Wp/bqi/گابریاٛل گارسیا مارکز

From Wikimedia Incubator
< Wp‎ | bqiWp > bqi > گابریاٛل گارسیا مارکز
Jump to navigation Jump to search
گابریاٛل گارسیا مارکز
Gabriel Garcia Marquez.jpg
گابریاٛل گارسیا مارکز مؽن سال 2002
زاٛمار ڤابیڌاٛ مؽن Gabriel José García Márquez
1927
آرکاتاکا، کولومبیا
ز دونیا رٱئڌاْ مؽن 2014
مکزیکوسیتی، مکزیک
زایارٱڤٱندی کولومبیایی
هٱماْ چی دونسمٱندیجا زایاراٛیی کولومبیا
جانر گٱپ مٱتٱل، مٱتٱل
جومشت نیسمونی جومشت اْمریکا لاتین، رئالیسم جاڌۊیی
آرنگٱل جادیٛار سٱڌ سال تاٛنایی، پائیز بٱڤاٛ کٱخوڌا ، عاشوقی مؽن سالٱل ڤٱڤا
جاییزاٛیٱل جاییزاْ مؽن زایاراٛیی نیۊستات سی نیسموݩ
1972
جاییزاْ نوبل سی نیسموݩ
1982
زٱنگٱل مرسدس بارکا پدرو
بٱچاٛیٱل رودریگو، گونزالو

اْمزا

گابریاٛل خوزاْ گارسیا مارکز Gabriel José García Márquez زاٛمار ڤابیڌاْ مؽن مارس ۱۹۲۷ مؽن دی آرکاتاکا مؽن راستاگٱ سانتامارا مؽن ڤولات کولومبیا ئاْ، هو یٱ رۊزناماْنڤیس، پلاکار ۉ سیاستکار کولومبیایی ئاْ. هو مؽنجقا خٱلک ڤولاتٱل اْمرکا لاتین ڤا نوم گابو یا گابیتو (سٱی نٱجیم) نوم دؽاراْ ۉ نیا دٱرگیر ڤابیڌن ڤا سرکومرٱ ڤولات کولومبیا رٱئڌاْ ب ڤولات مکزیک ب اوچوناْ.

زئشت[edit | edit source]

هو مؽن سال ۱۹۴۱ زارۊیی ٱڤلینݩ نڤشتاٛیٱل خوس مؽن یٱ رۊزناماْ ڤا نوم Juventude کاْ ڤیجاْ آموختارکارٱل دبیرستان بی شورۊ کرد ۉ مؽن سال ۱۹۴۷ شورۊ ب خوندن رشناْ هوقۊق مؽن دونسمٱندیجا بوگۊتا کرد ۉ ڤاس ڤا رۊزناماْ ڤیرا آزادی اْل‌ اْسپکتادور هومکاری اْکرد مؽن ای رۊزناماْ بی کاْ هوڤالٱل چی مٱتٱل سرگوڤارداْ یاٛ غٱرق ڤابیڌاْ ناْ ب رٱڤشت پانڤشت پلا کرد. مؽن سال ۱۹۵۴ هو بی ب خورنیس اْل‌اْسپکتادور مؽن روم ۉ مؽن سال ۱۹۵۵ نیا بٱستاْ ڤابیڌن زۊزناماٛس رٱئڌ سی پاریس. مؽن سفری کاْ ب ڤولات کولومبیا مؽن سال ۱۹۵۸ داشت ڤا نومٱزٱڌس مرسدس بارکاپاردو عارۊسی کرد. مؽن سالٱل مؽنجقا ۱۹۵۵ تا ۱۹۶۱ زارۊیی هو رٱئڌ سی چٱنتا ڤولات بولۊک ٱفتۉنشیݩ مؽن اورۊپا ۉ مؽن سال ۱۹۶۱ سی زئشت رٱئڌ سی ڤولات مکزیک. مؽن سال ۱۹۶۵ شورۊ کرد ب نڤشدن گٱپ مٱتٱل سٱڌ سال تاٛنایی ۉ هوناْ مؽن سال ۱۹۶۷ تٱموم کرد. سٱڌ سال تاٛنایی مؽن بوینس آیرس پلا ڤابی ۉ ڤ سردؽاری گٱپی ۉ ڤٱرتیگری سی مارکز ٱڤورد ۉ ز ڤیر ۉ باڤٱر دوبیشتر نٱقدکونٱل شاکاراْ. هو مؽن سال ۱۹۸۲ سی ای گٱپ مٱتٱل، جاییزاٛگر جاییزاْ نوبل نیسموݩ ڤابیڌاْ.[1] مؽن سال ۱۹۷۰ کتاو سرگوڌٱشت یاٛ غٱرق ڤابیڌاْ ناْ مؽن بارسلون پلا کرد

سرچشمٱ[edit | edit source]

  1. ڤا ساٛیلی ب زئشت مارکز، سومٱیاْ مومنی، پایگا اینترنتی سیمافیلم