Wp/cak/Jalajöj kiwäch taq na´oj kichin ri qati´t qamama´

Ri qati´t qamama´ e maya´ winaqi’ xkik´ut kan jalajöj kiwäch taq na´oj chi qawäch, man xaxe ta k´a ri k´in tzij, rije´ jantape´ xkiya´ kan chi qawäch rub´eyal ri rub´anikil. Wakami k´a xemestäx kan ri jalajöj kiwäch taq na´oj, ri ak´wala´, alab´oni´, xtani´ man jun chik no´oqa ta chi ke ri nimay tzij ma jun chik nikiya´ ta ruq´ij. Ri qati´t qamama´ nkib´ij k´a  chi toq niqak´ul jun ti mama´aj, jun tat, jun nan, jun ak´wal, jantape´ yojch´on kan chi ke, toq niqak´ul jun mama´aj pa b´ey niqajech´uj qab´ey chi niqaya´ q´ij chi re chi ni k´o. Ojer kan toq ri qati´t qamama´ yetzijon, jun ak´wal man tikirel ta nch´on apo, ruma k´a rije´ nkib´ij chi ri kitzij nimaq taq winaqi´.

re jun saqil nkokisaj ri qati´t qamama´ chi matyoxnik

Chuqa’ toq rije´ yetik´on nkiya´ kipom chuqa´ nkitzij jalajöj taq saqil chi retal matyoxnik chire ri Ajaw chuqa´ chi re ri ruwach´ulew, toq nib´an ri jäch´nikib´an nïm nimaq´ij retal matyoxnik, toq nipe ri jäb´ nkiya´ kipom, toq nkib´an ri nab´ey taq tiko´n rije´ yexuke´ pa nik´aj chi re ri kulew, chi nkik´utuj q´ij chi re ri qate´ ruwach´ulew, chuqa´ chi yematyoxin ruma nkib´än jun chik juna´ tiko´n, nkiya´ ri pom chuqa´ nkitzij jun kai´ oxi´ taq saqil. Ri ojer taq tat, toq nkiya´ ri nab´ey taq re´y asaron pa ri ruwach´ulew nkik´utuj kuyb´äl kimak chi re ri qate´ ruwach´ulew ruma nikisok.

Runuk´ik chik ri jalajö j kiwäch taq na´oj re´ pa ri qawinaqirem janila k´a k´atzinel, ri te´ej tata´j ja ri k´o chik nikik´ut kan ronojel re na´oj re´ ruma k´a re yojruto´ chi niqanuk´ apo jun utziläj winaqirem chi ke ri ch´utaq ak´wala´, alab´oni´, xtani´, ri e petenäq chi qawäch.