Wp/cak/Ri Xajonïk

Yalan kátzinel chi niqetamaj ri rejqalem, ri tijonïk, ri rub’anikil ri xajonïk ri nkib’an jalajoj taq tinamït, xa ruma’ k’a ek’iy winaqi’ man ütz chik ri nkitz’et ri nkib’en toq nkik’üt ri kina’oj ri nkajó richin nkitz’et chuqa’ nketamaj ri ch’aqa’ chik winaqi’ ruma’ nkib’ij chi xayech’ijir ri winaqi’ ri yeb’anon re na’oj re’.

Xa ja ri man ketaman ta chi kan jeb’el ök ri yaxajo’ chuqa’ ri nakusaj ri qatzyaqb’al ri kiya’on kan ri qati’it qamama’, ri qate’ qatata' , kan nch’ich’an awij ruma’, töq yaropin, töq yab’e kela’, ya pe kere’ ruma ri kikotemal k’o pan ak'u'x, ruma k’a jun nimaq’ij kik’in ri awach’alal, chuqa’ jun nimaq’ij pa jun tinamït. k’o chuqa’ xajonïk ri nuk’üt ri b’is ruma’ jun kamïk,’ jun yab’il, chuqa’ jun k’ayewal chupan ri k’aslemal.

K’o ri xajonïk ri nkib’än pa jun molaj winaqi’, ixoqi’, achi’a’ chuqa’ ak’wala’ akuchi’ ri nkik’ut ri kik’aslem ri kiq’axan pe ri iwir kab’ijir, k’o k’a chuqa’ re xaxe ri ixoqi’ chuqa’ xaxe ri achi’a’ akuch’i nkik’üt ri jalajoj kisamaj ri nkib’an ronojel q'ij.