Wp/brh/Şanza Girok

From Wikimedia Incubator
< Wp‎ | brhWp > brh > Şanza Girok
Jump to navigation Jump to search

Şanza Girok, Prof. Nádir Kambráńŕí ná şáirí ná kitáb ná pin e, ará avlíko jár Jún 1992 aŧí Bráhuí Akeðmí Koŧá ná páraģán şenk mass. şanza girok ná kitábat e Abdul Gafúr Mámad şaí karene. Şanza Girok 168 panna ģá tálán e, ará ŧí Ammd, Nát, Rezváńk, o Nazm aná Áŧí ŧí nivişt millik. Nádir Kambráńŕí Bráhuí adab aŧí asi şáir ase ná rid aŧ cáińgik, vali o şáirí án bedis nasr aŧí am juáno and as tixik, nasr aŧí Afsána, paŧŧopol, tabsra, o Bráhuí bolí ná bábat am nivişta karene. vali Bráhuí adab aŧí Nádir Kambráńŕí ná Áşobí o Muzáimattí şáirí ná maŧ aff.

Darşán e Xiál ák[edit]

Nádir Kambráńŕí, şanza girok ná Pináfí e tená Báva ná pin á karene.

Pináfí[edit]

"Dá kitáb(şanza girok) e gahińg á Álim, Pákbáz á Buzurg, tená Mehrbán á báva Ímándár Ájí Sáib Xán Kambráńŕí ná pin á mansúb keva."[1]

Avlíko Laoz: Nádir Kambráńŕí[edit]

Nádir kambráńŕí, Avlíko Laoz aná sarál á şanza girok e nivişta kannińg ná savab o amo sangat átá minnatvárí e am arfik arák ode dá kitáb e şenk karfińg á oná ust baððí e karer. aráteŧí, Bráhuí Akeðmí ná Ģulám Aeda Asrat o Abdul Kádir Así Şávání án bedis, Prof.abdulá Ján Jmáldení, Mír Abdul Ráhmán Kurd, Gul Bangulzai, Razák Sábir, Johar Bráhuí, Abdul GHafúr Mámad Şaí ná pin barek. Avlíko Laoz aŧí, şáirí ná savab áte Nádir Kambráńŕí dá vaŕ darşán karene,

"şero şáirí, zind aná tajruba o ásráe, í şáirí ná dává e kapparam bíra tená xiál o fikr e laoz átá laŕí nŧí gunðánuŧ... kaná şáirí ná bahllo başx as dáńg eńg massur o goińgár, axxas ki dú bassur ofte muc karenuŧ andá pahn áteŧí peş keva."[2]

Mana Laoz: Abdulá Ján Jmáldení[edit]

Mana Laoz aná sarál á Abdulá Ján Jmáldení şanza girok á darşán xiál kek o şáir átá izzat o şraf ná páik ki, aga şáirí jáí şáirí mare to o Paeģumbarí ná darjae tixik,antaeki, Paeģumbar átiá vahí bassaka vali şáir [atiá am andá vaŕ aŧ kaefíat as marek[3].

mon mustí Jmáldení, Nádir Kambráńŕí ná şáirí ná bárav aŧ páik, Nádi Ján asal aŧ Ģazal ná şáir ase, ģazal oná romáinŧik á tab aton mel kunek, álánki, o Nazm aná şáirí e am juání aŧ karene o padá Ázád Nazm yá jadíd Nazm aŧí am şáirí karene"[4].

Táruf: Bábú Abdul Ráhmán kurd[edit]

Táruf ná sarál á Bábú asi sarjamo niviştánk as nivişta kek,ki, aeno án Panjá sál must naná Vatann aŧí bekasí o mahrúmí ná daor ass, Naváb, Sardár o mutabar ák izzat o mansab, trakkí o bartrí ná muccá kasar te ģríbá ulus ná kunðán band karesur,....antaeki, Parańgí Bádşáh oftá kopaģá suár ass,[5]. Bábú mon mustí sarál e ganðisá kek, zulm o jaor aná padá púskuno daor as şurú mass, mazlúm á kaom átá hakk áte keraģ xallińg kin Van yúniŧ ná pin aŧ sáziş kannińg á. andá daor aŧí Nádir kambráńŕí tená fikr o aesás án şáirí ná asi púskuno tarz as vadí kare. mulk aná Varná te tená inkilábí şáirí aŧ púskuno kasar ase ná talláş ná kunðá işára tiss[6].

Mustí kumakkí kin kitáb ák[edit]

  1. Şanza Girok, Nádir Kambráńŕí, 1992, Bráhuí Akeðmí Koŧá.
  2. Bráhuí Jadíd Şáirí, Liákat Saní, 2005, Şon adabí díván Koŧá.
  3. Bráhuí Púskuná Şáirí, Liákat Saní, 2009, Higher Education Commission Islamabad.
  4. De ŧik (Nádir Kamráńŕí, fann o şaxsíat), Afzal Murád, 2006, Bráhuí Adabí Súsáiŧi Koŧá.
  5. Bráhuí zabán o adab kí muxtasar Táríx, "Ðr. Abdul Ráhmán Bráhuí"1982, Markazí Urdú borð, Láor.

Avála ģák[edit]

  1. Şanza Girok,Nádir Kambráńŕí, panna 4, Bráuí Akeđmí koŧá
  2. Şanza Girok,Nádir Kambráńŕí, panna 5, Bráuí Akeđmí koŧá
  3. Şanza Girok,Nádir Kambráńŕí, panna 7, Bráuí Akeðmí koŧá, 1992
  4. Şanza Girok,Nádir Kambráńŕí, panna 8, Bráuí Akeðmí koŧá, 1992
  5. Şanza Girok,Nádir Kambráńŕí, panna 9, Bráuí Akeðmí koŧá, 1992
  6. Şanza Girok,Nádir Kambráńŕí, panna 10, Bráuí Akeðmí koŧá, 1992