Wp/bqi/ڤولات شناسی

From Wikimedia Incubator
< Wp‎ | bqiWp > bqi > ڤولات شناسی
Jump to navigation Jump to search

ڤولات شناسی یا جوغرافی مؽن اؽروݩ ۉ مؽن دٱموناْ نۊ یٱ علم ڤارڌاتی ڤیڌاٛ ۉ مٱنڌنس زاْ بالاٛیناْ تٱقلایٱل ٱرزشمٱند دو اوستاڌ گرامی پورفوسور مومٱڌ هوساٛین پاپلی یٱزدی و مٱجٱلاْ نٱشمین پاٛی جۊری یٱل ڤولات شناسی ۉ پورفوسور هوساٛین سوکۊیی ڤا دوتا آرنگ ٱرزشمٱند میناْ فٱلسٱفاْ ڤولات شناسی ۉ نیٱشڌنٱل نۊ مؽن ڤولات شناسی شٱئریۉ پورفوسور سیرۊس سٱهامی هڌ.

گشڌ دونسمٱندی یٱل سٱر تٱئریف کٱلماْ ڤولات شناسی جٱر اْکٱشن ۉ تا اؽساْ یٱ اْجماع مؽن ڤولات شناسی سۊرٱت نٱگراٛئڌاْ. ڤٱلی نوکتاْ ٱسلی مؽن گشڌ ای تٱئریفٱل تکاْ ڤور مٱفاهیم ٱسلی ڤولات شناسی چی فٱزا جا ۉ مکوݩ سا فاسلاْ ۉ مقیاس اْ. پٱ ڤولات شناسی اْنسانی هٱم تٱئریف دٱقیقی نڌاراْ. تاٛئنا هونو ناْ تٱرن دٱرباراْ تٱئریفٱل ڤولات شناسی منشڌسون بوگون کاْ مٱقالاْ مؽن ریتراز جٱهوݩی یا مٱجٱلیٱل دونسمٱندی ۉ پاٛی جۊری داشتاْ بۊئن کاْ ز پاٛی جۊری دراوڌاْ بۊن. اؽچاْ ڤا زاْ زنڌاْ ڤیر پورفوسور موسول(موستٱفا) موئمنی ۉ پورفوسور یاڌولا فٱریڌ هٱم نوم بٱریم. نهاتٱرین کٱسی کاْ کٱلیماْ ڤولات شناسی ناْ ڤٱند ڤا کار ٱراتوستن(۲۷۶-۱۹۴ نها زمار ڤیڌن مٱسی) ڤی. چار رٱسم ڤیرگارمٱند مؽن پاٛی جۊریٱل ڤولات شناسی هونونن؛ ڤاکاڤی(تٱجزیاْ ۉ تٱئلیل) مٱکوݩی چیٱل سریشتی ۉ اْنسانی(ڤولات شناسی ڤا داسوݩ بٱرٱسی دٱرباراْ تیژنیڌاٛئی ) خوندنی یٱل راستاگٱیی (مٱکونٱل ۉ راستاگٱیٱل) خوندن اْنسان ۉ راڤتس ڤا زمیݩ ۉ پاٛی جۊری مؽن دونسمٱندیٱل زمیݩ هڌٱ. ڤا ڤوجۊد هونوݩ: ڤولات شناسی نۊ نٱزم ۉ اْنزبات هٱمگر هڌٱ کاْ میناْ دٱریجاْ ٱڤٱل ڤ دیناْ فٱئمسن زمین ۉ گشڌ پیجنیڌیٱل اْنسان ۉ سریشت ڤیڌاٛ ۉ تاٛئنا مونهٱسر ڤ چیٱل ۉ جاسوݩ نؽ. بٱلکوم دٱرباراْ هاٛ کاْ چتاٛ لؽرساٛ ۉ اْلؽراٛ هٱم هڌٱ. [1]

ڤولات شناسی پولیٱ مؽنجقا آڌوم ۉ دونسمٱندی سریشت دونسمٱندی ۉ ب دو لشک ٱسلی ڤولات شناسی اْنسانی ۉ ڤولات شناسی سریشتی بٱشن ڤیڌاٛ. ڤولات شناسی تٱریم چونو کاْ ڤیڌال دۊلابلاش گوڌاْ دونسمٱندی راڤتاْ موتٱقابل آڌوم ۉ سریشت بڌونیم. هو اْگو کاْ سریشت اْمکانٱلاٛ ناْ ڤ اڌم اْڌاْ ۉ آڌوم ڤا رٱهزهشت ز هونوݩ اْڤٱناْ ڤا کار .

سرچشمٱ[edit | edit source]

  1. Pidwirny, Dr. Michael; Jones, Scott. "Chapter 1: Introduction to Physical Geography". University of British Columbia Okanagan. http://www.physicalgeography.net/fundamentals/1b.html. Retrieved 10 November 2016.