Wp/bqi/ٱتاڤٱکان لٛور گٱپ

From Wikimedia Incubator
< Wp‎ | bqiWp > bqi > ٱتاڤٱکان لٛور گٱپ
Jump to navigation Jump to search

ٱتاڤٱکون لٛور گٱپ زاڌرۊئاٛ(۱)(۲)(۳)(۴) هزارٱسپی(۵) ز زاڌرۊ ٱتاڤٱکوݩ لٛورسوݩ کاْ ز (۵۵۰ تا ۸۲۷غ)(۱۱۵۵ تا ۱۴۲۴م) اۊچنا فرموݩ روندناْ. ٱبۊتاهر ایݩ زاڌرۊناْ راس کرد کاْ ز نٱڤاڌگون مومٱد کٱر سٱلک کٱر هورموز ساسانی ئاْ. ز غٱرن دوڤوم یٱکی ز زاڌرۊ شائزاڌاٛیٱل نٱسل ٱردشؽر ساسانی دینا ؤایر ڤیڌن ایروݩ ڤ دٱس عرٱڤوݩ مؽن سٱڌاْ دویوم مالکٱنوݩ دوڤارتاْ قوریٱت اْیراْ ۉ اۊفتاْ ڤ فرگ گٱپی دٱرنهاڌاٛ ایروݩ. رٱئڤٱری ایݩ زایاراٛ ایرونی تٱڤار ملک سلک ڤیڌاْ. ملک سلک ٱڤٱل مؽن قٱرن دویوم خلایٱتاٛ ز مٱردم زاگروس مؽنجقایی ناْ داٛئر خوس جٱم اْکوناْ ۉ خلایٱت قوم ایرونی ڤا نوم ٱقڤام لٛورگٱرد کاْ مٱعنیس بارکوݩ(کوچرو) ڤیڌن راس اْکوناْ. کاْ ایسنا ڤا نوم لٛورون شاٛڤونکاراْ نوم دیارن. پاتٱخت ایݩ فرمونرٱڤایا مؽن شٱئر ایزاْ( ایزج) ڤی ۉ عیسوف شا دوڤوم(سانی) ز ایݩ زاڌرۊ شۊشتٱر ۉ بٱسراْ ناْ هٱم گراٛئڌ. ٱتٱڤٱکون لٛور گٱپ تا مؽنجقا ٱڤٱل قٱرن نوهوم مٱنن ۉ دیناٛیسوݩ غیاسڌیݩ کاڤۊس نومس ڤی. سولتوݩ ٱڤراٛیم کوئٱک شائروخ تاٛئمۊری زاڌرۊ ٱتٱڤٱکوݩ لٛور گٱپناْ ؤایر کرد. غاٛئرا ز ایݩ زاڌرۊ یٱ زاڌرۊ کوچیر دیٱراٛ ز ٱتٱڤٱکوݩ لٛور کوچیر هٱم مؽن راستاگٱ لٛور کوچیر هوکۊمٱت اْکردناْ ۉ ز ٱڤٱیل ڤٱرن هٱفڌوم تا ڤٱرن دٱئوم مؽن اۊ راستاگٱ مٱنن.

ڤیرگار ٱتاڤٱکان لٛور گٱپ[edit]

ڤولات لورسوݩ دو جۊراْ: یکی ڤولات لور کۊچیر و دیٱری ڤولات لور گٱپ.

نومگٱ شایٱل لور گٱپ[edit]

ٱتاڤٱکان لور گٱپ تا نیمٱ ٱڤٱل قٱرن نوئوم سر کار بیئن ۉ آخریݩ پاڌشا ای سلسلاْ غیاس الدین کاڤۊس بیڌاْ کاْ ب دٱسد سولتوݩ اْبرائیم اْبن شائروخ تاٛیمۊر کوشتاْ ڤابیڌ و ای سلسلاْ ڤاجگوݩ ڤابی. یو نومگٱ شایٱل سلسلاْ ٱتاڤٱکان لور گٱپاْ:

  • ٱبۊتاهر نزیک ۵۵۰ مالکٱنوݩ مادیار
  • ٱتاڤٱک هزارٱسب اْبن ٱبی تاهر تا ۶۲۶.
  • عمادالدین پٱهلڤوݩ اْبن هزارٱسب ز ۶۲۶ تا ۶۴۲.
  • نوسرٱت الدین کولجاْ کور هزارٱسب ز ۶۴۲ تا ۶۴۹.
  • تٱکٱلاْ کور هزارٱسب ز ۶۴۹ تا ۶۵۶.
  • شمس الدین آلب ٱرغو کور هزار ٱسب ز ۶۵۶ تا۶۷۲.
  • ایسوف شا کور آلب ٱرغو ز ۶۷۲ تا ۶۸۸.
  • ٱفراسیاو کور ایسوف شا ز ۶۸۸ تا ۶۹۵.
  • نوسرٱت الدین ٱهمٱد کور ایسوف شا ز ۶۹۵ تا ۷۳۰.
  • ایسوف شا دویوم کور نوسرٱت الدین ٱهمٱڌ ز ۷۳۰ تا ۷۴۰.
  • ٱفراسیاو دویوم کور نوسرٱت الدین ٱهمٱڌ ز ۷۴۰.
  • نورالڤرد کور سولاٛیموݩ شا کور ٱتاڤٱک ٱهمٱڌ تا ۷۵۷.
  • ٱتاڤٱک پشنگ کور سولغورشا کور ٱتاڤٱک ٱهمٱڌ ز ۷۵۷ تا ۷۹۲.
  • پیر ٱهمٱڌ کور ٱتٱڤٱک پشنگ ز ۷۹۲ تا ۷۹۸.
  • ٱبۊسٱعیڌ پیر ٱهمٱڌ تا ۸۲۰.
  • شاهوساٛیݩ کور ٱبی سٱعیڌ ز ۸۲۰ تا ۸۲۷.
  • غیاس الدین کاڤوس کور هۊشٱنگ.

ٱتاڤٱکان لور گٱپ ب دٱسد تاٛیمۊری یٱل ڤاجگوݩ ڤابیڌن.

سرچشمٱ[edit]