Wp/bto/Hapsa Khan

Template:Infobox tawo Si Hapsa Khan (Kurdis: Hapsa Xan) usad na feminista ag lider-nasyonalista na nag-establisar ka paadalan ku inot na mga babaye sa Iraq. A organisasyon tinawag na Asosasyon ka mga Babaeng Kurda.

Ipinangigin sya ku 1891 sa Sulaymaniya sa usad na prominenteng pamilyang Kurdis. Sya a igin na babaye ni Sheikh Marif ag Salma Khan. Ku 1926 nagkaagku sya sa importanteng kabtang sa pundasyon ku unang paadalan para sa mga igin na babaye sa Sulaymaniyah/Silêmanî, "sa paagi ka pagbaloy-baloy kaiba ka mga maestro tanganing magparehistro sa pinakadakol na igin na babaye sagkod sa mapupwede, ag tanganing maagda pa a mga kag-igin na paeskwelahon ana kandang mga igin na babaye." A Aleman na retratista na si Lotte Errell ilinadawan si Hapsa Khan bilang usad na babaye "na a agom na lalaki minabangon paglaog nya sa kwarto."

Ku 1920, naagom ni Khan a pamayong Kurdis na si Sheikh Qadir Hafid, ngud ni Mahmud Barzanji, na nagkaagku pangunang kabtang sa Kurdis na kontra sa pananakop ka Britania. Si Khan nagkaagku sa kabtang sa rebelyon sa paagi sa paggastos kan, na nakakumbensir sa iba na umiba dyan ag mag-organisar sa mga protesta sa Sulaymaniyah.

Ku 1930, si Khan nagpadara sa surat sa Liga de Naciones, na nagsusuportar sa mga diretsos ka Kurdis ag sa estado ka Kurdis. Ku istablisaron ni Qazi Muhammad a Republika ka Mahabad ku 1946, sinuportaran nya ana desisyon na magpahayag sa independensya.

Pagkagraan nya ku 1953, a kanyang baloy nagin eskwelahan. Si Khan padagos na nagigin makusog na impluwensya sa modernong mga babaeng Kurdis. Ku Pebrero 2019, ibinareta ka Kurdistan24 na a nanggana sa usad na kompetisyon sa fashion sa Sulaymaniya ibinase a kanyang disenyo para sa usad na tradisyonal na bado sa estilo ni Hapsa Khan.