Wp/brx/बागुरुमबा
बागुरुमबा आ बर' हारिनि बयनिख्रुइबो समायना आरो मुंदांखासिन दोरोङारि (Traditional) मोसामु। बेयो मोनसे मेथाइ-मोसामु (Musical Dance) जाय बर' हारिनि सिनायथि होग्रा मोनसेल' माहारियारि मोसामु महरै एखुथा मासि लानानै दं। बे मोसानायखौ मुलुगनाङैनो "सिखिरि मोसानाय" (Butterfly Dance) होननानैबो मिथिनो मोनो।
सिनायथि आरो मुलुगनां जाथाय
[edit | edit source]बागुरुम्बा मोसानाया दा बर' सुबुंफोरनि गेजेरावल' मिथिजानाय जानानै गैला। अस्ताद कामिनी कुमार नार्जारी नि जोबोद नाजानाय आरो नांसोमनायनि थाखायनो बागुरुमबा मोसानाया मुलुग नाङैनो बर' हारिनि मोनसे थि सिनायथि होग्रा मोसामु महरै मुंदांखा जाबाय। बे मोसानायखौ बर' सिख्लाफोरा रंजा-बाजै मोसायो।
मोसानायनि बिखान्थि
[edit | edit source]मोसाग्रा सिख्लाफोरा गाबगोनां दख'ना, फास्रा (जोमग्रा) आरो आर'नाइ बाहायो। सिख्लाफोरा आखाइ मोननैखौ फुवारनानै मोसायोब्ला सिखिरि (Butterfly) बिरनाय बादि नुनो नागिरो। बे मोसानायाव गोजोननाय, अननाय आरो हारिमुवारि रंजानायनि सोमोन्दो दं।
मेथाइ (Lyrics)
[edit | edit source]बागुरुमबा मोसानायजों लोगोसे खननाय मेथाइनि रावफोरा गाहायाव होनाय बादि:
बागुरुमबा हाय बागुरुमबा,
बागुरुमबा हाय बागुरुमबा
जात नङाबोला, खुल नङाबोला
थाबोरोम हमनानै बामनानै लागौमोनखा
हाय लोगो, लागौमोन खा।दै जिरि जिरि साम' खिंखिरि स'नानि जिनजिरि,
हाय जिनजिरि, हाय जिनजिरिथुरिबारिनिलाय दावसेन,
जों लागोआलाय दा जेन,
गोसो होसार होसार मोसा दे
बागुरुम बागुरुम मोसा दे, हाय मोसा दे
दामजुफोर (Musical Instruments)
[edit | edit source]बागुरुमबा मोसानायनि थाखाय बर' हारिनि दोरोङारि दामजुफोरनि गोनां जायो:
समाजारि गोनांथि
[edit | edit source]बैसागु एबा गुबुन गुबुन हारिमुवारि एबा माहारियारि आफादफोरनि जथुम्मायाव बे दिन्थिनाय जायो। दिनैनि समाव बागुरुम्बा मोसानाया मुलुगनां(International) दरबारावबो बर' हारिनि मुंखौ गोजौ खालामनो हाबाय।