Wp/bqi/چاٛگۊڤارا

From Wikimedia Incubator
< Wp‎ | bqiWp > bqi > چاٛگۊڤارا
Jump to navigation Jump to search
چاٛگۊڤارا
CheHigh.jpg
زاٛمار ڤابیڌن اْرنستو گۊڤارا
Template:Wp/bqi/birth date
روزاریو، آستوݩ سانتافاْ، آرجانتین
ز دونیا رٱئڌن Template:Wp/bqi/death date and age
لاهیورا، ڤالاٛگرانداْ، بۊلیڤی
دلیل ز دونیا رٱئڌن اْعڌام ڤا تیر ڤٱندن
Resting place مٱزار چاٛگۊڤارا
سانتاکلارا، کۊبا
چیا دیٱ دونسمٱنجا بۊینس آیرس
کاٛسم دوگدور, نڤیسیار،چریک، دۉلاٛمٱند
سامونجا جومشت 26 جۊلای
نوم دیار ڤابیڌاْ سی گۊڤارائیسم
زیناٛیٱل
هیلدا گادیا
(m. ۱۹۵۵; تلاق ۱۹۵۹)

آلیدا مارچ (m. ۱۹۵۹)
بٱچاٛیٱل هیلدا (1956–1995)
آلیدا (زاٛمار ڤابیڌن 1960)
کامیلو(زاٛمار ڤابیڌن1962)
سلیا (زاٛمار ڤابیڌن1963)
اْرنستو(زاٛمار ڤابیڌن1965)
دا باٛڤۊ() اْرنستۊ گۊڤارا لینچ
سلیا د لا سرنا ای لوسا
اْمزا
CheGuevaraSignature.svg

اْرنستو چاٛگۊڤارا ب اْسپانیایی Ernesto Che Guevara زاٛمار ڤابیڌاْ مؽن 14 جۊئٱن سال 1928 زارۊیی ز دونیا رٱئڌاْ مؽن 9 اوکتوبر 1967 زارۊیی کاْ بیشتٱر ڤا نوم چاٛگۊڤارا و اْل چاْ نوم دیار ڤابیڌاْ، دوگدور، سیاستکار، چیریک و ڤٱزآلیشتکار مارکسیست بی کاْ مؽن ڤولات آرجانتین زاٛمار ڤابی و یکی ز سردیاریٱل ڤٱزآلیشت کۊبا بی. شیڤات چاٛگۊڤارا یکی ز نماڌٱل آزاڌی و بٱشٱر دۊسدی ڤابیڌاْ. هو مؽن گات دونسمٱنجۊری و جڤۊنی سرتاسر اْمریکا بلٱمگٱ ناْ گاْشت و بیچاراٛیی خٱلک اوچوناْ ب تی خوس دی و چونو چیایی ری هال و بال ڤٱزآلیشتکاریس کارگرایی زیاتی داشت [1] چونو بی کاْ هو اْتقاتس یو ڤابی کاْ فرگ اْکرد کاْ موقٱسر ٱسلی و اْستسمارگر ڤولاتٱل اْمریکا بلٱمگٱ اْمریکا ئاْ و سی یو بی کاْ خاسد ڤا هٱیاری خابوکو آربنز سرکومٱراْ ڤولات گوآتمالا یاْ سری بؽتٱرکاری مؽن ڤولات گوآتمالا داشتاْ بۊ ڤاٛلی ز بٱخد لیش هو آربنز ڤا یٱ کۊڌتا کاْ ڤا دٱسدۊر کومپانی یۊنایتد فرۊتز ٱنجوم ڤابی ز سرکومٱراْ ڤولاتی کنار کاٛشیڌ، اوسو چونو ڤابی کاْ چاٛگۊڤارا ڤٱزآلیشتکارتر ڤابی و ب نیاس مؽن مکزیکوسیتی فیدل کاسترو و رائول کاسترو ناْ دیڌ و ٱندوم جومشت 26 جۊئیاْ هونو ڤابی و ڤاسوݩ ڤا قایوق گرٱنما رٱئڌ ب کۊبا سی ڤاجگوݩ کردن فولخسیو باتیستا دیکتاتور کۊبا کاْ هامیندارس ڤولاتچاٛیٱل یٱگاگیر اْمرکا بی، چاٛگۊڤارا سی ڤاجگوݩ کردن باتیستا دیکتاتور کۊبا غٱلٱڤاْ کۊشایشت کرد و سی چونو کۊشایشتی ڤابی ب فرمونیار دویوم و نیا ڤاجگوݩ ڤابیڌن باتیستا چٱنتا جاگٱ کلیتی مؽن دۉلت ڤٱزآلیشتکار کۊبا گراٛئڌ جۊر خاستن نیاگری یا تیرباروݩ هونو کاْ جنایتکار جٱنڳی بیڌن، بیترکاری زمینی ڤا داسوݩ ڤاٛزیر سٱنایع، رٱڤٱندیاری کٱمپاٛین سٱڤاڌآموختن، رئیس بانگ زایاراٛیی کۊبا، دیڤوندار آموختارکاری نیرۊیٱل جٱنڳی کۊبا و رٱئڌن ب ڤولاتٱل دونیا ڤا داسوݩ سفیر رجیم سۊسیالیستی کۊبا. چاٛگۊڤارا نٱشق ٱسلی مؽن ٱڤوردن مۊشٱکٱل دیربورد شۉرٱڤی ب کۊبا مؽن سال 1962 زارۊیی ناْ داشد ری یونو چاٛگۊڤارا یٱ ڤیرنڤیس و مٱتٱل نڤیس ملۊسی بی جۊری کاْ چٱنتا کتاو چی جٱنڳ چریکی، ڤیرنڤشتاٛیٱل موتورسوڤاری، کاْ ڤیرنڤشتاٛیٱل هو ز گٱشتن ڤولاتٱل اْمریکا بلمٱگٱ ڤا موتور بیڌن نڤشتاْ ، هو چونو ڤیر و باڤٱری داشت کاْ ریشاْ موشگلات جهوݩ ساٛیوم اْستمعار نۉ، ٱمپریالیسم و سرمایاٛداری تٱکی بی و تاٛنا رٱه نجات گراٛئڌن ز چونو دٱردی رٱئڌن ب لا پرولتاریا ٱنترناسیونالیسم و ڤٱزآلیشت جهونی ئاْ. چاٛگۊڤارا مؽن سال 1965 زارۊیی سی ز ب دٱر دائن ڤٱزآلیشت ز کۊبا کرد ب دٱر ٱڤٱلس هو رٱئڌ ب کونگو کینشازا و دینداس رٱئڌ ب بۊلیڤی، دٱسد آخر هو مؽن بۊلیڤی ب دٱسد نزامی یٱل بۊلیڤی ڤا هیاری سیا دٱسگر و اْعڌام ڤابی.

زهشت نومٱ[edit | edit source]

اْرنستو گۊڤارا ٱڤلین بٱچاْ ز پٱنژتا بٱچاْ اْرنستو گۊڤارا لینچ و سلیا د لاسرنا، کاْ هرکومسوݩ ز خٱلک ڤارو و ٱشراف آرجاتینی بیڌن و اْرنستو مؽن رۊز ۱۴ جۊئٱن ۱۹۲۸ زارۊیی مؽن روزاریو آرجانتین تیس ب دونیا گوشی. پاپا باٛڤۊس پاتریسیو خۊلیان لینچ مالدارتریݩ پیا اْمریکا بلٱمگٱ مؽن گات خوس بی و ز لا دیٱ ریشاْ داس اْرٱساْ ب خوز د لاسرنا هینوخوسا آخریݩ فرموندار اْسپانیایی پرو بی، ریشاْ هونڤاداْ چاٛگۊڤارا باسکی ایرلندی ئاْ. اْرنستو ز گات بچاٛیی ڤیرس ڤا فٱقیروݩ بی و باٛڤۊس هامیندار دۉلت کومرٱ ڤولات اْسپانیا بی. ڤایو کاْ هو آسم گٱنی داشت ڤاٛلی تٱرست مؽن فۊتڤال و تیرڤٱندن و گولف مٱقام گراٛئڌ

ڤیرنڤشتاٛیٱل موتورسوڤاری[edit | edit source]

مؽن سال 1948 سی رشناْ پزشگی رٱئڌ ب دونسمٱنیجا بوینس آیرس، گوسناٛییس مٱژبۊرس کرد کاْ دونیا بیشدٱر بی یٱشناْ. دوتا ز سٱفراس ب ڤولاتٱل اْمریکا بلٱمگٱ دیڌس ب اۉزاع اومۊری اْمریکا لاتین آلشت دا. ٱڤلین سٱفرس ب ٱندازاْ 4500 کلومتر ز آستونٱل شومالی آرژانتین ڤا یٱ دوچرخاْ کاْ ریس یٱ موتور کۊچیر پورنیڌاْ بیڌن ٱنجوم گراٛئڌ. هو ز هال و بال مٱعڌٱنٱل شیلی غٱلٱڤٱ ناراهت ڤابی و یٱ زیناْ میراْ شاٛڤوناْ رٱئڌن ب بیاڤونٱل آتاکاما ٱلڤٱت چونو کاْ دیار بی هونو یٱ پتۊ هالی ئٱم ناشتن، چاٛگۊڤارا ای دوتا ناْ گۊشت و هٱست ب رٱکوݩ اْستسمار سرمایاٛداری دونست. دلیل دیٱر ناراهٱتیس کشاڤٱرزٱل ماچوپیچو ری زمین ٱرباوسوݩ کار اْکردن. دیندا چاٛگۊڤارا غٱلٱڤاْ رٱئڌ زیرناٛخیز کارگرایی رفاقٱت ڤا خوراٛیی یٱل، چونو کاْ خوس اْگوئڌ " بیتٱریݩ شیڤات بٱفاداری و اْنسجام تؽنا ز او مٱردوموݩ بیچاراْ اْڤورستاڌ." چاٛگۊڤارا ز دٱست نڤشتاٛیٱل خوس مؽن ای سفر یٱ گوزارشتی راسد کرد ڤا نوم ڤیرنڤشتاٛیٱل موتورسیکلت کاْ ڤانیاتر یکی ز پورفروشتریݩ کتاوٱل نیویورک تایمز ڤابی.

تٱرز فرگ و ڤیرنیسمونی[edit | edit source]

گۊڤارا بازی شٱترٱنج ناْ ز باٛڤۊس یاڌ گراٛئڌ، ز بٱچاٛییس غٱلٱڤاْ ز باٛیتٱل پابلو نرڤادا، جان کیتس، آنتونیو ماچادو، فدریکو گارسیا لورکا، گابریلا میسترال، سزار ڤالخو و ڤالت ڤیتمٱن داشت.

سرچشمٱ[edit | edit source]

  1. On Revolutionary Medicine Speech by Che Guevara to the Cuban Militia on August 19, 1960. "Because of the circumstances in which I traveled, first as a student and later as a doctor, I came into close contact with poverty, hunger and disease; with the inability to treat a child because of lack of money; with the stupefaction provoked by the continual hunger and punishment, to the point that a father can accept the loss of a son as an unimportant accident, as occurs often in the downtrodden classes of our American homeland. And I began to realize at that time that there were things that were almost as important to me as becoming a famous or making a significant contribution to medical science: I wanted to help those people."