Wp/cak/Ri ak'wal rik'in ri klawx

From Wikimedia Incubator
< Wp‎ | cakWp > cak > Ri ak'wal rik'in ri klawx

K’o jun ak’wal janila’ royowal. Jun q’ij rutata’ xuya’ jun tzeqaj klawx chuqa’ xub’ij chi re richin toq nimoxïr pe rujolom k’o chi nub’ajij jun klawx pa ri qejoj k’o chuwajay. Ri nab’ey q’ij, ri ak’wal xub’ajij juk’al wuqlajuj klawx. Pa ruka’n q’ïj, man k’iy ta chïk xub’ajij ke ri xub’än q’ij q’ij xa jub’a’ chïk xub’ajij.


Ri ak’wal xuch’ob’ qa chi ruwäch chi k’atzinel chi man nimoxïr ta rujolom jantape’ richin man yerub’ajij k’ïy klawx. Ke ri’ xub’än jantape’ po xe’apon jun q’ij nixata jun klawx xub’ajij k’a ri janila’ nikikot xutzijoj chi re rutata’. ¡wakami k’o chi man jantape k’o royowal! Ri rutata’ rik’in kikotem xub’ij chi toq man nimoxir ta chïk k’o chi nuk’en el jun klawx ri xub’ajij ke ri xubän ri ak’wal toq xek’is el konojel xe rutzijoj chik chi re’ rutata’.


K’a ri’ ri tata’aj xuchöp el ruq’a xuk’wa’j apo chuwajay k’a ri’ xub’ij chi re’:


-“xasamäj rik’in awanima toq xab’ajij ri klawx chuqa toq xa’atz’oq el pa ri taq tzaläm, po k’o chi tatzeta’ ri taq jül xek’ojekan ri tzaläm man jun ta ta achi’el toq k’a majun ab’ajin ta. Majun b’ey ta chik xketzapetäj ta chik.

Ri ak’wa’l rik’in ri ru tat'


Ri ninwajo’ ninq’alajrisaj chawe chi toq k’o awoyowal ronojel ri nab’än ri nab’ij, nok’oje kan pa ruk’ux ri jun chik winäq achi’el ri taq jul xek’ojek pa ri tzaläm. Man k’atzinel ta chik nak’utuj sachb’äl amak ruma ri xab’än nik’oje’ kan pa ruk’ux ri winäq.


Ri sokoj, ri ch’ayoj junam rik’in ri yach’on itzel taq tzij. Ri winaqi’ ri yatqajo’ janila achi’el ri awachib’il ri ate’, atata’ chuqa ri chaqa chik awach’alal rije janila kejqalem pa qak’aslem ruma ri k’atzinel niqaya’ kiq’ij. Rije’ nikib’än chi ri ak’aslem jantape k’o kikotem. Yatkiwak’axaj, toq nixuluxu’ awanima rije’ jantape’ k’o nikib’ij chawe chuqa’ e k’o jantape awik’in rik’in ronojel kik’ux toq rat ye’akanoj”


Ri ruch’ab’äl xub’ij ri tata’aj, chuqa ri xuk’aslemaj rik’in ri klawx, xub’än chi ri ak’wal nuch’ob’ qa ri royonil ri ruk’aslem ruma man pa rub’eyal ta rub’anom pe chi re.