Jump to content

Wp/chn/lilu

From Wikimedia Incubator
< Wp‎ | chn
Wp > chn > lilu
saliks ukuk lakit lilu, pi ɬaska tiki məkʰmək iɬwəli.

lilu (Canis lupus), ixt x̣ələl-ikta ukuk. ixt lilu manaqi-hayash pi ixt kamuks əbə ixt t'alapas. lilu ɬaska məkʰmək iɬwəli, pi ɬaska tiki ɬatwa-nanich hayash x̣ələl-ikta kakwa mawich, mulak pi musmus. pus wik ɬaska t’ɬap hayash x̣ələl-ikta, ɬaska məkʰmək ikta kakwa lisap, k’wichədi, xulxul, ulq’ pi ulali. ixt-ixt lilu ɬaska munk-miməlust pʰlum-upʰuch. hayu tənas-lilu ɬaska miɬayt kʰanumakwst ɬaska mama-lilu. anqati lilu pi tilixam ɬaska chaku-shiksh, pi lilu chaku kʰamuksh. kʰanumakwst lilu pi t’alapas ɬaska munk tənəs pus ɬaska tiki.

ixt-ixt, qʰənchi shayim pi lilu ɬaska t’ɬap ixt miməlust x̣ələl-ikta pus məkʰmək, ɬaska chaku-saliks. hayu tʰaym, ukuk itsx̣ət yaka mamuk-miməlust lilu pi alta yaka məkʰmək uk lilu. wik-saya wik-qʰənchi lilu yaka tulu.