Wp/bto/Editar Adhiambo Ochieng

Si Editar Adhiambo Ochieng usad na aktibistang Kenyan na nagbubusol ka pagprotekta ka mga karapatan ka babayi ag nagbubulig sa mga biktima ka sekswal na biyolensiya.

Ku 2020, siya naging unang nanggana ka Wangari Maathai Award sa Kenya para sa kanyang kontribusyon sa pagpugol sa paglakop ka COVID-19 na pandemya sa mga iskwater ka Kibera.

Biograpiya

Si Ochieng ipinangigin ag nagdakulo sa Kibera, usad sa pinakadakulong iskwater sa Nairobi. Siya piglupigan ku siya 6 na anyos pa sana, ag piglupigan man ka usad na grupo ku siya 16 na anyos, ag a kanyang mga nanlugos pinagbalangibog a kandang krimen. Tinukoy niya a mga personal na eksperiyensyang adi bilang normal na biyolensiyang sekswal sa mga kababaihan, ag pinaghuhugutan sa kusog mabuhay ag mga kasararoan sa kanyang aktibismo.

Karera

Pinapadalagan ni Ochieng a Feminist for Peace, Human Rights and Justice Centre sa Kibera, kin sari siya man a nagtindog. Siya usad na intersectional feminist, ag a kanyang katuyohan amo ya usad na sosyudad na nagtatao sa bilong na pagpatalubo, proteksiyon, pantay na karapatan, pantay na hustisya ag self-actualization ka kaiiginan na babayi.

A kanyang organisasyon nagbubusol na magtindog nin liderato sa mga joven na babayi, nagsiserbeng multi-generational networking platform. Pinag-aagda niya a mga babayi na gamiton a kandang mga istorya, nagpapalakopsa mga kaaraman manungod sadi sa paagi ka pagpublikar kan mga pararehong eksperiyensiya. A kanyang lugar nagsiserbeng support network ka mga naabusong babayi o mga babayi na naggalin sa kandang mapang-abusong mga relasyon. Segun sa gobyerno ka Kenya, 45% ka babayi ag daraga sa edad na 15-49 nakaka-eksperiyensya sa biyolensyang sekswal. Dakul sa mga kasong adi a diri nai-report ag gatikot sana a naka-resibe sa medikal na tugon o hustisya.

Si Editar nagtatao man sa mga produktong sanidad sa mga na-abusong mga babayi, sinusuportahan niya man a United Nations Security Council Resolution 1325 bilang paagi para iiba a katuninungan na pambabayi ag mga planong seguridad, nagtutukdo man siya sa mga babayi ka kandang mga konsitusyonal na karapatan. Siya man usad sarong Toolkit Organiser kan Peace Brigades International Kenya, nakikipagtabangan siya sa ibang tagapagtulod kan karapatang pambabayi sa Nairobi. Saro siya sa 56+ na tawo na inaresto habang nag-aalsa laban sa karahasan kan mga pulis kan Hulyo 7, 2020, hulo sa halos 100 katawo na an nagadan kan mga pulis sa Kenya.

Ku panahon ka COVID-19 pandemya, siya nagbuli sa mga door-to-door services, nag-donar sa pagkaon, ag mga reusable masks para sa mga biktima ka biyolensiya ag mga kababaihan sa kandang komunidad, nagtao man siya sa mga impormasyong lokal manungod sa pandemya. Usad siyang panelista sa pantaonan na diskusyon manungod sa karapatang ka mga kababaihan na ginibo ka UN Human Rights Council, sa temang COVID-19 ag karapatan ka mga babayi.