Wp/cak/Ri tat Demetrio Cojti Cuxil

From Wikimedia Incubator
< Wp‎ | cak
Wp > cak > Ri tat Demetrio Cojti Cuxil

Ri qana'oj k'o chi nuxim ri' rik'in ri qak'aslem

Demetrio Cojti, Maya' Kaqchikel Winäq

Ri ma Demetrio Cojti Cuxil, jun aj na’oj winäq, ri ruya’om ruramaj, rutijom ruq’ij richin rutob’al, rukolik, rutaluxik, rokisaxik ri qach’ab’äl pa ronojel k’aslem.

Rutz’ib’an k’iy wuj pa ruk’aslem, okinäq k’amol b’ey chupam ruchituy tijonik. Ja rija’ ri nab’ey achamaq’i’ winäq aj Na’oj wawe’ chi Iximulew chirij ri k’ayew k’aslem xkinïm kan ri espayoli’. Ja rija’ ri Maya’ Winäq ri rutz’ib’an k’iy wuj chrij kik’aslem ri achamaq’i’ winäq chi kiwäch konojel ri yetz’ib’an k’a wakami.

Xilanäx Tecpán, pa jun ruq’a’ tinamït rub’i’ Pa Ch’ali’. Ri q’ij xaläx 1948, 9 richin ab’ril.

Ri ja’ nub’ij chi, richin naya’ rejqalem ri qach’ab’äl nab’ey k’o chi k’o ri ch’ob’onem k’aslem, ri na’oj, ja ri’ ri yalan k’atzinel chqe, k’a ri’ ri ruximik k’aslem richin nab’än ri samaj. Jantäq k’o ri qana’oj ke k’a re’ ma nqaxïm ta ri qak’aslem rik’in, man nqab’än ta achi’el qanojim, xa qeta’m chi k’o chi nb’an. Ke k’a re’ man nqab’än ta. Ja ri’ ri itzel chqe röj. Ri jun chik ri etamanïk, yojtz’ib’an pa qach’ab’äl. Ri Maya’ Cholchi’ Iximulew k’atzinel chi yojruto’ ruk’in ri k’ak’a taq tzij man xa xe ta ri k’o chik wakami. K’o chi yojruto’ ruk’in ri k’ak’a taq tzij richin ta yojtikir nqokisaj ri qach’ab’äl chupam ri k’ak’a k’aslem ri k’o wakami, achi’el ri ch’ab’äl ri nokusäx pa samajay, pa nuk’samaj, ja re’ manaq, man kan ta k’o nub’ij ma Cojti.