Wp/cak/Taq Ronx

Janila jebël rub’onil ri taq ronx,

kan achi’el rub’onil ri achi’,

Käq, käq, käq, käq, käq, käq, käq, käq,

Kan njub’un, achi’el k’a awixla’ riyït.

Jab'ël ok ri taq ronx.

Ri qak’aslemal achi’el k’a jun taq ronx,

Ruma’ k’a k’o ruk’ixal, chuqa kan janila jeb’ël,

Chuqa’ xa jub’a ok kik’aslemal chuwächulew,

Yalan kan jeb’ël ok ri taq ronx chuqa’ jalajöj nik’atz’in wi.

Ri taq nsipax ri ronx kan k’iy ntel wi,

Ri taq k’ojola’ kan kisipaj ri i taq ronx chile ri taq kimetz’,

Kan kicha’ taq k’a ruxila’ chuqa’ jebël ok taq rub’onil,

Ruma k’a ri ti taq kimetz’ kan janila k’a ntel kik’u’x.  

Ri taq achi’a’ chuqa’ kan nkisipaj ri taq ronx chike ri kik’ulaj

Ri taq ronx yalan kan nïm ruq’ij chikiwäch taq winaqi’,

Ri loq’oläj Ajaw kan jeb’ël xi’on ka chile ri taq ronx,

Chuqa’ ka nana’ na wi toq akuchi nasipaj wi ri taq ronx.

Achike k’a ruma janila kan janila’ na taq kixila’ taq ronx,

Toq nasäq kixila’ taq ronx kan janila k’a jeb’ël nana’,

Nkib’ij k’a richin ri taq ronx yalan k’a ruk’aslemal jun q’opoj,

Ri taq q’opoji’ yalan k’a achi’el taq ixtani’ kan yejeb’ël ok.