Wp/cak/Loq’oläj q’ij
“Achike k’a ruma ri janila k’a nrajo’ ruwach’ulew ri Qajaw, ruma ri’ xtäq pe ruk’ajol chuwäch ruwach’ulew, ruma k’a ri kan k’o k’a che niqak’uqb’a qak’u’x chirij ri Qajaw, xa kan ke ri’ k’a kan k’o ri palik k’aslemal.” -Juan 3:16
“Ri rusaqil ri Cristo ja’ ri’ kan janila k’a nïm chupam ri Loq’oläj q’ij re.”
Chupam ri kak’al q’ij kan k’o wi richin nqetamaj chij ri ajawana’il chuqa’ kan neqatzu’ ri taq yewa’i’ ruma ri Cristo xub’ij kan richin rije’ kan niqab’an wi’. Chuqa’ ri Qacristo janila k’a xtaj poqon chuwäch ri Ti’oxläj che’ chuqa’ xiya’ ruk’aslemal pa qawi’ qonojel ruma k’a ri’, ri Loq’oläj q’ij nuk’ut chiqawäch qonojel richin ri kamikal ri rujuk’wal ri Qajaw.
Ruma k’a ri’ ri taq Ajch’ab’äl kan kiya’ ruq’ij ri Loq’oläj q’ij, chuqa’ kan k’o che nqajal ri k’aslemal toq ya ri’ nrajo’ ri Qajaw chiqe.
Jalajöj taq ach’alal ri’il nkib’an taq achike jun pa kachoch chuqa pa taq Rachoch ri Ajaw, ju jun taq Tinamït k’o jalajöj taq kib’anob’äl, achi’el ri nkichila’ej ri kaxlanway chuqa’ nkib’an taq jalajöj taq ik; ri pu’lik, kär pa pu’lik, chuqa’ ri winaqi’ kan kich’ab’ej kich’alal.
Chuqa’ nub’an ri’ telen Ti’ox pa taq jalajöj Tinamital richin ri Iximulew, ruma k’a ri’ ja’ ri’ jun b'anob’äl richin ri Iximulew kan rutaman ri UNESCO. Ri telen Ti’ox ja’ ri’ jun nïm k’iqb’äl k’u’x, chuqa’ yepe winaqi’ näj chuqa’ naqäj, nektz’u’ ri Ti’ox janila k’a nïm raqän ja’ ri k’a nub’an chupam ri Loq’oläj Q’ij.
Pa nutinamït chuqa’ k’o k’iy taq b’anob’äl nub’an achi’el k’a tz’er, taq ajapajay winaqi’ kan yetz’an richin ri tz’ej pa kaxlan tzij ja’ ri’ (cera). Ri Loq’oloj Q’ij kan k’o wi richin nqaqu’ rij ri k’aslemal chuqa’ nqaya’ ruq’ij ri qab’anob’al ruma richin man nuchup ta, kan k’o wi richin man qachup ta ruma janila k’a nuk’atzin richin, toq jun tinamït nuchup ri b’anobäl kan nukom
Ri Loq’oläj q’ij ya ri’ jun nïm b’anob’äl nub’an pa Iximulew, chuqa’ nuk’ut chi qawäch richin k’a kan k’o wi richin nqajal ri qak’aslemal chuqa’ kan k’a wi richin nqajach ri k’aslemal pa ruqa’ ri Ajaw, ruma rije’ xuya’ ruk’aslemal ruk’ajol pa qawi’.
ruma rije kan janila k’a ajawane’il k’o rik’in ruma k’a ri’ kan xuya’ ruk’ajol pa ruwi’ qil qamak chuwäch jun ruwachulew re’, man xa xu’ ta pa Iximulew chuqa pa jalajöj tinamital chuwäch ruwach’ulew re’.