Wp/cak/Atrix Semët Ab'äj
Ri tinamït Atrix Semët Ab’äj ja ri’ rub’i’ xkiya’ ruma ri winäq rub’ini’an San Andrés Apóstol, ri b’i’aj Semetabaj rub’i’ pa qach’ab’äl Kaqchikel Semët Ab’äj ruma chi ri’ xe’ilitäj ab’äj kib’onil achi’el ri leme’t, re re jun rutinamit ri tinamital Tz’olojya’, richin ri tinamït Iximulew, chu naqaj ri tinamït k’o jun k’ojlib’äl akuchi’ xek’ase’ ojer qati’t qamama’,k’o kan retal ri jay ri xekinuk’, e k’o jalajöj k’oxtun e muqül chi ruxe’ taq juyu’.
Pa tinamït Atrix Semët Ab’äj e k’o b’elejalajuj ruq’a’ tinamït k’o ruwinaq yecho’ pa ch’ab’äl maya’ K’iche’ chuqa’ ri ch’ab’äl Kaqchikel, e k’ïy winaqi’ aj K’iche’ e k’as pa jalajöj ruqa’a’ tinamït. E b’eleje’’ ruq’a’ tinamït ri yech’on pa ch’ab’äl Kaqchikel, e wuqu’ ruq’a’ tinamït ri yech’o pa ch’ab’äl K’iche’ chuqa’ e ka’i’ ruq’a’ tinamït yech’on pa kaxlan tzij.
| Ruq’a’ tinamït ri Yech’o pa ch’ab’äl Kaqchikel | Ruq’a’ tinamït ri Yech’o pa ch’ab’äl K’iche’ | ||||
| Jun | Chwiya | Jun | Sucún | ||
| Ka’i’ | Panimatzalam | Ka’i’ | María del Carmen | ||
| Oxi’ | Xejuyu’ I | Oxi’ | Nueva Victoria | ||
| Kaji’ | Xejuyu’ II | Kaji’ | Chuti-Estancia | ||
| Wo’o’ | Las Kano’as Altas | Wo’o’ | Chokek | ||
| Waqi’ | Las Kano’as Baja | Waqi’ | Nueva Esperanza | ||
| Wuqu’ | ToKache’ | Wuqu’ | Chutinamit | ||
| Waqxaqi’ | Kali’aj | ||||
| B’eleje’ | Tinamït Semët Ab’äj | ||||
| Ri ruq’a’ tinamït ri yech’on pa kaxlan tzij | |||||
| Jun | Godínez | ||||
| Ka’i’ | Xekotoj | ||||
Tiko’n chuqa’ jalajöj chik ruwäch samaj.
Ojer qati’t qamama’ janila xkitïk ri mutz'ixim ja ri’ xekitaqala’ pa juk’an chik tinamït richin ruk’ayixik wakami majun chik rutikik nib’an, ruma majun chik nloq’o richin.
Pa tinamït Atrix Semët Ab’äj, ri winaqi’ e samajela’, k’ïy ruwäch samaj nkib’än; achi’el ta ri achi’a’ yesamäj pa ruwi’ rutikik ri awän, kinäq’ chuqa’ jalajöj ruwäch ichaj.
Chuqa’ wakami e k’o chik jalajöj ruwäch samaj, achi’el tijonela’, tz’ib’anela’, Rutijoxik ri ajpwäq, q'atöy tzij chuqa’ juley chik ruwäch samaj.
Ri ixoqi’ ojer kan rije ‘ xa xe wi ri kemoj po’t ja ri’ wi ri kisamaj, chuqa’ yekik’ayij chikopi’ aj chwajay. K’a wakami ri ixoqi’ xe’ok yan pa tijonïk chuqa, man xa xe ta chik ri achi’a.
Ri tinamït Atrix Semët Ab’äj ru ruwinaq janila nkichajij ki’, janila nkito’ ki’ toq k’o jun k’ayewal, ri tinamït jeb’ël tinamït.
Runimaq’ij ri tinamït Atrix Semët Ab’äj ja ri’ ri taq ruk’isb’äl ik’ richi’ ri rujulaj ik’ richin ri juna’.