɔ wɔ.

Yiri boori ajakpiɛn a na bu ayo Wiawso-Akontombra atinŋgbere n a. Nyini atin n ye gomina nyiŋga dawa n yaakiri i n a.

Pɔlitiki yoowam

Alex Tetteh Djornobuah ti New Patriotic Party fɔ wɔ, na yiri ti ɛmpi jina fa Sefwi-Akontombra constituency fɔm a, bo yiri mmɔɔ buka Nsosu ni Mɔcɔɛsu dɛɛ Parliament fɔm su, ahin Nnasu dɛɛ Ghana Republic n nu ni.

2016 afɔ n Mbaatuuwa

Djornobuah jinaari Sefwi-Akontombra constituency fɔm dɛɛ parliamentary biɛ ni mbaa, New Patriotic Party n dɛɛ alaka su, 2016 afɔ n Ghanafɔm jama kɛrɛ mbaatuuwa n saŋga, na wɔ adi bo i mbaa kɔ yasuuri 11,922 na i jina 42.98% mbaa  kaanwa n kɛrɛ bosu. Yiri diiri nyini mbaa n bo i ni Kenneth Yeboah bo i ti National Democratic Congress paati fɔ n kɛrɛ tuuri i ŋgondi n a. Yiri Kenneth n nyaari  mbaa 11,626 bo i jina 41.92% mbaa kaanwa n kɛrɛ bosu, na Independent parliamentary paati n dɛɛ sɔnɔ n bo bu fere i ka Herod Cobbina n anya 4,108 mbaa, bo i jina 14.81% mbaa kaanwa n kɛrɛ bosu, na sɔnɔ n bo i jina maari Convention People's Party fɔm na bu fere i Awini Salifu n anya 81 mbaa bo i jina 0.29% mbaa kaanwa n kɛrɛ bosu.

2020 afɔ n Mbaatuuwa

Djornobuah diiri ɛmpi n bekun wɔ fa ma Sefwi-Akontombra constituency fɔm, New Patriotic Party fɔm dɛɛ alaka n su fa kɔ 2020 afɔ n dɛɛ Ghanafɔm jama kɛrɛ dɛɛ mbaatuuwa n saŋga na wɔ anya mbaa 17,976 bo i jina 54.88% mbaa kaanwa n kɛrɛ bosu. I taraari Issah Mumuni bo i ti National Democratic Congress fɔ mbaa, yiri nyaari mbaa 14,553 bo i jina 44.43% mbaa kaanwa n kɛrɛ bosu, ni GUM paati n dɛɛ sɔnɔ n bo bu fere i Bright Ofori n anya mbaa 224 bo i jina 0.68% mbaa kaanwa n kɛrɛ bosu.