Wp/cak/QA CH’AB’ËL

From Wikimedia Incubator
< Wp‎ | cakWp > cak > QA CH’AB’ËL

QA CH’AB’ËL

Jalajoj ch’ab’ël ek’o chupan qa Iximulew, k’ayiw ruma ri winaqí majun chik ri yech’onta pa ki ch’ab´ël, eqal, eqal nkimestaj, ri te’ej tat’aj man yech’onta ri qach’abäl chike ri qajk’ual, ja ri yech’on ja ri jitaq wineq, rije man ki mestanta’, jeb’ël ri yech’on nkikusaj ri ojer taq tz’ij,

¿achike choq’oma rije ket’an ützil ri ki ch’ab’ël? Toq xe k’iype, ri ki te’ ki tata’ yon paqach’ab’ël xech’on chike, keri chuqa kik’in rach’alal, chikiwech rije xech’on keri, po chuqa chkiwech ri te’eja ri tat’aj Janila jun ajowab’ël xk’oje chikiwech, ojer kan, man tipe a woyowal chike ri nimaq winäq, man ka sik’in chikij, kan takuy ri amaq’, po rumari ri ak’uala’ xkiyik ki’.

Ri ojer kan Janila jun k’ayewal xkilpe ri qa tit qa mama’, ruma ri aj seq winaq man yojkajota’  choj yetz’en chikij ruma ri ki b’oinil ki ch’akul, ri ki tz’iaqb’äl, ri ki ch’ab’äl, ri aj ek’uchi’ epeteneq wi, jari ri k’ayewal xkilpe, po ruma rije chuqa xkijel ri ki na’oj, xkiya’ tijonem achike ri ki qajk’ual chin man yeb’anta k’ayewal chike.

Ri ramaj ri oj k’o wakami k’ayiw chuqa man yoj ru to’ ta, ri na’oj ri oj k’o jun chik, ri na’oj re’ kichin ri aj kaxlan winaq, wakami ni qa kusaj ri kematz’ib’, ri oyonib’el, ri jalaoj samjb’äl ri epeteneq juk’an chik ya’, jare xujel ri qa ch’ab’äl, wakami ri ak’uala’ keri chuqa ri xtani’, alab’ni, man jun chik yech’onta kik’in ki tat’a, ronojel ri xqab’ij che samajb’ël jari xok ri te’ej tat’aj.

Wakami roj k’o chi na qa jel nojel ri k’ayewal, k’o chinqetamaj ri kai’ ch’ab’ël, junan ni qa b’enta che, chin man ik’ista ri qa xe’el, man ni qa mestaj ri ki na’oj ri qatit qamama’, tik’oje ri ajob’ab’ël qik’in kik’in konojel ri winaqi, tik’asesta ri yoj ch’o ri qach’ab’ël kik’in qach’alal, ri toq man jun ojk’ota kik’in wetamkari’ chi yoj ch’o pa kaxlan.