Wp/cak/B'anoj chakach

Pa kitzij ri qati't, qamama’ nikib’ij chi ojer kan, ri Chixot nisamajix ri banoy chakach, po xaxe wak’axan achike rub’eyal nib’an chire re samaj re’

Ri q’ij ka’i’ kat (12-junio) re juna wakami, xib’e pa jun ruq’a’ qatinamit rub’i, Patzaj.

Toq yib’iyin chupan re ruq’a Tinamit, xib’apon rik’in jun xti nana’, ruchapon samaj pa rochoch, yalan xikikot ruma ruchapon rub’anik chakach.

Xitzijon kik’in ri rachalal, po chuqa’ rik’in ri nana, ri rali xub’ij chuwe chi ronojel ri samaj nub’an ri nana’, jantape nek’an chirachoch, richin nik’ayix, toq rub’anonk’an ri nana’ nek’ayin kela’ San Jose Poaquil, po toq xb’e rujuna majunchik xb’ek’ayin. Nikib’ij ri rachalal chi xaxechik ri xti nana’ nib’anon re samaj re re’ chupan ri ruq’a’ Tinamit.

Richin rub’anoj jun chakach, tikirel ri nana’ nukanoj kaji’ ruwach ri aj, ruma jujun peraj ri chakach ruk’uwan jun ruwach. Chuqa ri ramaj richin rukanuxik pa juyu’ xaxe pa jun peraj ramaj. Man jantapeta nawil pa juyu’ ri nukusäx. Ri rach’alal kitojtob’en rub’anik po majun utz ntel chikiwäch.

Yalan rejqalem re jun samaj nub’an ri nana’, rïn xikikot janila ruma ri qatit’, qamama’ ek’o pa kaq’iq’, xkiya q’ij xinwetamaj ruwa’ ri nana.

43.Canasta II