Wp/btm/Asam deoksiribonukleat

Gambaran tolu dimensi DNA

Asam deoksiribonukleat, Biaso binoto dohot DNA (saro Inggris: deoxyribonucleic acid), ima samocom biomolekul na manyimpan dot manyandi instruksi-instruksi genetika satiop organisme dot bahat mocom virus. Instruksi-instruksi genetika on marlabo ponting i parsimburan parkombangan, dot fungsi organisme dot virus. DNA ima asam nukleat; rap dohot protein dot karbohidrat, asam nukleat ima makromolekul esensial tu sude makhluk namangolu na binoto. Abahatan molekul DNA tardiri tingon dua unting biopolimer na marpilin sada dot lainna mambontuk heliks ganda. Dua unting DNA on binoto manjadi polinukleotida arani paduana tardiri tingon sadaan-sadaan molekul na idokon nukleotida. Tiop-tiop nukleotida tardiri tingon sala sada mocom basa nitrogen (guanina (G), adenina (A), timina (T), sanga sitosina (C)), gulo monosakarida na idokon deoksiribosa, dot gugus fosfat. Nukleotida-nukelotida on dungni tarsambung tu sada rante kobetan kovalen antara gulo sada nukleotida dohot fosfat nukelotida lainna. Hasilna ima rante gurung-gurung gulo-fosfat na marselang-seling. Manurut kaidah pasangan basa (A dohot T dot C dohot G), kobetan hidrogen mangkobet basa-basa tingon padua unting polinukleotida mambontuk DNA unting ganda.