Wp/cak/Ri Jalajöj toq xak chi rij ri alanïk

Ri Jalajöj toq xak chi rij ri alanïk

Ri alanïk rujachon ri’ pa oxi’ tanaj. Jujun tanaj k’o oxi’ ik’ chupam, o nqab’ij chi re chi k’o oxlajuj wuquq’ij. Ri nab’ey ik’ nutikirib’a’ pe ri nab’ey tanaj.

Ri nab’ey tanaj chi rij ri alanïk:

Ja ri’ ri ntikïr ri nab’ey ka’i’ wuquq’ij toq ri ixöq noqä ri chi ik’ chi re, etamatäl chi ri yab’il chi ik’ nb’ïx chi re, ruk’wan kaji’ wuquq’ij. Toq ri nab’ey ka’i’ wuquq’ij ri ixöq ma nkanaj ta pa yab’il, ja k’a ri pa rox, ri pa rukaj wuquq’ij ri ixöq wi k’o rachijil nkanaj pa yab’il.

Ri achike nb’anatäj pa rox chuqa’ ri rukaj wuquq’ij:

Toq ixöq xkanaj pa yab’il, ri chupam ruch’akul nuchäp nunük’ ri’ ri ak’wal, eqal, eqal nupo’ pe ri’ chi ntok jun winäq.

Ruka’n tanaj chi rij ri alanïk:

Ri ti ak’wal k’o pe chik ti rujulom, ri rutza’m rij, yetz’ukutäj pe chuqa’ ri taq ruq’a’ raqän. Ri rupam ri te’ej kan nq’alajin pe chik.

Rox tanaj chi rij ri alanïk:

Chupam re tanaj re’ ri ak’wal kan runuk’un chik ri’ ronojel ti ruch’akul chuqa’ ri jalajöj taq rupam, k’o chik ri ránima, ri taq ruwäch, kan nq’alajin chik chuqa’ wi ti k’ajol o jun ti xtän. Ri te’ej chupam re tanaj re’ k’o chi nuchajij ri’ ruma chi xa jub’a’ chik nrajo’ chi naläx ri ak’wal.

Chupam ri oxi’ tanaj re’ ri ixöq k’o chi nuchajij ri’, jeb’ël tiwa’, nb’e rik’in jun eyom, o rik’in jun aq’omanel kichin ixoqi’ chi ke ri’ kan nkichajij ri alanïk. Ma titel chik chaq’a’ toq k’o ri ri’j ik’, ma tuxq’otij ta ri jalajöj taq achike jun.