Wp/bqi/مٱیسلیموݩ

From Wikimedia Incubator
< Wp‎ | bqiWp > bqi > مٱیسلیموݩ
Jump to navigation Jump to search
Masjed Soleyman
مٱیسلیموݩ
شٱئر
ڤولات  Iran
آستوݩ خۊجستان
شٱئرستان مٱیسیلموݩ
بٱئرجا مؽنجقایی
نوفۊس(۲۰۱۶ Census)
 • تٱپستاٛیی نوفۊس
 • شٱئری ۱۰۰٬۴۹۷ [1]
راستاگٱ گاتی گات اوستاندارد ایران (یۊ تی سی +۳:۳۰)

مٱیسلیموݩ ( فارسی: مٱسجد سولاٛیمان) یٱکی زاْ شٱئرٱل آستوݩ خۊجستان اْ ای شٱئر ڤا نوم شٱئر ٱڤٱلینا سردیاراْ. کونشتکاری درٱڤوردن نٱفت سی رٱ ٱڤٱل مؽن مؽنجقا ٱفتۉزٱنوݩ مؽن سال ۱۹۰۸ زارۊیی ب دٱسد ڤیلیام ناکس دارسی، کونسرسیوم دارسی زی شٱئر ۉ چٱ شوماراْ یٱک، داو نٱفتی مٱیسلیموݩ شورۊ ڤابیڌ. مٱیسلیموݩ مؽنجقا تایفاٛیٱل نٱچی ؽٱک اؽل هٱف لنڳ بٱختیاری ۉ بٱئری ز تایفاٛیٱل چارلنڳ اْ. ڤٱرتی گرتریݩ مالرۉ چاڌرنشینوݩ بٱختیاری ڤ اٛئلاخ ز مؽنجقا شٱئر اْگوڌٱراْ.

رۊستایٱل لالی، ٱندکا، عٱنبٱر، هٱف شٱهیڌوݩ ۉ گلگیر زاْ بٱئرجایٱل ڤابٱتساْ دۉر ۉ با ای شٱئر ڤیڌن کاْ مؽن چٱن سال گوڌٱشتاْ بٱئرجا لالی ۉ ٱندکا ڤ شائرستان ۉ گلگیر ۉ عٱنبٱر ڤ شٱئر آلشت کردن. ز شؽڤاتٱل دیڌنی ایݩ شٱئر بۊ ب ٱڤلیݩ چٱ نٱفت مؽنجقا ٱفتۉزٱنوݩ، داٛڤوݩ کو آسماری، تٱفٱروجگا تاٛمبی، گولگیر، مٱئبٱڌ سٱرمٱچڌ ۉ مٱئبٱڌ بٱرڌ نشونداْ کاْ گٱفڌٱرین مٱئبٱڌ سٱر ڤ تاک مؽن ایروݩ ۉ جهون اْشاراْ کرڌ. یکی ز دٱلایل گٱپ کلونکاری مٱیسلیموݩ، جوستن نٱفت مؽن ای ڤار ڤیڌ. مٱیسلیموݩ تیم پور شۊر ۉ پور هامیندار نٱفت مٱیسلیموݩ داراْ کاْ مؽن ڤٱرزشگا شٱهیڌ باٛئنام موهٱمٱڌی مؽن ماٛئڌون چل نومراْ بازی اْکوناْ. زایاراٛ مٱیسلیموݩ ڤ لزۉ بٱختیاری کاْ یکی ز لزۉٱل زڤوݩ لوری گوفت ۉ لوفت اْکونن. شٱئرستان مٱیسلیموݩ چی دوبؽشڌٱر شٱئرٱل خۊجستان اْۉ ۉ هٱڤاس گٱرم ۉ یاٛتی هوشکاْ ۉ تۉستونٱل گرم ۉ زمستونٱل مدیتراناٛیی داراْ. میانگین بارشت سالونس ڤارو ۴۰۰ میلیمتر ۉ میانگین هٱڌٱقٱل دٱما سٱرڌترین ما سال ۷ گیرینج سانتیگراڌ ۉ میانگین دٱما گرمتریݩ ما سال ۴۳ گیرینج سانتیگرڌاْ.

سرچشمٱ[edit | edit source]

  1. https://www.amar.org.ir/english