Wp/cak/Ixöq Kej
Ojer kan janila k’a ntzijox richin ri jun Ixöq kej, ri jun ixöq kan janila k’a itzel achike k’a ruma ri? Ruma rije’ nch’o pa kiwi’ ri ixoqi’ achike janila yetzilonäq pa kiq’a’ ri achi’a’ yekich’ey ri ixoq’i’ chuqa’ nikikanoj ruk’exel ri kik’ulaj, janila xajan toq man kiya’ ta ruq’ab’al pa kachoch xajuk’an chik nkiya’ wi, ruma ri’ ri Ixöq kej kan janila nch’o pa kiwi’ ri ixoqi’.
Riyït awetaman chij ri jun tzijonik ri’? ri qanan ri qatat ojer kan rije’ janila yepixan chuqa’ yechapon toq jun achi’ man ütz ta nub’an pa ruk’aslemal ruma ri nupixab’ax kan xa kan ke ri’ ütz nub’an pa rachoch.
Jumul k’a jun achi’ xel k’a el näj aq’a’ pa jun nimaq’ij rutijon oxi’ kapaj richin toq ya nstin k’a chik ruwäch, xub’a k’a chirachoch, pa ruq’a’ b’ey xuna’ rije’ xajpe na k’a xu’ij ri’ xesilon ruch’akul. Xib’a’, xib’a’, xib’a’ toq pa nik’aj b’ey xutz’et jun jeb’ël ixöq, janila k’a jeb’ël ok ruch’akul, xetesïk läj ixöq, xkuwaj k’a el rub’ey pa jun nimläj su’an ri achi’ ri kan tzeqel chirij ri jeb’ël ixöq, ri achi’ xuk’utuj k’a rub’i ri ixöq man xub’ij ta k’a chire, kan rije’ k’a kan janila jeb’ël xtzet. Xub’a ruk’u’x rik’in ri ixöq ri’.
Ri ixöq ri’ man nk’uta rupaläj ruma k’a rupalaj achi’el k’a ri kej ruma ri’, ri achi’ chi man rutz’eton ta, toq k’o panik’aj su’an xuk’ut rupaläj ri achi’ janila k’a xub’ij ri’ chuwäch ri ixöq ruma ri rupaläj achi’el ri kej, ri ixäq kej xunum ri achi’ pa ri nïm su’an ri achi’ xucom ri ri’ ixöq kej xch’akon, achike k’a ruma ri’ ri ixöq kej xuk’ut ri’ chuwäch ri achi’? ri achi’ k’a janila itzel achi’ kan chaq ixoqi’ yerajo’, chirachocho janila nuch’ay ri ruk’ulaj. Ri k’a jun ti ko’ol tzijonem chij ri ixöq kej.
Ruma ri’ nkib’ij ri qanan, qatat la le ixoqi’ k’o k’a ri kiq’ij, chuqa’ ri achi’a’ nkajo’ kaka kik’ulaj kan ütz wi yesamaj kowan ruma k’a ma jumul ta ye kiya’ ri ixoq’ pa wijal, achi’el k’a xu’on ri achi’ re’ xa xu’ yernäq ri ixoqi’ ya ri’ man ütz k’a ruma k’a rije’ k’o kiq’ij k’o kisaq’il.
Riyït awetaman chij ri tzijonem re’? ruma ri achi’a’ k’o che k’a kan kichajij ki’ ruma ri ixöq kej janila yeruchajin ri taq ral ixoqi’.