Wp/cak/Samajela’ rik’in ri tuj

From Wikimedia Incubator
< Wp‎ | cak
Wp > cak > Samajela’ rik’in ri tuj

Qetaman kiwäch jalajöj taq ixoqi’ chuqa taq nan ri yesamäj rik’in ri ruq’aq’al rituj.  K’o nikib’ij k’exelom, chuqa e k’o ri ni ki b’ij eyoma’ chike. Xa b’i achike na ki b’i niqab’ij chike ütz, janila k’atzinel kisamaj chupam qak’aslem chuqa’ chupam ri maya’ aq’omanïk. Ruma kisamaj rije’ öj k’iy chiqe röj alaxnäq rik’in utzil. E k’iy ak’wala’ ekik’ulun, chuqa’ ekaqoman k’ïy ixoqi’ chupam ri tuj.

Ri k’exeloma´ chupam ri tinamit chi Xot, nikik’uaj rub’eyal rik’in ri tuj kik’in ri ixoqi’ koyob’en ak’wal, toq k’a majani naläx ri ak’wal yetok rik’in ri te’ej pa tuj richin nikib’an utzil ri ak’wal chuqa richin nimeq’e’ ru ch’akul ri te’ej, richin toq naläx ri ak’wal nik’oje rupam tz’umaj. Taq naläx ri ak’wal chuqa’ ni ki b’än rub’eyal richin natinisäx ri ak’wal chuqa ri te’ej richin nich’ojb’irisäx ri ak’wal, chuqa richin nimeq’ekan rute’ rupam ri te’ej.

Ruxotal tuj

Chuqa ri tuj nokusäx richin nijek’ ki pam ri ixoqi’ chuqa ri achia’ toq niqa kipam, ye’okuxax pa tuj k’a ri’ ni jek’ kipam richin yek’achoj ri winaqi’. Chuqa ek’o ri nikitzijob’ej chi taq kan k’ayewal rub’anon jun winäq taq xujal’ ri’ rub’aqil, ye okusäx pa tuj richin nimeq’e ruch’akul, ke r’i man kan ta nuna’ ruq’axowen k’a ri’ nijek’ rub’aqil richin nik’achoj.

Jalajoj rub’eyal’ kik’ulun kisamaj ri k’exeloma’, e k’o kik’ulun roma ri kati’t chuqa kite’ nisamaj rik’in ri tuj chuqa yekik’ul ak’wala’ taq yealäx, chuqa e k’o ri nikib’ij chi k’o achik’ xyolox chike akuchi nik’ut chi kiwäch ri kisamaj, chuqa e k’o ri nikib’ij chi ruma’ k’o jun ketal’ kik’amum pe chupam kich’akul’, chuqa e k’o ri nikib’ij chi toq xe’aläx ri k’exelom xk’ulun kichin xub’ij kan jumul kisamaj.

Janila’ nïm ruq’ij kisamaj ri k’exeloma’ chupam ri jalajöj tinamit, chuqa’ janila’ nïm kisamaj nikib’än chupam rijalajöj ri k’aslemal qichin röj winaqi’, k’ïy ruxe’el kisamaj kik’amompe, pa qitzij man qetaman ta akuchi’ xtz’ukutäj pe kisamaj, po janila’ k’atzinel. Wakami niqatz’ët ruk’ayewal roma man e k’ïy ta chïk ri ixoqi’ ye samäj chupam re jun samaj re’. Chupam ri kaxlan tijonïk ri ixoqi’ nikib’an re jun samaj re’ man niyo’ox ta ruq’ij, chuqa man niya’oxta rajil kiq’ij roma kisamaj nikib’än.

Nik’atzin chi niqaya’ ruq’ij kisamaj, chuqa niqetamaj chi maxajanila’ nïm ruq’ij kisamaj. Ustape’ ri kaxlani’, ri k’amol taq b’ey, ri aq’omanela’ chupam ri kaxlan na’oj man nikiyata’ ruq’ij kisamaj. k’atzinel chi röj niq’etamaj chi ri kisamaj ruk’wan ajowab’äl’, ruk’wan na’oj, ruk’wan rejqalem jalajöj taq etamanïk kik’amo pe kik’in. Wi roj man ni qaya ta’ ruq’ij kisamaj man achike ta xtiya’on ru q’ijul ki samaj.

Kan q’etzij na wi chi oj ik’winäq chupam jalajöj taq tanaj chupam ruk’aslemal ri maya’ tinamït, jari’ rub’anon chi eq’al, chi eq’al niqamestaj kan qab’anob’al richin niqatz’ët apo kib’anob’al ri julëy chïk winaqi’ man e maya’ ta. Oj k’ïy nape’ chupam jalajoj taq na’oj akuchi jantape nikajo’ nikichup ruwäch ri qab’anob’al, qatziaqb’al, qatzij, qana’oj, ronojel ri kitikon kan ri qati’t qamama’, nik’atzin niqajäq runäq qawäch richin ni qatz’ët pa rub’eyal ri nib’anatäj.

wakami k’a k’o na jalajöj taq na’oj niqatz’ët chuqa qak’ulum kan pa kiq’a’ ri ojer taq winaqi’, wi röj man xtiqaya’ ta chïk ruq’ij, ri chuwa’q kab’ij apo. Toq xtiqatz’ët yan chïk, choj xtitz’ib’atäx kan pa taq wuj, xtelesäx kan ruwachib’al k’a ri’ nik’ut chikiwäch ri qiy qamam, jare’ xe’ok ri maya’ winaqi’ ke re’ ketz’ib’an, kere’ ketzijon, kere’ kitziaqb’al. Po wikami xekäm yan, majun chik achike ta k’äs xk’is kiwach xk’is ronojel jampe xkisamajij kan. Pa qaq’a k’o wi ri qak’aslem röj maya’ winaqi’.