Wp/bto/Bikol Rinconada

From Wikimedia Incubator
< Wp‎ | bto
Wp > bto > Bikol Rinconada

Usad na paglilinaw para sa ngamin na a Bikol Rinconada na bisaranon amo a mayoridad na ginagamit sa kadaklan na parte ka pang-upat na distrito ka probinsyang Camarines Sur sa rehiyon na Bicol. Ginagamit adi sa syudad ka Iriga sagkod sa mga banwaan arog ka Nabua, Bato, Baao, Bula, Balatan ag sa nagkakapirang baranggay sa banwaan ka Pili. Nagkakaiba-iba man a mga tono sagkod a ibang sarita o 'words' depende kin saring banwaan ika. Pero 98% nubenta-iyotso ka mga sarita kadi a halos magkakapareyo na dawa sari ikang banwaan mag-iyan, migkaintindihan kamo. Usad na kakaiba sa bisaranon na adi a pagkakaagko rugang na letra na uda sa ibang lenggwahe arog na sana ka letrang 'h' na nginangabil na bagana w,y. Halimbawa, a saritang 'tahop/tahep' (sa tagalog: tahip), sahog/saheg' (sa tagalog: sahog o 'bangot' sa ibang termino ka Rinconada), mimahow/mimahew (sa tagalog: mag-aalmusal) ag dakol pang iba na buko iyang natural na letrang 'h' kin babasahon. Usad pa kadi a "gepe/gopo" na istayl ka pagngangabil lalo na sa Iriga. Palibhasa a alpabeto tang ginagamit kulang kin ikukumpara sa mga letra ka Rinconada, kaya a letrang "o" na sana a pirming ginagamit para sa letrang gepe/gopo imbes na inverted 'e'. Halimbawa, beke-boko, baley-baloy, atep-atop, ede-odo. Usad adi sa yaman na matuturakan ta sa sadiri tang bisaranon na pwede tang ipagmalaki o i-orgulyo. A pinaka araning bisaranon ka Bikol Rinconada sadi kinaban amo a na Bikol Albayano na usad man na dayalekto sa Kabikulan.